అఫీషియల్: ఆస్కార్స్ లో ఆర్ఆర్ఆర్ ఎంట్రీ.. క్రేజీ డీటెయిల్స్ ఇవిగో, ఏ ఏ విభాగాల్లో అంటే.. 

ఇండియా తరఫున ఆస్కార్స్ నామినేషన్స్ కి ఆర్ఆర్ఆర్ చిత్రం ఉంటుందని దేశం మొత్తం అభిమానులు ఆశలు పెట్టుకున్నారు. కానీ ఫిలిం ఫెడరేషన్ ఆఫ్ ఇండియా ఆర్ఆర్ఆర్ చిత్రాన్ని ఎంపిక చేయలేదు. ఓ గుజరాతీ చిత్రాన్ని ఎంపిక చేసి ఆస్కార్ నామినేషన్స్ కి పంపారు. దీనితో అభిమానులంతా తీవ్ర నిరాశకు గురయ్యారు. 

ఆర్ఆర్ఆర్ చిత్రం ఆస్కార్స్ బరిలో నిలవాలని హాలీవుడ్ అభిమానులు సైతం కోరుకున్నారు. కానీ ఫిలిం ఫెడరేషన్ ఆఫ్ ఇండియా మొండి చేయి చూపించింది. కానీ ఆర్ఆర్ఆర్ చిత్ర యూనిట్ ఆస్కార్స్ లోకి ఎంట్రీ ఇచ్చేందుకు ఉన్న ఏ చిన్న అవకాశాన్ని కూడా వదిలిపెట్టడం లేదు. 

రాజమౌళి అండ్ టీం హాలీవుడ్ వైపు నుంచి నరుక్కొచ్చే ప్రయత్నాల్లో ఉన్నారు. అందులో భాగంగా తొలి అడుగు విజయవంతంగా పడింది. దీనితో ఆర్ఆర్ఆర్ చిత్రం ఆస్కార్స్ బరిలో నిలిచినట్లే అని చెప్పొచ్చు. 'ఫర్ యువర్ కన్సిడరేషన్' విభాగంలో అన్ని కేటగిరీల్లో ఆర్ఆర్ఆర్ చిత్రం క్యాంపెనింగ్ చేసుకోనుంది. 

బెస్ట్ మోషన్ పిక్చర్: డివివి దానయ్య, బెస్ట్ డైరెక్టర్ : ఎస్ఎస్ రాజమౌళి, బెస్ట్ యాక్టర్ : జూ. ఎన్టీఆర్ , రాంచరణ్ .. బెస్ట్ సపోర్టింగ్ యాక్టర్ : అజయ్ దేవగన్ , బెస్ట్ ఒరిజినల్ సాంగ్ : నాటు నాటు , బెస్ట్ ఒరిజినల్ స్కోర్ : కీరవాణి, బెస్ట్ ఎడిటర్ : శ్రీకర్ ప్రసాద్ , బెస్ట్ సౌండ్, బెస్ట్ స్క్రీన్ ప్లే, బెస్ట్ సినిమాటోగ్రఫీ, బెస్ట్ విజువల్ ఎఫెక్ట్స్ ఇలా అన్ని విభాగాల్లో ఆర్ఆర్ఆర్ చిత్రం ఆస్కార్స్ బరిలో నిలవనుంది. 

మరి ఈ క్యాంపైన్ ఎలాంటి ఫలితాన్ని ఇస్తుందో చూడాలి. ఇది ఖరారైనప్పటి నుంచి సోషల్ మీడియాలో 'RRRforOscars' హ్యాష్ ట్యాగ్ ట్రెండింగ్ గా మారింది. హాలీవుడ్ క్రిటిక్స్ సైతం ఈ విషయాని ధృవీకరిస్తూ పోస్ట్ లు పెడుతున్నారు. 

ఇటీవల అమెరికన్ మ్యాగజైన్ అంచనా లిస్ట్ లో ఎన్టీఆర్, రాంచరణ్ ఇద్దరి పేర్లు కనిపించాయి. అప్పుడు ఫ్యాన్స్ పెద్ద ఎత్తున సోషల్ మీడియాలో ట్రెండ్ చేశారు. కానీ ఇండియా తరుపు నుంచి ఆర్ఆర్ఆర్ చిత్రం ఆస్కార్స్ కి ఎంపిక కాలేదు. గ్రాఫిక్స్, కలెక్షన్స్, పాపులారిటీ మాత్రమే ప్రామాణికం కాదని ఫిలిం ఫెడరేషన్ ఆఫ్ ఇండియా ఆర్ఆర్ఆర్ చిత్రం ఎంపిక కాకపోవడంపై వివరణ ఇచ్చింది.