కెఎల్ రాహుల్, అతియాశెట్టిలకు ఇష్టమైన బ్రేక్ ఫాస్ట్ ఇదేనట...

దీనికి కాప్షన్ గా “ఎట్టకేలకూ కెఎల్ రాహుల్ తన ఆహారాన్ని మీతో షేర్ చేసుకుంటున్నాడు’’ అని పెట్టారు. వీరిద్దరూ తమ ఆహారం, ఫిట్‌నెస్ విషయంలో చాలా జాగ్రత్తగా ఉంటారు. వీరిద్దరికీ రుచికరమైన, ఆరోగ్యకరమైన పాన్‌కేక్‌లంటే ఇష్టం. ఇటీవల, ముంబైలోని వాంఖడే స్టేడియంలో జరిగిన క్రికెట్ మ్యాచ్‌లో అతియా, ఆమె కుటుంబం, ఆమె బెస్ట్ ఫ్రెండ్స్ కెఎల్ రాహుల్‌ మ్యాచ్ కు హాజరయ్యారు.

టిఫిన్ గా పాన్ కేక్ లు..
గుమ్మడి గింజలు, పుచ్చగింజలు, ఖర్జూరం, తేనెలాంటి రుచికరమైన టాపింగ్స్‌తో ఉన్న నోరూరించే పాన్‌కేక్‌ ఫొటోను అతియా శెట్టి షేర్ చేసింది. ఈ రోజు కెఎల్ రాహుల్ పుట్టినరోజు సందర్భంగా ఇద్దరూ కలిసి కొంత సమయాన్ని గడిపారు. కెఎల్ రాహుల్‌కు పుట్టినరోజు శుభాకాంక్షలు తెలుపుతూ అతియా తామిద్దరూ కలిసి ఉన్న కొన్ని అందమైన చిత్రాలను కూడా పంచుకున్నారు. 

పాన్కేక్ రెసిపీ
కావలసిన పదార్థాలు 
¾ కప్ రోల్డ్ ఓట్స్ 
1 అరటిపండు 
1 గుడ్డు 
½ tsp వెనిలా ఎస్సెన్స్
¼ కప్పు పాలు
1 టేబుల్ స్పూన్ నూనె

తయారు చేసే పద్ధతి
ముందుగా ఈ అన్ని పదార్థాలను బ్లెండర్ లో వేయాలి. మెత్తగా అయ్యేవరకు రుబ్బాలి. ఆ తరువాత ఈ మిశ్రమాన్ని ఓ గిన్నెలోకి తీసుకోవాలి. గిన్నెలోకి తీసుకున్న తరువాత దీన్ని ఒక నిముషం పాటు విస్క్ చేయాలి. 

ఇప్పుడు స్టౌ మీద నాన్ స్టిక్ పాన్ పెట్టి... కొన్ని చుక్కల నూనె వేసి రుద్దాలి. పాన్ వేడెక్కాక ఒక గరిటెతో పిండి వేసి గుండ్రంగా తిప్పాలి. ఆ తరువాత మంటను మీడియంలో పెట్టి కాలనివ్వాలి. ఒక వైపు బంగారు గోధుమ రంగు వచ్చిన తర్వాత, పాన్ కేక్ ను తిప్ప మరోవపైపు కూడా అలాగే కాలనివ్వాలి. 

పాన్‌కేక్‌ల రుచిని పెంచడం కోసమే కాకుండా.. వాటి పోషక విలువలను కూడా పెంచడానికి కొన్ని పదార్థాలను కలపాలి. వీటిని రుచికరంగా తినడానికి పాన్ కేకులకు తేనె లేదా మాపుల్ సిరప్‌ని ఎంచుకోవచ్చు. చాలా మంది వీటిని పండ్లతో తినడానికి కూడా ఇష్టపడతారు. దీనికోసం అరటిపండ్లు, స్ట్రాబెర్రీలు, యాపిల్స్, బ్లూబెర్రీస్, మామిడి పండ్లనుపాన్‌కేక్‌ల మీద టాప్-ఆఫ్ చేయచ్చు. లేదా బాదం, వాల్‌నట్‌లు, గుమ్మడికాయ గింజలు, పుచ్చకాయ గింజలను అలంకరించడం ద్వారా ఆరోగ్యకరమైన కొవ్వులను జోడించొచ్చు.

పాన్‌కేక్‌ల రుచిని పెంచడం కోసమే కాకుండా.. వాటి పోషక విలువలను కూడా పెంచడానికి కొన్ని పదార్థాలను కలపాలి. వీటిని రుచికరంగా తినడానికి పాన్ కేకులకు తేనె లేదా మాపుల్ సిరప్‌ని ఎంచుకోవచ్చు. చాలా మంది వీటిని పండ్లతో తినడానికి కూడా ఇష్టపడతారు. దీనికోసం అరటిపండ్లు, స్ట్రాబెర్రీలు, యాపిల్స్, బ్లూబెర్రీస్, మామిడి పండ్లనుపాన్‌కేక్‌ల మీద టాప్-ఆఫ్ చేయచ్చు. లేదా బాదం, వాల్‌నట్‌లు, గుమ్మడికాయ గింజలు, పుచ్చకాయ గింజలను అలంకరించడం ద్వారా ఆరోగ్యకరమైన కొవ్వులను జోడించొచ్చు.