చెల్లి అంటూనే బాలికను గర్భవతిని చేశాడు... ఫన్ బకెట్ భార్గవ్ కేసులో విస్తుపోయే నిజాలు!
ఎన్ని కఠిన చట్టాలు వచ్చినా ఆడపిల్లకు రక్షణ ఉండడం లేదు. కామాంధులు తమ తెలివితేటలతో, ఎదుటివాళ్ళ బలహీనతను ఆసరాగా తీసుకొని కొందరి జీవితాలు నాశనం చేస్తున్నారు. టిక్ టాక్ స్టార్, ఫన్ బకెట్ ఫేమ్ భార్గవ్ ఓ మైనర్ బాలికను మోసం చేసి ఆమెపై తన లైంగిక కోరికలు తీర్చుకున్నాడు.
విశాఖ జిల్లా పెందుర్తికి చెందిన 14ఏళ్ల మైనర్ బాలికకు టిక్ టాక్ అంటే బాగా ఇష్టం. తరచుగా ఆమె టిక్ టాక్ లో వీడియోలు చేస్తూ ఉండేది.
టిక్ టాక్ స్టార్ గా ఫాలోయింగ్ సంపాదించుకున్న చిప్పాడ భార్గవ్ అలియాస్ ఫన్ బకెట్ భార్గవ్ తో ఆమెకు టిక్ టాక్ ద్వారా పరిచయం ఏర్పడింది.
టిక్ టాక్ లో ఫేమస్ కావాలన్న బాలిక బలహీనతను భార్గవ్ వాడుకోవాలని అనుకున్నాడు. చెల్లి అంటూనే ఆ బాలికతో పరిచయం పెంచుకున్నాడు. ఇద్దరూ తరచుగా కలుసుకోవడం మొదలుపెట్టారు.
పరిచయం పెరిగిన కొద్దిరోజుల తరవాత నుండి బాలికపై తరచూ భార్గవ్ లైంగిక దాడి చేసేవాడు. బాలిక తల్లితో నివసిస్తుంది. తండ్రి కూడా వీరితో ఉండడు, కూతురుపై ప్రేమతో ఆమె గారాభంగా పెంచారు. బాలికకు పూర్తి స్వేచ్ఛ ఇవ్వడం జరిగింది.
భార్గవ్ తో నెలల పరిచయంలో పలుమార్లు బాలికను లైంగికంగా భార్గవ్ వాడుకున్నాడు. చివరకు బాలిక గర్భం దాల్చడంతో విషయం బయటికి వచ్చింది. బాలిక నాలుగు నెలల గర్భవతి అని తెలిసి తల్లి షాక్ కి గురయ్యారు.
బాలికను ఆరా తీయగా జరిగిన విషయాలు మొత్తం వెల్లడించడంతో పెందుర్తి పోలీస్ స్టేషన్ లో ఈనెల 16న భార్గవ్ పై కేసు నమోదుచేశారు. పోక్సో చట్టం క్రింద కేసు నమోదు చేసి, భార్గవ్ ను దిశా పోలీసులకు అప్పగించడం జరిగింది. భార్గవ్ ప్రస్తుతం రిమాండ్ లో ఉన్నాడు.
బాలిక అని కూడా చూడకుండా లైంగిక వాంఛలు తీర్చుకున్న భార్గవ్ పై తీవ్ర వ్యతిరేకత వ్యక్తం అవుతుంది. అతన్ని కఠినంగా శిక్షించాలని అందరూ కోరుకుంటున్నారు.
సోషల్ మీడియా విప్లవం మొదలయ్యాక ఈ తరహా నేరాలు ఎక్కువయ్యాయి. సామాజిక మాధ్యమాల ద్వారా అమ్మాయిలు అబ్బాయిలను, అబ్బాయిలు అమ్మాయిలను మోసం చేస్తున్నారు.