బిగ్బాస్ బిగ్ సర్ప్రైజ్.. హౌజ్లో రామ్చరణ్ మెరుపులు.. హమీద, షణ్ముఖ్పై పంచ్లు.. నాగ్ వార్నింగ్
బిగ్బాస్5లో రెండో వారంలో సర్ప్రైజ్ తీసుకొచ్చాడు హోస్ట్ నాగార్జున. ఈ వారం వీకెండ్లో బిగ్బాస్ హౌజ్లోకి `ఆర్ఆర్ఆర్` స్టార్ రామ్చరణ్ ఎంట్రీ ఇచ్చాడు. ఇంటిసభ్యులను సర్ప్రైజ్ చేశాడు. దీనికితోడు అనేక కొత్త సర్ప్రైజ్లను తీసుకొచ్చాడు.
బిగ్బాస్ 5 రెండో వారం ముగింపు దశకు చేరుకుంది. శనివారం వచ్చిందంటే ఇంటిసభ్యుల గుండెల్లో గుబులు పుడుతుంది. గతవారం ఇంటి సభ్యుల ప్రవర్తనపై హెచ్చరించకుండా వదిలేసిన నాగ్ ఈ సారి వారికి వార్నింగ్ ఇవ్వబోతున్నాడు. దీంతో టెన్షన్ నెలకొంది. మరోవైపు ఎలిమినేషన్ కూడా ఉండబోతుంది. ఎవరు ఎలిమినేట్ అవుతారనేది సస్పెన్స్ గా మారింది. ఉత్కంఠ నెలకొంది.
ఈ క్రమంలో బిగ్సర్ప్రైజ్ ఇచ్చాడు నాగ్. రామ్చరణ్ని గెస్ట్ గా ఎంట్రీ ఇప్పించారు. వారంతంలో స్టార్లని గెస్టులుగా తీసుకొస్తుంటారు. ఈ వారం రామ్చరణ్ సందడి చేశారు. ఇంటి సభ్యులతో సరదాగా ముచ్చటించారు. అందులో భాగంగా ఇంటి సభ్యుల గురించి చరణ్కి చెప్పాడు నాగ్. పంచ్లపై పంచ్లు వేశాడు.
రామ్చరణ్ని చూసి ఇంటి సభ్యులంతా లేచి నిలబడ్డారు. దీంతో తాను వచ్చినప్పుడు లేచి నిలబడనిది, చరణ్ వస్తే నిలబడ్డారని స్వీట్ వర్నింగ్, పంచ్లు విసిరాడు. ఆ తర్వాత చరణ్ మాట్లాడుతూ, `ఇవాళ నేను లోబోలాగా రెడీ అయి వచ్చా అని చెప్పగా, లోబో కిందబడి చరణ్కి నమస్కారం చేయడం నవ్వులు పూయించింది.
ఇక ఉమాదేవి గురించి నాగ్ చెబుతూ, `చాలా మంచి మనిషి. కానీ మాటలు .. అప్పుడప్పుడు బూతులు మాట్లాడుతుంది` అని చెప్పగా, చరణ్ నోరు మూసుకోవడం నవ్విచింది. ఇక స్వేత చెబుతూ, ఓ రోజు మీతో పనిచేయాలని తెలిపింది. అందుకు చరణ్ స్వాగతించాడు. అందుకు నాగ్ స్పందిస్తూ పైకి అలా మాట్లాడుతుందిగానీ, చాలా వైల్డ్ అని చెప్పడంతో చరణ్ షాక్ అయ్యారు.
ఇక షణ్ముఖ్.. చరణ్కి లవ్యూ సర్.. లవ్యూ అన్నారు. అందుకు నాగ్ చెబుతూ.. `ఇప్పుడు మీకు చెబుతున్నాడు. రోజు దీప్తికి చెబుతాడు` అనగా నవ్వులు పూయించింది.
హమీద వంతు రాగా.. `హమీదని ప్రేమించడానికి శ్రీరామ్ చాలా ట్రై చేస్తున్నాడు. కానీ హమీద ఇప్పటి వరకు ఎస్ చెప్పలేదు` అని నాగార్జున చెప్పాడు. చరణ్, హమీదతోపాటు అందరు నవ్వుకున్నారు. ఇక ప్రియా రియాక్ట్ అవుతూ చరణ్ని లోపలికి పంపించండి అని తెలిపింది. చరణ్ షాక్ అయ్యాడు. రెండు వారాలు ఉంచేద్దామా అని నాగ్ అన్నాడు.
ఇక చివరగా ఆనందంగా ఉండకండి.. హౌజ్లో చాలా సెట్ చేయాలని వార్నింగ్ ఇవ్వడంతో ఇంటిసభ్యులకు టెన్షన్ పట్టుకుంది. మరి ఈ రోజు ఎవరెవరినీ ఏం సెట్ చేయబోతున్నాడనేది ఆసక్తి నెలకొంది.
ఇదిలా ఉంటే రామ్చరణ్ ఇటీవల డిస్నీ హాట్ స్టార్కి బ్రాండ్ అంబాసిడర్గా ఎంపికయ్యారు. అందులో భాగంగా హాట్ స్టార్ని ప్రమోట్ చేసే భాగంగా ఈ షోలో పాల్గొన్నట్టు తెలుస్తుంది. స్టార్ మా, డిస్నీలో బిగ్బాస్5 ప్రసారమవుతున్న విషయం తెలిసిందే.
అంతేకాదు ఇందులో ఇంకో సర్ప్రైజ్ ఉంది. రామ్చరణ్తోపాటు `మాస్ట్రో` టీమ్ నితిన్, తమన్నా, నభా నటేష్ సైతం సందడి చేయబోతున్నారట. `మాస్ట్రో` చిత్ర ప్రమోషన్లో భాగంగా ఈ టీమ్ సందడి చేసినట్టు తెలుస్తుంది.