నాకు కాబోయేవాడు అతడే... పెళ్లి సన్నిహితుల మధ్యే

First Published Dec 11, 2020, 12:15 PM IST

రకుల్ ప్రీత్ సింగ్ ప్రేమ, పెళ్లి మరియు తాను పెళ్లి చేసుకోబోయే వ్యక్తి గురించి ఓపెన్ అయ్యారు. ప్రముఖ మ్యాగజైన్ కి ఇచ్చిన ఇంటర్వ్యూలో ఆసక్తికర విషయాలు వెల్లడించారు.

రకుల్ ప్రీత్ కుష్ వెడ్డింగ్ మ్యాగజైన్ ఫోటో షూట్ లో పాల్గొనడం జరిగింది. డిజైనర్ లెహంగా, జ్యువెలరీ ధరించిన రకుల్ బ్రైడ్ గెటప్ లో అద్భుతంగా ఉన్నారు. ఇదే మ్యాగజైన్ ఇంటర్వ్యూలో రకుల్ పాల్గొనడం జరిగింది.

రకుల్ మాట్లాడుతూ .. నాకు ప్రేమ, పెళ్లిపై మంచి అభిప్రాయం, నమ్మకం ఉంది. నాకు కాబోయేవాడికి జీవితం పట్ల క్లారిటీ అండ్ టేస్ట్ ఉండాలి. సాంప్రదాయాలకు విలువనిచ్చే కుటుంబం మాది, కాబట్టి అతను కూడా సాంప్రదాయాలకు పాటించేవాడై అయ్యుండాలి.

అలాగే హెల్తీ లైఫ్ స్టైల్ కలిగి ఉండాలి. బంధువులు, సన్నిహతుల సమక్షంలో పెళ్లి చేసుకోవడానికి ఇష్టపడతాను. బీచ్ డెస్టినేషన్ వెడ్డింగ్ చేసుకోవాలని ఉందని, మనువాడే వాడు ఎలా ఉండాలో తన అభిప్రాయం బయటపెట్టింది.

ఇక కెరీర్ పరంగా రకుల్ పీక్స్ లో ఉన్నారు. ఆమె తెలుగుతో పాటు హిందీలో కూడా వరుస అవకాశాలు దక్కించుకుంటున్నారు. నితిన్ హీరోగా తెరకెక్కుతున్న చెక్ మూవీలో రకుల్ హీరోయిన్ గా చేస్తున్నారు.

అలాగే మెగా హీరో వైష్ణవ్ తేజ్ హీరోగా తెరకెక్కుతున్న మరో చిత్రంలో రకుల్ హీరోయిన్ గా నటిస్తున్నారు. దర్శకుడు క్రిష్ తెరకెక్కిస్తున్న ఈ చిత్రం ఈ మధ్యనే మొదలైంది.