అతిగా నిద్రపోతే స్ట్రోక్ వచ్చే ప్రమాదం పెరుగుతుందా? అధ్యయనాలు ఏం చెబుతున్నాయి..?
నిద్రలేమే కాదు అతి నిద్ర కూడా అంత మంచిది కాదు అంటున్నాయి తాజా అధ్యయనాలు. అతిగా నిద్ర పోవడం వల్ల గుండె పోటు వచ్చే ప్రమాదం ఎక్కువగా ఉందని చెబుతున్నాయి.
చక్కటి ఆరోగ్యానికి, శరీరం బాగా పనిచేయడానికి రోజుకు కనీసం ఆరు నుంచి ఎనిమిది గంటల నిద్ర అవసరం అని వైద్య నిపుణులు సిఫార్సు చేస్తారు. అంతేకాదు నిద్రలేమి నేటి రోజుల్లో సాధారణ సమస్యగా మారుతోంది. దీనివల్ల అనేక రకాల ఆరోగ్య సమస్యలు వస్తాయని హెచ్చరిస్తున్నారు.
అయితే, నిద్రలేమే కాదు అతి నిద్ర కూడా అంత మంచిది కాదు అంటున్నాయి తాజా అధ్యయనాలు. అతిగా నిద్ర పోవడం వల్ల గుండె పోటు వచ్చే ప్రమాదం ఎక్కువగా ఉందని చెబుతున్నాయి.
మామూలుగా రోజువారీ పనులు, ఉద్యాగాల హడావుడిలో రోజూ తొందరగా లేస్తారు. వారాంతపు సెలవుదినాల్లో కాస్త ఎక్కువ సేపు పడుకుంటారు. కొంతమందైతే వారాంతంలో పడుకోవడానికి మాత్రమే కేటాయిస్తారు. ఇలా అతిగా నిద్రపోవడం విలాసవంతంగా అనిపించవచ్చు, అయితే రోజూ ఇలా ఎక్కువగా నిద్రపోవడం వైద్యపరమైన ఆందోళనను సూచిస్తుంది.
sleeping day time
ఆరు నుండి ఎనిమిది గంటల మధ్య నిద్రపోయే వ్యక్తులతో పోలిస్తే, ప్రతిరోజూ ఎనిమిది గంటలకు పైగా నిద్రపోయే వ్యక్తులు స్ట్రోక్కు గురయ్యే అవకాశం ఉందని అధ్యయనాలు చెబుతున్నాయి. నిశ్చల జీవనశైలి కారణంగా, స్ట్రోక్కు దారితీసే కార్డియాక్ అరెస్ట్ కారణంగా 25 ఏళ్ల వయస్సు ఉన్నవారు మరణిస్తున్నారు.
stroke
అధ్యయనం ఏం చెబుతుందంటే...
డిసెంబర్ 11, 2019న అమెరికన్ అకాడమీ ఆఫ్ న్యూరాలజీ మెడికల్ జర్నల్ లో ఓ అధ్యయనం ప్రచురితమయ్యింది. దీని న్యూరాలజీ జర్నల్ ఆన్లైన్ ఎడిషన్లో ప్రచురించిన అధ్యయనం ప్రకారం శాస్త్రవేత్తలు 32,000 మంది వ్యక్తులలో స్ట్రోక్ ప్రమాదాన్ని అంచనా వేశారు.
శాస్త్రవేత్తలు స్ట్రోక్ రేట్లను అధ్యయనంలో పాల్గొనేవారి స్వీయ-నివేదిత నిద్ర విధానాలకు అనుసంధానించారు.
స్ట్రోక్కి కారణమేమిటి?
మెదడులోని ఒక భాగానికి రక్త ప్రవాహం అంతరాయం లేదా తగ్గిపోయినప్పుడు, మెదడు కణజాలానికి నష్టం వాటిల్లినప్పుడు స్ట్రోక్ వస్తుంది.
విశ్లేషణ
అధ్యయనం ప్రకారం, రాత్రిపూట ఎనిమిది గంటల కంటే తక్కువ సమయం నిద్రపోయే వ్యక్తుల కంటే రాత్రివేళ తొమ్మిది గంటల కంటే ఎక్కువ నిద్రపోయే వ్యక్తులకు స్ట్రోక్ వచ్చే ప్రమాదం 23 శాతం ఎక్కువగా ఉంటుందట.
ఇక, రోజు మధ్యలో కనీసం 90 నిమిషాల పాటు నిద్రపోయే వ్యక్తులకు, 30 నిమిషాల కంటే తక్కువ నిద్రపోయే వారి కంటే 25 శాతం ఎక్కువ స్ట్రోక్ వచ్చే అవకాశాలు ఉన్నాయట.
ఎక్కువ సేపు నిద్రపోయినా.. అది గాఢనిద్ర కాకుండా కలత నిద్ర అయితే వారికి కూడా స్ట్రోక్ వచ్చే ప్రమాదం 82 శాతం ఎక్కువట. స్ట్రోక్ తర్వాత కూడా తరచుగా నిద్ర సమస్యలు ఉంటాయి. stroke నుంచి బయటపడిన వారిలో ఆ తరువాతి నెలల్లో నిద్రలో ఇబ్బంది పడుతున్నారు. దీనివల్ల స్ట్రోక్ నుంచి రికవరీకి అంతరాయం కలుగుతుంది. జ్ఞాపకశక్తి సమస్యలు ఏర్పడతాయి.
అధిక నిద్ర స్ట్రోక్ అవకాశాలను ఎలా పెంచుతుంది?
అధిక నిద్ర అనేది స్ట్రోక్తో ఎలా సంబంధం కలిగి ఉందో ఇంకా స్పష్టంగా తెలియలేదు, అయితే ఎక్కువగా నిద్రపోయే వ్యక్తులు కొలెస్ట్రాల్ స్థాయిలు పెరిగినట్లు గమనించబడింది. ఇది బరువు పెరగడానికి, స్ట్రోక్ ప్రమాదాన్ని పెంచడానికి కారణం అవుతుంది.
శుభవార్త
ఆరోగ్యకరమైన ఆహారం, జీవనశైలి ఎంపికలు 80 శాతం స్ట్రోక్ ప్రమాదాన్ని నివారించడంలో సహాయపడతాయని వైద్యులు నమ్ముతారు. అందువల్ల, శరీరాన్ని ఎప్పుడూ చలనంలో ఉంచాలి. తక్కువ జంక్ ఫుడ్ తీసుకోవాలి. ధూమపానానికి నో చెప్పాలి. మెరుగైన జీవితం కోసం, స్ట్రోక్ ప్రమాదాన్ని తగ్గించడానికి రక్తపోటు, చక్కెర స్థాయిలు, బరువును ఎప్పటికప్పుడు పర్యవేక్షించాలి.
తలనొప్పి మిమ్మల్ని తరచూ బాధ పెడుతుందా అయితే ఈ చిట్కాలు మీకోసమే..!