Parenting Tips: పిల్లలకు పేరెంట్స్ కచ్చితంగా చెప్పాల్సిన పదాలు ఇవేనట..!
పిల్లలను ఎప్పుడూ నిరుత్సాహ పరచకూడదు. మంచి పనులు చేస్తున్నప్పుడు ప్రోత్సహిస్తే..వారు మరింత ముందుకు దూసుకుపోతారు.
పిల్లలు చాలా సంస్కారవంతంగా పెరగాలని ప్రతి తల్లిదండ్రులు కోరుకుంటారు. అయితే.. తమ పిల్లలు మంచిగా పెరగాలంటే పేరెంట్స్ కూడా వారిని ప్రోత్సహించాలి. వారి ఎదుగుదలకు తల్లిదండ్రులు కూడా ఒక కారణమౌతారు. కచ్చితంగా.. తల్లిదండ్రులు కొన్ని విషయాలను చిన్న తనం నుంచే పిల్లలకు కొన్ని విషయాలు నేర్పించాలట. అవేంటో ఓసారి చూద్దాం..
parent's day
1. పిల్లలను తల్లిదండ్రులు నిత్యం ప్రోత్సహిస్తూ ఉండాలి. కొద్దిగా ప్రోత్సాహం ఉంటే.. పిల్లలు.. పర్వతాలు కూడా అధిరోహించగలరు. కాబట్టి.. ఎవరి పిల్లలను వారే ప్రోత్సహించాలి. పిల్లలను ఎప్పుడూ నిరుత్సాహ పరచకూడదు. మంచి పనులు చేస్తున్నప్పుడు ప్రోత్సహిస్తే..వారు మరింత ముందుకు దూసుకుపోతారు.
Parenting Tips-What parents do wrong
2.మీ పిల్లలను అందరిలా కాకుండా.. కాస్త స్పెషల్ గా చూడాలి. అందరితో పాటు నువ్వు కూడా.. వాళ్ల వల్లే కానిది నీ వల్ల ఏమౌతుంది లాంటి మాటలు వారికి చెప్పకూడదు. నీకు సాధ్యమౌతుంది. అది నీ వల్ల మాత్రమే అవుతుందంటూ.. వారి సామర్థ్యాన్ని మరింత పెంచాలి. వారిలో ఉన్న స్పెషల్ టాలెంట్ ని గుర్తించాలి. ఆ విధంగా వారిని ప్రోత్సహించే బాధ్యత పేరెంట్స్ మీద మాత్రమే ఉంటుంది.
3.పిల్లలకు.. సహాయం చేయడం నేర్పించాలి. ఎదుటివారికి సహాయం చేసే గుణాన్ని మనం చిన్నప్పటి నుంచే పిల్లలకు నేర్పించాలి. అలా హెల్ప్ చేసిన తర్వాత వారికి థ్యాంక్స్ చెప్పడం మర్చిపోవద్దు. ఎవరైనా వాళ్లకు సహాయం చేసినా.. తిరిగి థ్యాంక్స్ చెప్పేలా ప్రోత్సహించాలి. సహాయం చిన్నదా, పెద్దదా అని చూడకూడదు. చిన్నదైనా, పెద్దదైనా చేసిన సహాయం మరవకూడదనే విషయాన్ని వారికి వివరించాలి.
4.మీకు వచ్చిన కష్టంలో.. మీ చిన్నారి కొంచెం సహాయ చేసినా దానిని మీరు గుర్తించాలి. చిన్నదే కదా అని వదిలేయవద్దు. వారు చేసిన చిన్న సహాయం మీకు ఎంతగా ఉపయోగపడిందో వారికి వివరించాలి.
5.ప్రతి తల్లిదండ్రులకు తమ పిల్లల మీద ప్రేమ ఉంటుంది. కానీ.. ఆ ప్రేమను చెబితే పిల్లలకు గారాబం అవుతుందేమో అని చాలా మంది చెప్పరు. కానీ.. నిజానికి తల్లిదండ్రులు తమ ప్రేమను పిల్లలకు కచ్చితంగా చెప్పాలట. రోజుల్లో ఒక్కసారైనా.. మీ ప్రేమను వారికి తెలియజేయాలి. ఐ లవ్ యూ అనే పదాన్ని వారికి తెలియజేయాలి.
6.కొన్ని కొన్ని విషయాల్లో పిల్లలు చాలా భయపడుతూ ఉంటారు. అలాంటప్పుడు తల్లిదండ్రులే వారికి ధైర్యం చెప్పాలి. ఏం జరిగినా.. మీరు వారికి తోడు ఉన్నారనే నమ్మకం కలిగించాలి. పరిస్థితి మళ్లీ మామూలుగా మారుతుందని.. ఎలాంటి భయం పెట్టుకోవద్దని మీరే వారికి చెప్పాలి.
7. పిల్లలు ఆటలో, చదువులో వెనకపడినా, ఓడిపోయినా వారిని మరింత మోటివేట్ చేయాలి. వారి ఒత్తిడి తగ్గించాలి. ఏం చేస్తే.. ఎలా సాధించగలమో.. వారికి వివరించాలి.
japanees parents
8.మీరు పిల్లలకు ఏది నేర్పితే.. వారు అదే నేర్చుకుంటారు. కాబట్టి.. పిల్లలకు మనం సంతోషంగా ఉండటం నేర్పించాలి. ఎలాంటి పరిస్థితులకు కుంగిపోకుండా.. సంతోషంగా ఉండటం ఎలాగో నేర్పించాలి.