బిపాసా బసుతో ఎఫైర్.. రానా రియాక్షన్ ఏంటంటే...!

''మేము కేవలం మంచి మిత్రులం మాత్రమే... మా స్నేహం భవిష్యత్ లో కూడా కొనసాగుతుంది. దమ్ మారో దమ్ చిత్రంలో నటించిన అభిషేక్ తో పాటు అందరూ నాకు మిత్రులే. నేను మరొకరిని ఇష్టపడుతున్నాను, తాను బాలీవుడ్ కి చెందిన అమ్మాయి కాదు. అయితే తన గురించి ఇప్పుడే చెప్పడం బాగోదు. బిపాసాతో డేటింగ్ రూమర్స్ తో నేను విసిగిపోయాను. అందుకే ఈ విషయం వదిలేద్దాం'' అని రానా ఓ సంధర్భంలో తెలియజేశారు. 

''నిరాధారమైన ఈ ఆరోపణలకు త్వరలోనే తెరపడుతుందని అనుకుంటున్నాను. కలిసి తిరగడం, మాట్లాడుకున్నంత మాత్రం ప్రేమిస్తున్నట్లు కాదు. చాలా కాలం తరువాత నాపై డేటింగ్, బ్రేకప్ వార్తలు మొదలయ్యాయి'' అని రానాతో ఎఫైర్ గురించి బిపాసా తెలియజేశారు. 

ఇక హైదరాబాద్ ఓ ఛారిటీ ప్రోగ్రాం కోసం వచ్చిన బిపాసా... రానాను చూసి కూడా మాట్లాడకుండా వెళ్లిపోయారట. వీళ్ళిద్దరూ కలుసుకోవడానికి కూడా ఇష్టపడని నేపథ్యంలో వీరి ప్రేమ కథ చేదుగా ముగిసినట్లు వార్తలు వచ్చాయి.