కరకరలాడే వేడివేడి సొరకాయ గారెలు ఎలా తయారు చేసుకోవాలో మీకు తెలుసా?
చలికాలంలో చల్లని సాయంత్రం వేళ ఒక కప్పు టీతో పాటు మంచి స్నాక్స్ తినాలి అనిపిస్తుంది. అలాంటప్పుడు ఇలా సొరకాయతో గారెలు (Bottle gourd garelu) చేసుకొని తినండి.. చల్లని సాయంత్రాన్ని ఆస్వాదించండి. సొరకాయలను మనం నిత్యం వంటలలో వాడుతుంటాం. సొరకాయలతో గారెలు కూడా తయారు చేసుకోవచ్చు అని మీకు తెలుసా. ఇది ఒక మంచి హెల్తీ స్నాక్ ఐటం. ఇది తక్కువ సమయంలో చేసుకునే హెల్తీ బ్రేక్ ఫాస్ట్. ఇప్పుడు ఈ ఆర్టికల్ (Article) ద్వారా సొరకాయ గారెల తయారీ విధానం గురించి తెలుసుకుందాం..
కావలసిన పదార్థాలు: ఒక కప్పు సొరకాయ (Bottle gourd) తురుము, అర కప్పు బియ్యప్పిండి (Rice flour), రెండు పచ్చిమిరపకాయలు (Green chilies), ఒక ఉల్లిపాయ (Onion), కొంచెం తరిగిన కరివేపాకు (Curries), ఒక స్పూన్ జీలకర్ర (Cumin seeds), తరిగిన కొత్తిమీర (Coriyander), ఒక స్పూన్ అల్లం వెల్లుల్లి ముక్కలు (Ginger garlic), చిటికెడు పసుపు (Turmeric), తగినంత ఉప్పు (Salt), ఢీ ఫ్రైకి సరిపడు ఆయిల్ (Oil).
తయారీ విధానం: ముందుగా ఒక సొరకాయని తీసుకుని నీటితో శుభ్రపరుచుకోవాలి. సొరకాయ తొక్క (Peel) తీసి తురుముకోవాలి. ఇలా తురుముకున్న ఒక కప్పు సొరకాయను ఒక గిన్నెలో (Bowl) తీసుకుని ఇందులో అర కప్పు బియ్యప్పిండి వేయాలి.
ఇప్పుడు ఉల్లిపాయ, పచ్చిమిరపకాయలను తీసుకొని వీటిని సన్నగా కట్ చేసుకోవాలి. ఇలా కట్ చేసుకొన్న ఉల్లిపాయ, పచ్చిమిరపకాయ ముక్కలను బియ్యప్పిండిలో (Rice flour) కలపాలి. ఇప్పుడు ఇందులో రుచికి సరిపడు ఉప్పు (Salt), చిటికెడు పసుపు, ఒక స్పూన్ జీలకర్ర వేసి కలుపుకోవాలి.
తర్వాత ఇందులో సన్నగా తరిగిన (Chopped) కొత్తిమీర, కరివేపాకులను వేసి కలపాలి. ఇప్పుడు ఇందులో అల్లం వెల్లుల్లి ముక్కలు వేసి కొంచెం నీళ్ళు పోసి గారెల పిండిలా కలుపుకోవాలి. గారెలను ఢీ ఫ్రై చూసుకోవడానికి స్టౌ మీద ఒక కడాయి పెట్టి అందులో నూనె (Oil) వేసి వేడి చేయాలి.
నూనె వేడెక్కిన (Heated) తరువాత గారెల పిండిని చేత్తో గుండ్రంగా ఒత్తుకొని మధ్యలో రంద్రం పెట్టి నూనెలో జారనివ్వాలి. గారెలు మంచి కలర్ (Colour) వచ్చే వరకు తక్కువ మంటలో రెండు వైపులా ఢీ ఫ్రై చేసుకోవాలి. ఇలా మొత్తం పిండిని గారెలు వేసుకోవాలి.
ఇలా వేసుకున్న గారెలను ఒక ప్లేట్ (Plate) పై టీష్యు పేపర్ ను పెట్టి అందులో తీసుకోవాలి. ఈ గారెలను కొబ్బరి చట్నీతో సర్వ్ (Serve) చేయండి. అంతే ఎంతో రుచికరమైన వేడివేడి సొరకాయ గారెలు రెడీ. ఇంకెందుకు ఆలస్యం మీరు కూడా ఈ రెసిపీని ఒక సారి ట్రై చేసి చూడండి. మీ కుటుంబ సభ్యులకు, పిల్లలకు అందరికీ నచ్చుతుంది. ఇది ఒక మంచి హెల్తీ స్నాక్స్ ఐటమ్స్. ఇలా చేసుకున్న వేడివేడి సొరకాయ గారెలను తింటూ చల్లటి సాయంత్రపు వేళను ఆస్వాదించండి.