కొబ్బరి నూనెతో ఇలా చేస్తే ఒత్తయిన జుట్టు మీ సొంతం.. పాటించాల్సిన జాగ్రత్తలు ఇవే?
శరీర అందానికి జుట్టు (Hair) ముఖ్యమైనది. జుట్టుకు తగిన పోషకాలు అందించటం ద్వారా జుట్టు ఆరోగ్యంగా ఉంటుంది. జుట్టు సంరక్షణకు హెయిర్ ఆయిల్ మసాజ్ (Massage) చాలా అవసరం.
శరీర అందానికి జుట్టు (Hair) ముఖ్యమైనది. జుట్టుకు తగిన పోషకాలు అందించటం ద్వారా జుట్టు ఆరోగ్యంగా ఉంటుంది. జుట్టు సంరక్షణకు హెయిర్ ఆయిల్ మసాజ్ (Massage) చాలా అవసరం. ఈ మసాజ్ లు జుట్టు కుదుళ్ళను బలపరిచి దృఢంగా, ఒత్తుగా పెరగడానికి సహాయపడుతాయి.
జుట్టు రాలడం, జుట్టు చిట్లడం, నిర్జీవంగా కాంతిహీనంగా మారడం, చుండ్రు (Dandruff) వంటి సమస్యలను తగ్గించడానికి హెయిర్ ఆయిల్ మసాజ్ లు అవసరం. సహజసిద్ధమైన (Natural) హెయిర్ ఆయిల్ మసాజ్ ల తయారీ గురించి ఇప్పుడు మనం తెలుసుకుందాం.
100 గ్రాముల కొబ్బరి నూనె (Coconut oil), 50 గ్రాముల నువ్వుల నూనెను వేడి చేశాక ఇందులో ఒక స్పూన్ అవిసె గింజల పొడి, ఒక స్పూన్ మందార పూల పొడి (Hibiscus), ఒక స్పూన్ ఉసిరికాయ (Amla) పొడి వేసి పది నిమిషాలు మరిగించాలి. ఈ మరిగించిన ఆయిల్ చల్లారాక వడగట్టాలి. ఈ నూనెను తలకు మసాజ్ చేసుకోవడం వల్ల వెంట్రుకలు నల్లగా నిగనిగలాడుతూ ఉంటాయి.
కొన్ని మందారపు (Hibiscus) ఆకులను, పూలను పేస్టు చేసి దీన్ని కొబ్బరినూనెలో (Coconut oil) వేసి రెండు, మూడు నిమిషాలు వేడి చేయాలి. ఇలా మరిగించిన నూనెను చల్లారాక వడగట్టాలి. జుట్టు కుదుళ్లకు మాడుకు పదినిమిషాలు మసాజ్ చేయాలి. అరగంట తర్వాత తల స్నానం చేయాలి. ఈ ఆయిల్ లో ఉన్న ఔషధ గుణాలు జుట్టు పొడవుగా, ఒత్తుగా నిగనిగలాడుతూ పెరుగుటకు ఉపయోగపడతాయి.
ఒక కప్పు కొబ్బరి నూనెను (Coconut oil) తీసుకుని వేడి చెయ్యాలి. ఇందులో ఒకటి కట్ చేసిన ఉల్లిపాయ (Onion) ముక్కలను, రెండు వెల్లుల్లి (Garlic) రెబ్బలు వేసి రెండు నిమిషాలు మరిగించాలి. ఇలా మరిగించి పెట్టిన ఆయిల్ ను చల్లారాక వడగట్టాలి. ఈ ఆయిల్ తో తలకు మసాజ్ చేసుకుంటే జుట్టు రాలే సమస్య తగ్గుతుంది.
కొబ్బరి నూనె (Coconut Oil), వేప నూనెను (Neem Oil) సమపాళ్లలో తీసుకుని తలకు మసాజ్ చేసుకోవాలి. అరగంట తర్వాత గాఢత లేని షాంపూతో తలస్నానం చేయాలి. వేప నూనెలో యాంటీ ఫంగల్ గుణాలు ఎక్కువగా ఉంటాయి. తలలో ఉన్న చెడు బ్యాక్టీరియాను నశింపచేస్తుంది. దాంతో చుండ్రు సమస్య నుంచి విముక్తి కలుగుతుంది.
జుట్టు మృదువుగా నల్లగా ఒత్తుగా పెరగడానికి కొన్ని కరివేపాకు(Curry Leaves) ఆకులను కొబ్బరి నూనెలో (Coconut Oil) వేసి పది నిమిషాలు మరిగించాలి. మరిగించి చల్లారిన ఆయిల్ ను తలకు మసాజ్ చేయడం వల్ల జుట్టు ఆరోగ్యంగా ఉంటుంది. కరివేపాకులో బీటా కెరోటిన్ అధికంగా ఉంటుంది. ఇది జుట్టుకు ఆరోగ్యానికి తగిన పోషకాలను అందిస్తుంది.