ఎంపీల వీడియో కాన్ఫరెన్స్ లో బూతు వీడియోలు
పార్లమెంటు ప్రజాప్రతినిధుల వర్చువల్ సమావేశంలో పోర్న్ వీడియోలు కనిపించడం పెద్ద దుమారం రేగుతోంది. కరోనా వైరస్ వల్ల విధించిన లాక్ డౌన్ను ఆదేశంలో కఠినంగా అమలు చేస్తున్నారు.
ప్రస్తుతం కరోనా వైరస్ ప్రపంచ దేశాలను పట్టి పీడిస్తున్న సంగతి తెలిసిందే. ఈ నేపథ్యంలో ప్రపంచంలోని చాలా ప్రాంతాల్లో లాక్ డౌన్ ప్రకటించారు.
దీంతో...ఎక్కడి పనులు అక్కడ ఆగిపోయాయి. అయితే.. కొన్ని సంస్థలు మాత్రం ఆన్ లైన్ సహాయంతో పనులు పూర్తి చేస్తున్నారు. అయితే.. ఆ ఆన్ లైన్ వీడియోల్లో బూతు వీడియోలు దర్శనమిచ్చి అందరినీ షాకింగ్ కి గురిచేస్తున్నాయి.
మొన్నామధ్య స్టూడెంట్స్ కి ఆన్ లైన్ క్లాసులు నిర్వహిస్తుండగా పోర్న్ వీడియోలు ప్రత్యక్షమైన సంగతి తెలిసిందే. తాజాగా.. ఎంపీల వీడియో కాన్ఫరెన్స్ లోనూ ఇలాంటి సంఘటనే చోటుచేసుకుంది. ఈ సంఘటన దక్షిణాఫ్రికాలో చోటుచేసుకోగా.. పూర్తి వివరాలు ఇలా ఉన్నాయి.
దక్షిణాఫ్రికాలోని పార్లమెంటు ప్రజాప్రతినిధుల వర్చువల్ సమావేశంలో పోర్న్ వీడియోలు కనిపించడం పెద్ద దుమారం రేగుతోంది. కరోనా వైరస్ వల్ల విధించిన లాక్ డౌన్ను ఆదేశంలో కఠినంగా అమలు చేస్తున్నారు.
ఈ క్రమంలో పార్లమెంటు సభ్యులు నేరుగా సమావేశం కాకుండా వీడియో కాన్ఫరెన్సు ద్వారా చర్చలు జరుపుతున్నారు. జాతీయ అసెంబ్లీ స్పీకర్, ఛైర్ ఉమెన్ అయిన థండీ మోడిసే వర్చువల్ సమావేశాలకు నేతృత్వం వహిస్తున్నారు. ఈ సమావేశం జూమ్ వీడియో కాలింగ్ ద్వారా జరుగుతున్నట్లుగా తెలుస్తోంది.
వివిధ అంశాలపై చర్చలు జరుగుతుండగా అకస్మాత్తుగా వీడియోకాన్ఫరెన్స్ తెరపై అశ్లీల వీడియోలు వచ్చేశాయి. దీంతో స్పీకర్ సహా సమావేశంలో ఉన్న సభ్యులంతా షాకయ్యారు.
అయితే, ఈ పనిని హ్యాకర్లు చేసినట్లుగా గుర్తించారు. వీడియో కాన్ఫరెన్స్ను హ్యాక్ చేసిన వారు స్పీకర్పై అసభ్య వ్యాఖ్యలు కూడా చేశారు.
జూమ్ ద్వారా జరుగుతున్న ఈ వీడియో కాన్ఫరెన్సులో ఈ సమస్య తలెత్తింది. ఆ ప్లాట్ఫాం ద్వారా మరోసారి వీడియో కాన్ఫరెన్స్లు నిర్వహించవద్దని గతంలో స్పీకర్ ఆదేశాలు జారీ చేశారు.
అయినప్పటికీ సాంకేతిక సిబ్బంది అందులోనే వీసీ నిర్వహించడంపై థండీ మోడిసే ఆగ్రహం వ్యక్తం చేశారు. కాగా.. ఈ జూమ్ పై పలు చోట్ల నిషేధం కూడా విధించారు.