బిగ్ బాస్ 5: సిరిని వాళ్ళిద్దరితో పోల్చుతూ దుమ్మెత్తిపోస్తున్న నెటిజన్లు.. క్యారెక్టర్ అసాసినేషన్
సిరిని.. బిగ్ బాస్ సీజన్ 2లో ఇదే విధంగా అనవసర రాద్ధాంతం చేసిన భానుశ్రీ, తేజస్విలతో పోల్చుతున్నారు.
కింగ్ నాగార్జున హోస్ట్ గా వ్యవహరిస్తున్న బిగ్ బాస్ సీజన్ 5 తొలి వీకెండ్ నుంచి రసవత్తరంగా మారింది. ఊహించని కారణాల వల్ల ఓట్లు కోల్పోయిన సరయు బిగ్ బాస్ హౌస్ నుంచి ఎలిమినేట్ అయింది. ఇక ప్రతి రోజు హౌస్ లో కంటెస్టెంట్స్ మధ్య హీట్ పెరుగుతోంది.
మంగళవారం ఎపిసోడ్ లో బిగ్ బాస్ ఇంటి సభ్యులకు 'పంతం నీదా నాదా' అనే టాస్క్ ఇచ్చారు. ఈ టాస్క్ ప్రకారం ఇంటి సభ్యులు రెండు టీమ్స్ గా విడిపోయి పాల్గొనాలి. ఉమాదేవి, లహరి, రవి, జెస్సీ, మానస్, సన్నీ, కాజల్, శ్వేత, నటరాజ్ లు నక్క టీమ్ గా.. లోబో, యానీ మాస్టర్, శ్రీరామ్, ప్రియ, హమీదా, విశ్వ, సిరి, షణ్ముఖ్, ప్రియాంక గద్ద టీం గా విడిపోయారు.
ఒక టీమ్ వద్ద ఉన్న పిల్లోస్ ని మరొక టీం సభ్యులు తెచ్చుకోవాలి. ఈ క్రమంలో ఒక టీం సభ్యులు మరొక టీం సభ్యులని అడ్డుకోవచ్చు. గేమ్ ముగిసే సమయానికి ఎవరి వద్ద ఎక్కువ పిల్లోస్ ఉంటే వారివద్ద ఎక్కువ ఫ్లాగ్స్ ఉన్నట్లుగా భావించి విజేతగా ప్రకటిస్తారు. ఈ టాస్క్ లో సన్నీ నక్క టీంలో.. సిరి గద్ద టీం లో ఉంటారు.
సిరి వద్ద ఉన్న పిల్లోని సన్నీ తీసుకునే క్రమంలో వీరిమధ్య పెద్ద యుద్ధమే జరిగింది. సిరి తన వద్ద ఉన్న పిల్లోని తాను ధరించిన టీషర్ట్ లోపల దాచుకుంటుంది. ఆమెని కదలనివ్వవకుండా సన్నీ పట్టుకుంటాడు. తన టీమ్ సభ్యులలో లేడీస్ ని పిలిచి సిరి వద్ద ఉన్న పిల్లో తీసుకోమని చెబుతాడు.
ఇక్కడే అసలు గొడవ మొదలవుతుంది. సన్నీ తన టీ షర్ట్ లోపల చేయి పెట్టాడు అంటూ సిరి సంచలన ఆరోపణ చేస్తుంది. పెద్ద రాద్ధాంతం చేసేందుకు ప్రయత్నిస్తుంది. సన్నీ ఆమెని కదలకుండా పట్టుకున్నాడు కానీ.. టీ షర్ట్ లోపల చేయి మాత్రం పెట్టలేదని స్పష్టంగా తెలుస్తుంది.
కానీ సిరి చేసే గొడవ అందరికి ఆశ్చర్యంగా అనిపిస్తుంది. ఇక్కడ తాను హైలైట్ అవ్వడం కోసం సిరి వుమెన్ కార్డు ప్లే చేసి సింపతీ పొందాలని చూస్తోందని.. సన్నీపై క్యారెక్టర్ అసాసినేషన్ చేస్తోంది అంటూ నెటిజన్లు దుమ్మెత్తిపోస్తున్నారు.
సిరిని.. బిగ్ బాస్ సీజన్ 2లో ఇదే విధంగా అనవసర రాద్ధాంతం చేసిన భానుశ్రీ, తేజస్విలతో పోల్చుతున్నారు. సిరి సింపథీ కోసం చీప్ ట్రిక్స్ ప్లే చేస్తోందని అని నెటిజన్లు పెద్ద ఎత్తున ట్రోల్ చేస్తున్నారు. సిరి చేసిన ఆరోపణలతో సన్నీ కొంతసేపు ఎమోషనల్ అయ్యాడు.