రేప్ కేసులో కొత్త ట్విస్ట్... ఫన్ బకెట్ భార్గవ్ తో నాకు సంబంధం లేదంటున్న బాలిక!
సోషల్ మీడియా స్టార్ ఫన్ బకెట్ భార్గవ్ చేసిన దారుణం తెలుకొని అందరూ నిర్ఘాంతపోయారు. తన ఫేమ్ ఉపయోగించుకుని మైనర్ బాలికను అతడు వశపరుచుకొని, గర్భవతిని చేశాడు.
భార్గవ్ బాలికపై చేస్తున్న లైంగిక దాడి గురించి, కేసు పెట్టడంతో బయటికి వచ్చింది. పాపులర్ కావాలన్న బాలిక బలహీనతను వాడుకొని భార్గవ్ పలుమార్లు బాలికను లైంగికంగా వాడుకున్నాడు.
పెందుర్తి పోలీస్ స్టేషన్ లో బాలిక తల్లి భార్గవ్ పై కేసు నమోదు చేసింది. మైనర్ బాలికపై లైంగిక దాడి చేసిన నేరానికి భార్గవ్ పై పోక్సో చట్టం క్రింద పలు సెక్షన్స్ లో కేసులు బుక్ చేశారు. అలాగే దిశా పోలీసులు అతన్ని రిమాండ్ కి తరలించారు.
ఇది ఇలా ఉంటే భార్గవ్ కి నాకు ఎటువంటి సంబంధం లేదని ఓ బాలిక వీడియో విడుదల చేశారు. నిత్యశ్రీ అనే బాలిక కూడా సోషల్ మీడియా స్టార్. టిక్ టాక్ వీడియోల ద్వారా బాగా పాపులర్ అయ్యారు.
భార్గవ్ రేప్ చేసిన బాలిక ఈమే అంటూ పలు యూట్యూబ్ ఛానల్స్, మీమర్స్, ట్రోలర్స్ నిత్యశ్రీ ఫోటోలు చూపిస్తున్నారు. భార్గవ్ చేతిలో మోసపోయిన బాలిక నిత్యశ్రీనే అంటూ ప్రచారం జరుగుతున్న నేపథ్యంలో ఆమె వివరణ ఇచ్చారు.
సోషల్ మీడియాలో జరుగుతున్న ఫేక్ ప్రచారం ఫ్రెండ్స్ ద్వారా నాకు తెలిసింది. భార్గవ్ కేసులో బాలికను నేనే అంటూ చాల మంది సోషల్ మీడియాలో నా ఫోటోలు వాడుతున్నారు. అది నిజం కాదు, భార్గవ్ కేసుకు నాకు సంబంధం లేదని నిత్యశ్రీ అన్నారు.
చాలా మంది తెలియక చేస్తున్నారు. ఉద్దేశపూర్వకంగా కాదని అనుకుంటున్నాను. దయచేసి ఇకపై నా ఫోటోలు వాడకండి. నేను భార్గవ్ తో మాట్లాడి ఏడాది అవుతుంది. అతడు నాకు కాంటాక్ట్ లో కూడా లేడు.
ఇక మేము వైజాగ్ నుండి హైదరాబాద్ కి వచ్చేశాం. ప్రస్తుతం నేను షూటింగ్ లో ఉన్నాను అంటూ చెప్పుకొచ్చారు. అలాగే నా ఫ్యాన్స్ నాకు ఏదో అయ్యిందని కంగారుపడుతూ మెసేజ్ లు పెడుతున్నారు. ఎవరూ, కంగారు పడవద్దు నేను క్షేమంగా ఉన్నానని నిత్యశ్రీ తెలియజేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
