క్వినోవా ఉప్మా... హెల్తీ అండ్ టెస్టీ...

First Published May 19, 2021, 5:15 PM IST

రోజూ అవే టిఫిన్స్ తినీ తినీ బోర్ కొట్టిందా.. అయితే ఇది మీ కోసమే.. హెల్తీ అండ్ టెస్టీ క్వినోవా ఉప్మా. రకరకాల కూరగాయలు, క్వినోవాతో తయారయ్యే ఈ ఉప్మా మీ కడుపునింపడమే కాదు మిమ్మల్ని ఎక్కువ క్యాలరీలు లేకుండా.. చక్కగా ఆరోగ్యంగా ఉంచుతుంది.

క్వినోవా ఉప్మా తయారీకి కావాల్సిన పదార్థాలు...

1 కప్పు క్వినోవా
2 టేబుల్ స్పూన్ల వెజిటబుల్ ఆయిల్
1 ఎండు మిర్చి
2 కరివేపాకు రెబ్బలు
1/2 టీస్పూన్ జీలకర్ర
1 టీస్పూన్ పెసరపప్పు
1/3 కప్పు ఎండు బఠానీలు
2 కప్పుల నీరు
1/4 కప్పు తరిగిన గ్రీన్ బీన్స్
1 పెద్ద తరిగిన ఉల్లిపాయ
1 టీస్పూన్ తరిగిన అల్లం

1/4 టీస్పూన్ ఇంగువ
1 టీస్పూన్ ఆవాలు
1 టీస్పూన్ మినపపప్పు
1/2 కప్పు క్యారెట్ తురుము
రుచికి తగినంత ఉప్పు
1 పచ్చిమిర్చి సన్నగా తరగాలి

క్వినోవా ఉప్మా తయారు చేసే విధానం..
ముందుగా క్వినోవాను ఒక జాలిలో వేసి నళ్లాకింద పెట్టి బాగా కడిగి.. పక్కన పెట్టుకోవాలి.

ఇప్పుడు ఒక బాణలిలో నూనె వేడి చేయాలి. దీంట్లో జీలకర్ర, ఆవాలు వేసి కాసేపు చిటపటలాడనివ్వాలి. ఆ తరువాత ఇంగువా, పెసరపప్పు, మినపపప్పు వేసి వేయించాలి. దీనికి తరిగిన అల్లం, ఎండుమిర్చి వేసి వేగనివ్వండి.

ఈ మిశ్రమానికి ఇప్పుడు ఉల్లిపాయలు, కరివేపాకు చేర్చి కాసేపు తక్కువ మంట మీద వేగించండి. ఆ తరువాత క్యారెట్లు, క్యాప్సికమ్, బఠానీలు, గ్రీన్ బీన్స్ జోడించండి. దీనికి రుచికి సరిపడా ఉప్పు వేసుకోండి.

ఇప్పుడు క్వినోవా వేసి, బాగా కలపండి. ఆ తరువాత 2 నిమిషాల పాటు వేయించి.. తతరువాత నీరు వేసి బాగా కలపాలి. దీనికి మూతపెట్టి కొద్ది నిమిషాల పాటు సన్న మంట మీద ఉడికించాలి. మధ్యమధ్యలో కలుపుతూ క్వినోవా ఉడికేదాకా అలాగే ఉంచాలి.