అల్ట్రా స్టైలిష్ లుక్ లో టీనేజ్ బేబీలా... వైరల్ అవుతున్న సమంత లేటెస్ట్ ఫొటోలు
టాలీవుడ్ దివా సమంత అక్కినేని లేటెస్ట్ ఫోటోలు సోషల్ మీడియాలో ట్రెండ్ అవుతున్నాయి. సమంత మల్టీ కలర్ ట్రెండీ వేర్ లో కిల్లింగ్ లుక్స్ తో సెగలు రేపింది. స్లీవ్ లెస్ టాప్ లో సోయగాలు చూపిస్తూ ఫోటో షూట్ చేశారు.
సమంత అల్ట్రా స్టైలిష్ లుక్ ఫ్యాన్స్ కి పిచ్చగా నచ్చేసింది. దీనితో ఇంస్టాగ్రామ్ లో క్రేజీ కామెంట్స్ చేస్తున్నారు. సమంత మీరు చాలా స్టైలిష్ గా ఉన్నారు, బ్యూటీలో మీ తరువాతే అంటూ కితాబు ఇస్తున్నారు.
ఫిట్నెస్, బ్యూటీ విషయంలో చాలా పర్ఫెక్ట్ గా ఉండే సమంత మెరిసే మేని ఛాయతో సొగసుగా కనిపిస్తున్నారు. ఆరోగ్యకరమైన ఆహారం, వ్యాయామంతో సహజ సౌందర్యంతో సమంత మెరిసిపోతున్నాడు. పెళ్ళై నాలుగేళ్లు అవుతున్నా, టీనేజ్ బేబీలా ఏజ్ మైంటైన్ చేస్తున్నారు.
మరో వైపు కెరీర్ ని లైఫ్ ని బాలన్స్ చేస్తూ హ్యాపీ లైఫ్ అనుభవిస్తున్నారు సమంత. నచ్చిన వాడిని మనువాడిన సమంత జీవితంలో ప్రతి క్షణం ఆస్వాదిస్తున్నారు. ఇటీవలే భర్త చైతన్యతో కలిసి, మాల్దీవ్స్ టూరు వెళ్లారు. వన్ వీక్ అందమైన సాగరతీరంలో ఎంజాయ్ చేశారు.
హీరోయిన్ గా సౌత్ లో తిరుగులేని స్టార్ డమ్ అనుభవించిన సమంత తన ఫోకస్ ఇతర రంగాల వైపుకు మరలించారు. ప్రస్తుతం హోస్ట్ గా సమంత సత్తా చాటుతున్నారు. సామ్ జామ్ పేరుతో ఆహా యాప్ లో ప్రసారం అవుతున్న టాక్ షోలో టాలీవుడ్ స్టార్స్ ని ఇంటర్వ్యూ చేస్తున్నారు.
ఇటీవల సమంత తన సహనటి తమన్నాను ఇంటర్వ్యూ చేయడం జరిగింది. వీరిద్దరి మధ్య కొంచెం క్రేజీ సంభాషణ నడిచింది. ఇక లేటెస్ట్ ఎపిసోడ్ లో సమంత హీరో అల్లు అర్జున్ ని ఇంటర్వ్యూ చేసినట్లు సమాచారం.
టాక్ షోలకు హోస్ట్ గా సమంత సక్సెస్ అయినట్లే కనిపిస్తున్నారు. ఈ షోకి వస్తున్న ఆదరణే దీనికి నిదర్శనం. తెలుగుపై అంతగా పట్టులేకున్నా తన క్యూట్ మాటలతో అలరిస్తున్నారు.
కారణం ఏదైనా కొత్త ప్రాజెక్ట్స్ కి సమంత సైన్ చేయడం లేదు. ప్రస్తుతం తెలుగులో ఒక్క కొత్త ప్రాజెక్ట్ లో కూడా సమంత నటించడం లేదు. తమిళంలో మాత్రం నయనతారతో కలిసి ఓ మూవీలో నటిస్తున్నారు.
ఇక సక్సెస్ ఫుల్ వెబ్ సిరీస్ ఫ్యామిలీ మాన్ కి కొనసాగింపుగా వస్తున్న ఫ్యామిలీ మాన్ 2లో సమంత నటిస్తున్నారు. అమెజాన్ లో ఈ సిరీస్ త్వరలో ప్రసారం కానుంది.