'నాలుగు గోడల మధ్య స్వర్గం'... లాక్ డౌన్ లో కొత్త ప్రియుడితో గడిపేస్తున్న శృతిహాసన్
నవ్వే వాళ్ళు నవ్వని... నాకు పోయేదేముంది, జీవితాన్ని నచ్చినట్లు ఆస్వాదించడమే అంటుంది హీరోయిన్ శృతి హాసన్. నటనకు లెగసి చేకూర్చిన కమల్ తనయ శృతి ప్రతి విషయంలో పూర్తి నిర్ణయాధికారం తనదే.
ప్రేమలో పడినా, బోల్డ్ సీన్స్ లో నటించినా, తినడం, తాగడం ఏదైనా ఆమెకు నచ్చినట్లు, అనిపించినట్లు చేసేస్తోంది. శృతి హాసన్ బోల్డ్ ఆటిట్యూడ్ చాలా సార్లు టాక్ ఆఫ్ ది టౌన్ అయ్యింది. శృతి మాట తీరుకూడా చాలా కరుకుగా ఉంటుంది.
స్వదేశీయుడిని ప్రేమిస్తే కిక్ ఏముంటుంది అనుకుందేమో, లండన్ కి చెందిన మైకేల్ కోర్ల్సే అనే విదేశీయుడిని ప్రేమించింది. కొన్నాళ్లు చెట్టాపట్టాలేసుకొని అతనితో ఓపెన్ గా సంచారం చేసింది.
చెన్నై తీసుకువచ్చి పేరెంట్స్ కి కూడా పరిచయడం చేయడంతో ఇక పెళ్లే తరువాయి అనుకున్నారు. అయితే అనూహ్యంగా మైఖేల్ శ్రుతికి హ్యాండ్ ఇచ్చి బ్రేకప్ చెప్పారు.
మైఖేల్ తో శృతి విడిపోయి ఓ ఏడాది దాటిందో లేదో.. వెంటనే మరో ప్రియుడిని సెట్ చేసుకుంది. కొంత కాలంగా ముంబైకి చెందిన డూడుల్ ఆర్టిస్ట్ శాంతను హజారికతో ఆమె సన్నిహితంగా ఉంటున్నారు.
బర్త్ డే పార్టీలు, ప్రైవేట్ పార్టీలలో కలిసి కనిపిస్తున్న ఈ జంట తమ ఫోటోలు సోషల్ మీడియాలో పంచుకుంటున్నారు. శాంతనుతో శృతి తన ప్రేమ గురించి ఓపెన్ కాకపోయినా, ఫోటోల ద్వారా పరోక్షంగా హింట్ ఇచ్చేస్తుంది.
ఇక లాక్ డౌన్ సమయంలో హజారికతోనే శృతి హాసన్ గడుపుతున్నారు. ఈ విషయాన్ని శృతి హాసన్ పరోక్షంగా చెప్పారు. తన లాక్ డౌన్ బడ్డీస్ గా హజారికతో పాటు తన పెట్ డాగ్ అంటూ ఆమె ఇంస్టాగ్రామ్ పోస్ట్ పెట్టడం విశేషం.
తాజాగా హజారిక పెయింటింగ్స్ మధ్య సెక్సీ పోజులిచ్చిన శృతి హాసన్ నచ్చిన వారితో అందమైన జీవితం గడపడమే స్వర్గం అని అర్థం వచ్చేలా ఓ కొటేషన్ కొట్టారు. కొత్త ప్రియుడు హజారిక సాంగత్యాన్ని శ్రుతి ఎంతగానో ఇష్టపడుతున్నారని ఆమె సోషల్ మీడియా పోస్ట్స్ ద్వారా అర్థం అవుతుంది.
ఇప్పుడిప్పుడే శృతి కేరీర్ మరలా గాడినపడుతుండగా మరలా ఆమె మనసు ప్రేమ వైపు మళ్లుతుందని అనుమానం కలుగుతుంది. ప్రశాంత్ నీల్-ప్రభాస్ కాంబినేషన్ లో తెరకెక్కుతున్న సలార్ మూవీలో శృతి హీరోయిన్ గా నటిస్తున్న విషయం తెలిసిందే.