పవన్ కళ్యాణ్ ఎంట్రీతో మరింత వేడెక్కిన `మా` ఎన్నికలు.. మోహన్బాబుపై షాకింగ్ కామెంట్
పవన్ కళ్యాణ్(pawan kalyan) `రిపబ్లిక్`(republic) ఈవెంట్లో సంచలన వ్యాఖ్యలు చేశారు. ఓ వైపు వైసీపీపై, మరోవైపు `మా` ఎన్నికల(maa election)పై, ఇంకోవైపు మోహన్బాబు(mohanbabu)పై ఆయన ఘాటు వ్యాఖ్యలు చేశారు. ముఖ్యంగా `మా` ఎన్నికల ప్రస్తావన తీసుకురావడం ఇప్పుడు హాట్ టాపిక్గా మారింది.
ప్రకాష్ రాజ్ `మా` అధ్యక్షుడిగా పోటీలో ఉన్నారు. ఆయన తన ప్యానెల్ ప్రకటించినప్పుడు లోకల్, నాన్లోకల్ అనే వాదన తెరపైకి వచ్చింది. ఇతర రాష్ట్రానికి చెందిన వ్యక్తి ఇక్కడ పోటీ చేయడమేంటని కొందరు ఇండస్ట్రీ వాళ్లు మాట్లాడారు. ఈ విషయం వివాదంగా మారింది. అంతేకాదు మంచు విష్ణు సైతం మా ఎన్నికలు గురించి చెబుతూ, మన మనమే సరిదిద్దుకుందామన్నారు. ఆ తర్వాత మరికొందరు అనేక రకాలుగా వ్యాఖ్యలు చేశారు.
తాజాగా దీనిపై పవన్ కళ్యాణ్ స్పందించారు. `మా` ఎన్నికలను హీటెక్కించారు. ప్రకాష్రాజ్పై లోకల్, నాన్ లోకల్ వాదన తీసుకొచ్చి అలా అనడం తప్పు అని హెచ్చరించారు. మనం ఇండియన్ రిపబ్లిక్ లో ఉన్నామని, ఎవరు ఎక్కడి నుంచైనా పోటీ చేయోచ్చని అన్నారు. ప్రకాష్ రాజ్కి ఇక్కడ పోటీ చేసే హక్కు ఉందని, ఆయనకు ఓటు వేయాలా? లేదా? అనేది ఓటర్ల ఇష్టమని, కానీ ఇలాంటి కామెంట్లు చేయడం కరెక్ట్ కాదన్నారు.అభిప్రాయాల పరంగా నేను, ప్రకాష్రాజ్ విభేదించుకుంటామని, కానీ సినిమాలో నటించాల్సి వస్తే, సోదర భావంతోనే యాక్ట్ చేస్తామని, వాదనలు, విమర్శలు సినిమా బయటే అని తెలిపారు. షూటింగ్లో అంతా ఫ్రెండ్లీగానే ఉంటామని స్పష్టం చేశారు.
ఈ సందర్భంగా మోహన్బాబుపై షాకింగ్ కామెంట్లు చేశారు. ఏపీలో వైసీపీ ప్రభుత్వం థియేటర్లని బ్యాన్ చేస్తూ, టికెట్ రేట్లని శాషిస్తుంటే ఎందుకు మాట్లాడటం లేదన్నారు. చిత్ర పరిశ్రమలో పేరుకేమో పెద్ద పెద్ద పేర్లున్నాయి. కానీ వైసీపీ నాయకులకు చెప్పలేరా, మూసుకొని కూర్చొండని చెప్పలేరా, ఇండస్ట్రీ వైపు చూడలేరా? అని మాట్లాడలేరా. దైర్యం లేదా అంటూ ఘాటుగా రియాక్ట్ అయ్యారు పవన్.
ఏపీలో థియేటర్ల టికెట్లు ప్రభుత్వం అమ్ముకున్నట్టు, మోహన్బాబు విద్యానికేతన్ విద్యాసంస్థల్లో సీట్లు కూడా ప్రభుత్వం అమ్ముకునేలా జాతీయం చేయండి. ఆన్లైన్లోనే సీట్లు అమ్ముకునేలా పెట్టండి అని ప్రశ్నించారు. అంతేకాదు దీనిపై మోహన్బాబు స్పందించాలన్నారు. మాజీ ఎంపీగా మాట్లాడే బాధ్యత మీపై ఉందన్నారు పవన్. చిత్ర పరిశ్రమని హింసించొద్దని చెప్పండి. పవన్ కళ్యాణ్తో తేల్చుకోండి, కానీ పరిశ్రమ జోలికి రావద్దని చెప్పండి.
ఇప్పుడు మాట్లాడకుండా ఉంటే, రేపొద్దున మీకు అదే పరిస్థితి వస్తుంది. మీ వైపు మాట్లాడటానికి ఎవరూ ఉండరని తెలిపాడు. కులం సమస్య, పార్టీ సమస్య కాదు. ఒక్కసారి విలువ తప్పితే, మరో రోజు మీ వంతు వస్తుందంటూ సంచలన వ్యాఖ్యలు చేశారు. బావా బావా.. సోదరా సోదరా అనుకుంటే సరిపోదు. మాట్లాడాలన్నారు. మోహన్బాబు మాత్రమే కాదు, ఇండస్ట్రీలోని పెద్దలంతా మాట్లాడాలని తెలిపారు.