వేపాకులు వర్సెస్ కరివేపాకు.. జుట్టుకు ఏది ఎక్కువ మంచిదంటే?

ఆయుర్వేదంలో మన ఆరోగ్యానికి మేలు చేసే ఎన్నో మూలికలు ఉన్నాయి. వీటిలోని అద్భుతమైన లక్షణాల కారణంగా ఇవి మనకున్న ఎన్నో సమస్యల నుంచి ఉపశమనం కలిగిస్తాయి. వీటిలో వేపాకులు,కరివేపాకులు ఒకటి.  వీటిని మనం ఎన్నో రకాలుగా ఉపయోగిస్తాం. కరివేపాకు ఫుడ్ రుచిని పెంచడంతో పాటుగా ఎన్నో ఆరోగ్య ప్రయోజనాలను అందిస్తుంది. అలాగే వేపాకులు కూడా ఆరోగ్యానికి ఎన్నో విధాలుగా మేలు చేస్తాయి. ఈ రెండూ ఆరోగ్యంతో పాటుగా మన జుట్టుకు కూడా ప్రయోజనకరంగా ఉంటాయి. 

అయితే వేపాకులు, కరివేపాకులో ఏది బెటర్ అనే డౌట్ చాలా మందికి వస్తుంటుంది. ఈ రెండింటిలో ఏది జుట్టుకు ఎక్కువ ప్రయోజనకరంగా ఉంటుంది అనే ప్రశ్న కూడా చలా మందికి వస్తుంది.అందుకే ఈ రోజు ఈ రెండింటిలో జుట్టుకు ఏది ఎక్కువ ప్రయోజకరంగా ఉంటుందో తెలుసుకుందాం.. 

దెబ్బతిన్న జుట్టుకు 

వేపాకుల్లో ఉండే ఔషద లక్షణాలు దెబ్బతిన్న జుట్టును మరమ్మత్తు చేయడానికి ఉపయోగపడతాయి. అయితే కరివేపాకులో పుష్కలంగా ఉండే యాంటీ ఆక్సిడెంట్లు  ఫ్రీ రాడికల్స్ వల్ల కలిగే నష్టం నుంచి జుట్టును కాపాడుతాయి.
 

జుట్టు రాలడాన్ని నివారించడానికి

వేపాకులు నెత్తిమీద రక్త ప్రసరణను మెరుగుపరిచి జుట్టు రాలడాన్ని తగ్గిస్తాయి. ఇకపోతే కరివేపాకు మన జుట్టుకు అవసరమైన పోషకాలను అందిస్తుంది. ఇది జుట్టు రాలడాన్ని తగ్గించడంలో ఎఫెక్టీవ్ గా పనిచేస్తుంది. 
 

చుండ్రు నుంచి రక్షణ

వేపాకుల్లో యాంటీ ఫంగల్ లక్షణాలు ఉంటాయి. ఇవి చుండ్రును వదిలించుకోవడానికి, నెత్తిని ఆరోగ్యంగా ఉంచడానికి సహాయపడతాయి. అలాగే కరివేపాకు తలకు పోషణనిస్తుంది. పొడిబారడాన్ని తగ్గిస్తుంది చుండ్రును నివారిస్తుంది.

జుట్టు పెరుగుదలకు

వేపాకుల్లో జుట్టు పెరుగుదలను ప్రోత్సహించే లక్షణాలు మెండుగా ఉంటాయి. అయితే కరివేపాకు జుట్టు కుదుళ్లను బలోపేతం చేస్తుంది. ఇది జుట్టు ఆరోగ్యానికి మేలు చేస్తుంది.
 

జుట్టు సహజ రంగు 

కరివేపాకు సాధారణంగా జుట్టు సహజ రంగును నిర్వహించడానికి ఉపయోగపడుతుంది. అలాగే చిన్న వయసులో జుట్టు తెల్లబడటాన్ని కూడా నివారించడానికి ఇది సహాయపడుతుంది.  ఇకపోతే వేపాకులు వాటి శుద్ధి లక్షణాలతో జుట్టును ఆరోగ్యంగా ఉంచడానికి, జుట్టు రంగును నిర్వహించడానికి సహాయపడతాయి.
 

హెయిర్ షైన్ మెయింటైన్ 

కరివేపాకు వాటి కండిషనింగ్ లక్షణాలకు ప్రసిద్ది చెందింది. ఇవి జుట్టు ఆకృతిని మెరుగుపరుస్తాయి. అలాగే సహజంగా మెరిసేలా చేయడానికి సహాయపడతాయి. వేపాకుల్లో వాటి యాంటీ బాక్టీరియల్ లక్షణాలు జుట్టును హెల్తీ ఉంచడానికి సహాయపడతాయి.