మహేష్ దారిలోనే... థియేట‌ర్ బిజినెస్‌లోకి విజ‌య్ దేవ‌ర‌కొండ‌, డిటేల్స్

స్టార్ అంతా ఇప్పుడు తమ సొమ్ముని సినిమాల్లోనే కాకుండా  బిజినెస్ లపై పెడుతూ సంపదని పెంచుకునే పనిలో ఉన్నారు. చాలా మంది తెలుగు స్టార్స్  ఇటు సినిమాలతోను, అటు వాణిజ్యపరమైన యాడ్స్ తోనూ బిజీగా ఉంటున్నాడు. అంతెందుకు మహేష్ బాబు ఒక సినిమాకి కమిట్ అయ్యాడంటే ఆ సినిమాకి పారితోషికం తీసుకోకుండా సినిమా ప్రాఫిట్స్ లో వాటాలు అందుకుంటాడు.  అలాగే థియోటర్ బిజినెస్ లోకి కూడా వచ్చారు.  ఇప్పుడు విజయ్ దేవరకొండ కూడా అదే దారిలో ప్రయాణం పెట్టుకున్నారు.

సినిమాల‌తో పాటు వ్యాపారాల‌పై కూడా దృష్టి సారిస్తున్నాడు విజ‌య్ దేవ‌ర‌కొండ‌. ఇప్ప‌టికే విజయ్...రౌడీ పేరుతో బ‌ట్ట‌ల దుకాణాన్ని ప్రారంభించారు. తాజాగా మహబూబ్‌ నగర్లో ఒక మల్టీప్లెక్స్‌ను ఆవిష్కరిస్తున్నారు. ఆ మల్టీప్లెక్స్ పేరు ఏషియన్ విజయ్ దేవరకొండ సినిమాస్ (AVD సినిమాస్). మల్టీప్లెక్స్ ఇప్పుడు ప్రారంభానికి సిద్ధంగా ఉంది. ఈ మల్టిఫ్రెక్స్ ని ఏషియన్ సినిమాస్ వారితో కలిసి చేస్తున్నారు.

తాజాగా ఈ మల్టిప్లెక్స్ కు సంబంధించి పూజా కార్యక్రమాలు పూర్తయ్యాయి. వాటికి సంబంధించిన ఫోటోలు సోషల్ మీడియాలో వైరల్ అవుతున్నాయి. త్వ‌ర‌లోనే ఈ మ‌ల్టీప్లెక్స్ ఓపెనింగ్‌కి సంబంధించి అఫీషియ‌ల్ ప్ర‌క‌ట‌న రానుంది 
 

 గతంలో ఇలాగే  సూప‌ర్ స్టార్ మహేష్ బాబు మ‌ల్టీప్లెక్స్ థియేట‌ర్లు బిజినెస్ లోకి దిగారు. తెలంగాణ ఏషియ‌న్ ఫిల్మ్స్ అధినేత సునీల్ నారంగ్ తో కలిసి ఈ బిజినెస్ చేస్తున్నారు. దీనికోసం మహేష్ బాబు 150 కోట్లు ఇన్వ‌స్ట్ చేస్తున్నాడని వార్తలు వచ్చాయి.  ఈ మ‌ల్టీప్లెక్స్ ల‌కు ఏఎమ్ బి స్ర్కీన్లు అనే పేరు కూడా పెట్టారు. ప్ర‌స్తుతం మాధాపూర్ , గ‌చ్చిబౌలి ప్రాంతాలలో ఉన్న ఖాళీ స్థలాల్లో మ‌ల్టీప్లెక్స్ ల నిర్మాణం శ‌ర‌వేగంగా జరుగుతుంది. జీవీకె, ఇనార్బిట్ మాల్స్ కు ధీటుగా ఇవి ఉండ‌బోతున్న‌ట్లు స‌మాచారం.
 

సినిమాల విషయానికి వస్తే...  అర్జున్ రెడ్డి సినిమాతో ఓవ‌ర్ నైట్ స్టార్‌గా మారాడు విజయ్ దేవరకొండ. అప్పటి వరకు చిన్న సినిమాలు చేస్తూ వచ్చిన విజయ్… సందీప్ వంగా తెరకెక్కించిన అర్జున్ రెడ్డి మూవీతో దేశ వ్యాప్తంగా క్రేజ్ తెచ్చుకున్నాడు. గీతా గోవిందం మూవీతో విజయ్ ఖాతాలో మరో సూపర్ హిట్ అందుకున్నాడు. దీంతో టాలీవుడ్‏లో విజయ్‏కు వరుస అవకాశాలు తలుపు తట్టాయి.
 

ఎవరైనా ఎదగాలంటే ఇతరుల్లో లేని ప్రత్యేకత ఉండాలి. అలాంటి ప్రత్యేకత విజయ్ దేవరకొండ సొంతం. అతని సినిమాలు ఒకెత్తైతే, ఆఫ్ స్క్రీన్ ఆటిట్యూడ్ మరొక ఎత్తు. కేరీర్ బిగినింగ్ లోనే బహిరంగ వేదికలపై విజయ్ దేవరకొండ ఆటిట్యూడ్, కామెంట్స్ టాక్ ఆఫ్ ది ఇండస్ట్రీ అయ్యాయి.

  ‘వరల్డ్ ఫేమస్ లవర్’  డిజాస్టర్ తర్వాత డాషింగ్ డైరెక్టర్ పూరి జగన్నాథ్ డైరెక్షన్‌లో స్పోర్ట్స్ బ్యాగ్రౌండ్‌లో ‘లైగర్’ మూవీ చేస్తోన్నారు.  ఈ సినిమాను ఛార్మి , కరణ్ జోహార్‌ లు కలిసి నిర్మిస్తున్నారు. తెలుగు హిందీ భాషాల్లో మాత్రమే కాకుండా ఇండియాలోని ప్రధాన భాషాల్లో ఈ సినిమా విడుదలకానుంది ఈ సినిమా.

 లైగర్ అంటే సింహం, పులికి పుట్టిన జంతువును లైగర్ అని పిలుస్తారు. తెలుగు, హిందీతో పాటు మిగతా ప్యాన్ ఇండియా లెవల్లో తెరకెక్కుతోన్న ఈ సినిమాకు ప్రముఖ ఓటీటీ సంస్థ  నుంచి  ఈ సినిమాకు రూ. 200 కోట్ల భారీ ఆఫర్ వచ్చినట్టు వార్తలు వచ్చాయి.కానీ విజయ్ దేవరకొండ, పూరీ జగన్నాథ్ మాత్రం ఈ సినిమాను థియేట్రికల్ రిలీజ్ చేస్తున్నట్టు ప్రకటించారు. 
 

‘లైగర్’ చిత్రాన్ని పూరీ జగన్నాథ్ రూ. 125 కోట్ల భారీ బడ్జెట్‌తో అత్యున్నత సాంకేతికతతో తెరకెక్కిస్తున్నారు.  ఈ లైగర్ అటు పూరీ, ఇటు విజయ్ కెరీర్‌లో కూడా అత్యంత ఎక్కువ బడ్జెట్ సినిమాగా వస్తోంది. పాన్ ఇండియా లెవల్‌లో తెరకెక్కుతోన్న ఈ చిత్రంలో ఓ కీలక పాత్రలో బాలీవుడ్  హీరో సునీల్ శెట్టి కూడా నటిస్తున్నారు. ఓ డాన్ పాత్రలో సునీల్ శెట్టి కనిపిస్తారట. 

అయితే సునీల్ శెట్టి కేవలం పదిహేను నిముషాల ప్లాష్ బ్యాక్ స్టోరీలో మాత్రమే కనిపిస్తాడని టాక్. తెలుగు తమిళ నటి రమ్యకృష్ణ కూడా ఓ కీలక పాత్రలో కనిపించనుంది. అంతా అనుకున్నట్టే జరిగితే.. ఈ రోజే సెప్టెంబర్ 9న ఈ సినిమా విడుదలై ఉండేది. కరోనా కారణంగా ఆగిన ఈ సినిమా షూటింగ్  రీసెంట్ గా గోవాలో తిరిగి ప్రారంభించారు. ఇప్పటికే ఈ సినిమా షూటింగ్ భారీగా పెండింగ్‌లో ఉందని అంటున్నారు. ఈ సినిమాలో విజయ్ సరసన అనన్య పాండే నటిస్తోంది.

ఇక ఈ సినిమా విషయానికి వస్తే.. విజయ్ డాన్ కొడుకుగా కనిపిస్తాడట. తండ్రి కొడుకుల మధ్య పోరు రసవత్తరంగా సాగనుందని తెలుస్తోంది. మెలోడి కింగ్ మణిశర్మ ఈ సినిమాకు సంగీతాన్ని అందించనున్నారు. విజయ్ తాజాగా మరో సినిమాకు గ్రీన్ సిగ్నల్ ఇచ్చిన సంగతి తెలిసిందే. సుకుమార్ దర్శకత్వంలో విజయ్ ఓసినిమా చేయనున్నాడు. దీనికి సంబందించిన అధికారిక ప్రకటన ఇప్పటికే  విడుదలైంది.