న్యూఇయర్ ఎంజాయ్ చేయాలా? బెస్ట్ బీచ్ లు..గోవా అయితే కాదు..!

బీచ్ అనగానే అందరికీ ముందుగా గోవానే గుర్తుకు వస్తుంది. ముఖ్యంగా న్యూ ఇయర్ ని గోవా బీచ్ లో సెలబ్రేట్ చేసుకోవాలని చాలా మంది ఆశపడుతుంటారు. కానీ  ఈ సమయంలో అక్కడ క్రౌడ్  చాలా ఎక్కువగా ఉంటుంది. ఫ్యామిలీ, ఫ్రెండ్స్ తో అంత కంఫర్ట్ గా ఉండకపోవచ్చు. అలాంటివారు.. ఈ కింది బీచ్ లను ఎంచుకోవచ్చు. జనాలు కాస్త తక్కువగా ఉండి, ఫ్యామిలీ ఫ్రెండ్స్ తో కలిసి న్యూయర్ వెలకమ్ చెప్పడానికి వీలుగా ఉండే బీచ్ లు ఏంటో చూసేద్దాం….

1.ఓం బీచ్ ( గోకర్ణ)...

గోకర్ణ లో బీచ్ లు కూడా చాలా అందంగా ఉంటాయి. వాటిలో మీరు ఓం బీచ్ ని ఎంచుకోవచ్చు. ఈ బీచ్ ఓం ఆకారంలో ఉంటుంది.  అందుకే ఈ బీచ్ ని ఆ పేరుతో పిలుస్తారు. ఈ బీచ్ ప్రశాంతంగా ఉండటమే కాదు.. చూడటానికి చాలా అందంగా కూడా ఉంటుంది. ఇక్కడ మీరు ప్రశాంతంగా న్యూ ఇయర్ కి వెలకమ్ చెప్పొచ్చు.

2.రాధానగర్ బీచ్ ( ది అండమాన్)

ఆసియాలోని ది బెస్ట్ బీచ్ లలో ఈ రాధానగర్ బీచ్ అని చెప్పొచ్చు. ఈ బీచ్ చాలా క్రిస్టల్ క్లియర్ గా ఉంటుంది. పచ్చని పరిసరాలతో..చూడటానికి చాలా అందంగా ఉంటుంది. ఈ బీచ్ చాలా ప్రశాంతంగా కూడా ఉంటుంది. స్విమ్మింగ్ చేయడానికి,  రెస్ట్ తీసుకోవడానికి కూడా చాలా బాగుంటుంది.

3.కన్యాకుమారి బీచ్..

కన్యకుమారి బీచ్ కూడా చాలా అందమైన ప్రదేశం అని చెప్పొచ్చు.  ఈ బీచ్ అరేబియన్ సముద్రం, బంగాళాఖాతం, హిందూ మహాసముద్రం కలిసే అద్భుతమైన ప్లేస్.  ఇక్కడ సూర్యోదయం, సూర్యోస్తమయం రెండూ అందంగా ఉంటాయి. న్యూ ఇయర్ వెలకమ్ చెప్పడానికి బెస్ట్ బీచ్ అని చెప్పొచ్చు.

4.చెరాయ్ బీచ్ ( కొచ్చి, కేరళ)

చెరాయ్ బీచ్ చాలా ప్రశాంతంగా ఉంటుంది.  ఇది బంగారు రంగు ఇసుకతో విస్తరించి ఉంటుంది. ఈ బీచ్ లో గోవా మాదిరి రద్దీ ఎక్కువగా ఉండదు. హ్యాపీగా ఫ్యామిలీ, ఫ్రెండ్స్ తో  ఎంజాయ్ చేయడానికి చాలా అనువుగా ఉంటుంది. 

5.పాపనాశం బీచ్ ( వర్కల, కేరళ)...

వర్కాలలోని పాపనాశం బీచ్ కూడా చాలా అందంగా ఉంటుంది.  నిశ్శబ్ద నూతన సంవత్సరాన్ని కోరుకునే వారికి ఈ ప్రశాంతమైన బీచ్ ఇది. బీచ్ ప్రకృతి సౌందర్యం, ఆధ్యాత్మికత అద్భుతమైన సమ్మేళనం. సూర్యాస్తమయం చాలా అందంగా ఉంటుంది.