నవవధువు అందాల పుత్తడి బొమ్మగా కనిపించాలంటే ఈ మేకప్ టిప్స్ పాటించండి!
ప్రతి అమ్మాయి జీవితంలో పెళ్లి అనేది ఒక అందమైన (Beautifully) మధురమైన కార్యక్రమం. వధువుగా తన అలంకరణ అందరినీ ఆకట్టుకునేలా ఉండాలని కోరుకుంటుంది. ఈ క్రమంలో చక్కటి చీర, దానికి తగిన నగలు, పూల జడతో కనిపిస్తుంది. తగిన వస్త్ర అలంకరణతో పాటు తన ముఖానికి మేకప్ (Makeup) కూడా అంతే ముఖ్యం. ఈ ఆర్టికల్ ద్వారా నవ వధువు వేసుకోవాల్సిన మేకప్ గురించి తెలుసుకోవడం..
పెళ్లి కూతురు తన మేకప్ విషయంలో చాలా జాగ్రత్తలు తీసుకోవాలి. మేకప్ సరిగ్గా లేకపోతే తను నలుగురిలో అందంగా ఆకర్షణీయంగా (Attractive) కనిపించదు. పెళ్లికి ఏవిధంగా మేకప్ చేసుకోవాలో ముందే ప్లాన్ చేసుకోవాలి. పలువురి సలహాలు సూచనలు తీసుకోవాలి. అప్పుడే పెళ్లిలో కొత్త లుక్ (New look) తో అందరినీ ఆకర్షిస్తుంది. అయితే ఇప్పుడు పెళ్లికూతురు ఏవిధంగా మేకప్ చేసుకోవాలో వాటి సలహాలు, సూచనలు గురించి తెలుసుకుందాం.
మేకప్ (Makeup) చేసేటప్పుడు పెళ్లికూతురు ఏ మాత్రం ఒత్తిడికి గురవకూడదు. సమయానికి భోజనం చేయడంతో పాటు నీరు (Water) ఎక్కువగా తాగడం వంటివి చేస్తుండాలి. పెళ్లికి ముందు రోజు రాత్రి బాగా నిద్రపోవడంతో కళ్ల కింద ఉబ్బినట్లుగా కనిపించడం, ముఖం పీక్కుపోవడం వంటివి జరగకుండా ఉంటాయి. పెళ్లికి నెల రోజుల ముందు నుంచే స్కిన్ కేర్ రొటీన్ తప్పనిసరి.
పెళ్లికి కనీసం నెల రోజుల ముందు నుండీ ప్రతి రోజూ సాయంత్రం క్లెన్సింగ్, టోనింగ్, మాయిశ్చరైజింగ్ వంటివి చేస్తుండాలి. అలాగే ప్రతి రెండు రోజులకోసారి ఎక్స్ ఫోలియేషన్ చేస్తుండాలి. బయటికి వెళ్ళినప్పుడు సన్ స్క్రీన్ (Sunscreen) వాడండి. సన్ స్క్రీన్ లోషన్ వాడడం వల్ల చర్మాన్ని నల్లబడకుండా కాపాడుకోవచ్చు. ముఖానికి మేకప్ (Makeup) వేసుకోవడానికి ముందుగా ప్రైమర్ రాసుకోవాలి.
ఇది ముఖాన్ని తాజాగా కనిపించేలా చేసి మేకప్ ఎక్కువ సేపు ఉంటుంది. మంచి ఫౌండేషన్ (Foundation) ను ఎంపిక చేసుకోవాలి. దీంతో ఫోటోలలో (Photos) మీ ముఖం అందంగా కనిపిస్తుంది. మొటిమలు, మచ్చలు, నలుపు రంగు ప్యాచెస్ ఉన్న చోట కన్సీలర్ని రాసుకోవాలి. చర్మపు రంగులో ఉన్న కన్సీలర్ వాడడం మంచిది. ఎందుకంటే దీనితో మచ్చలు చర్మపు రంగులోకి మారిపోతాయి.
మీ బుగ్గలు అందంగా మెరిసిపోవాలంటే బ్లష్ రాసుకోవాలి. ముఖానికి (Face) అందమైన లుక్ రావాలని కోరుకుంటే హైలైటర్ అప్లై చేసుకోవాలి. ఇవన్నీ వేసుకున్న తర్వాత వాటిపై కాంపాక్ట్ పౌడర్ (Compact powder) అప్లై చేయాలి దీంతో ముఖానికి ఎక్స్ట్రా షైనింగ్ వస్తుంది. మేకప్ పూర్తయిన తర్వాత కళ్యాణ తిలకం దిద్దుకోవాలి. వధువు ముఖానికి ఎంతో అందాన్ని కూడా తీసుకొస్తుంది. ఐ మేకప్ వేసుకోవడంతో ముఖానికి మరింత అందం పెరుగుతుంది.
కనుబొమ్మలకు ఐ బ్రోస్ షేప్ చేసుకోవాలి. తరువాత కళ్ళకింద ఐ షిమ్మర్ అప్లై చేసుకోవాలి. దీనితో మీ కళ్ళు పెద్దగా కనిపిస్తాయి. కళ్ల అందాన్ని మరింత పెంచడానికి ఐ లైనర్ ను వాడాలి. వాటర్ ప్రూఫ్ ఐ లైనర్ తీసుకోండి. లిప్ స్టిక్ వేసుకునే ముందు పెదాలను స్క్రబ్ చేసుకోవాలి. దీంతో పెదాలపై ఉండే మృత కణాలు నశిస్తాయి. లిప్ స్టిక్ (Lip stick) వేసుకున్నాక లిప్ లైనర్ తో అవుట్ లైన్ ఇవ్వండి. తరువాత చక్కటి హెయిర్ స్టైల్ (Hair style) ను ఎంచుకోవాలి.