కలిసొచ్చిన రీమేక్ సెంటిమెంట్... పున్నమి నాగు నుండి గాడ్ ఫాదర్ వరకు చిరు చేసిన రీమేక్స్ లిస్ట్!
ఎవర్ గ్రీన్ స్టార్ గా ఎదిగిన చిరంజీవి 40 ఏళ్ల సుదీర్ఘ కెరీర్ లో 153 చిత్రాలు చేశారు. మరికొన్ని చిత్రాలు సెట్స్ పై ఉన్నాయి. హీరోగా చిరంజీవి సాధించిన రికార్డ్స్ మరొక హీరోకి సాధ్యం కావేమో. అంతటి అంతులేని స్టార్ డమ్ ఆయన అనుభవించారు. దశాబ్దాల పాటు నంబర్ వన్ హీరోగా కొనసాగారు.
Chiranjeevi Remake Movies list
ఇక ఆయనకు స్టార్ డమ్ తెచ్చిపెట్టిన చిత్రాల్లో అనేక రీమేక్స్ ఉన్నాయి. రీమేక్స్ అంటే చిన్న చూపు ఎందుకు, అసలు అవే నటుడికి నిజమైన ఛాలెంజ్ అని చిరంజీవి అంటారు. కెరీర్ బిగినింగ్ నుండి ఆయన అనేక రీమేక్స్ చేశారు. ఇక రీమేక్ సెంటిమెంట్ ఆయనకు కలిసి రావడం విశేషం. అనేక హిట్స్, సూపర్ హిట్స్, బ్లాక్ బస్టర్స్ ఇతర భాషల చిత్రాలు రీమేక్ చేసిన సాధించారు. మరి కెరీర్ లో చిరంజీవి చేసిన రీమేక్స్ ఏమిటో చూద్దాం...
Chiranjeevi Remake Movies list
చిరంజీవి లేటెస్ట్ మూవీ గాడ్ ఫాదర్. సూపర్ హిట్ టాక్ సొంతం చేసుకున్న ఈ మూవీ మలయాళ చిత్రం లూసిఫర్ అధికారిక రీమేక్. మలయాళంలో మోహన్ లాల్ హీరోగా నటించారు.
Chiranjeevi Remake Movies list
రాజకీయాలకు గుడ్ బై చెప్పిన చిరంజీవి 2017లో ఖైదీ నంబర్ 150 చిత్రంతో కమ్ బ్యాక్ ఇచ్చారు. దర్శకుడు వివి వినాయక్ తెరకెక్కించిన ఖైదీ నంబర్ 150... విజయ్ తమిళ చిత్రం కత్తి రీమేక్.
Chiranjeevi Remake Movies list
హిందీ చిత్రం మున్నాభాయ్ ఎంబీబీఎస్ ని చిరంజీవి తెలుగులో శంకర్ దాదా ఎంబీబీఎస్ గా రీమేక్ చేశారు. తెలుగులో కూడా ఈ మూవీ హిట్ టాక్ సొంతం చేసుకుంది. మున్నాభాయ్ ఎంబీబీఎస్ చిత్రానికి సీక్వెల్ గా లగేరహో మున్నాభాయ్ వచ్చింది. దాన్ని చిరు తెలుగులో శంకర్ దాదా జిందాబాద్ టైటిల్ తో చేశారు. ఈ మూవీ నిరాశపరిచింది.
Chiranjeevi Remake Movies list
ఇక చిరంజీవి కెరీర్ లో అతిపెద్ద బ్లాక్ బస్టర్స్ లో ఒకటిగా ఠాగూర్ ఉంది. ఈ సినిమా చిరంజీవికి మంచి పేరు తెచ్చిపెట్టింది. దర్శకుడు వివి వినాయక్ తెరకెక్కించిన ఈ చిత్రం విజయ్ కాంత్ నటించిన రమణ అనే తమిళ చిత్ర రీమేక్.
Chiranjeevi Remake Movies list
వరుస ప్లాప్స్ లో ఉన్న చిరంజీవిని సక్సెస్ ట్రాక్ ఎక్కించిన చిత్రం హిట్లర్. చిరంజీవి ఐదుగురు చెల్లెళ్ళ అన్నగా నటించారు. హిట్లర్ మమ్ముట్టి అదే టైటిల్ తో చేసిన మలయాళ చిత్ర రీమేక్ కావడం విశేషం. ఇక ఘరానా మొగుడు చిత్రాన్ని కన్నడ మూవీ అనురాగ అరళితు చిత్ర రీమేక్ గా చేశారు.
Chiranjeevi Remake Movies list
యాక్షన్ ఎంటర్టైనర్ ఖైదీ నంబర్ 786 విజయ్ కాంత్ నటించిన తమిళ చిత్రం అమ్మన్ కోవిల్ కళావలె రీమేక్. ఇక పసివాడి ప్రాణం చిరంజీవి హిట్ చిత్రాల్లో ఒకటిగా ఉంది. ఇది మలయాళ చిత్రం పూవిన్ను పుతియా పుంతేన్నెల్ చిత్ర రీమేక్.
Chiranjeevi Remake Movies list
వీటితో పాటు చిరంజీవి హిట్ చిత్రాలైన దొంగ మొగుడు, విజేత, అడవి దొంగ, ఇంటి గుట్టు, దేవాంతకుడు, ఖైదీ, అభిలాష రీమేక్స్ కావడం విశేషం. చిరంజీవి కెరీర్ లో విజేత, ఖైదీ చిత్రాలకు ఎంతో ప్రాధాన్యత ఉంది. ఆయన్ని హీరోగా నిలబెట్టిన చిత్రాలు అవి.
Chiranjeevi Remake Movies list
ఇమేజ్ రాకముందు కూడా ఆయన రీమేక్స్ చేశారు. మంచు పల్లకీ, యమ కింకరుడు, పట్నం వచ్చిన పతివ్రతలు, చట్టానికి కళ్ళు లేవు చిరంజీవి చేసిన ఇతర భాషా చిత్రాల రీమేక్స్. చిరంజీవి నిర్మించుకున్న మెగాస్టార్ అనే ఇమేజ్ కోటకు మెట్లుగా అనేక రీమేక్ చిత్రాలు ఉన్నాయి.