భార్య షాలినితో నితిన్ బర్త్ డే వేడుకలు, అతిథులుగా సునీత, రామ్ దంపతులు!
హీరో నితిన్ నేడు తన 38వ బర్త్ డే జరుపుకుంటున్నారు. దీనితో పవన్ కళ్యాణ్ ఫ్యాన్స్ తో పాటు, నితిన్ ఫ్యాన్స్ సోషల్ మీడియాలో సందడి చేస్తున్నారు. గత అర్థరాత్రి నుండి సినీ ప్రముఖులు, అభిమానులు ఆయనకు బర్త్ డే విషెష్ తెలియజేస్తున్నారు.
ఇక పెళ్లి తరువాత వచ్చిన మొదటి బర్త్ డే నితిన్ భార్య షాలినితో కలిసి జరుపుకున్నారు. గత రాత్రి నితిన్ నివాసంలో భార్య, కుటుంబ సభ్యులు నితిన్ చేస్తా కేక్ కట్ చేయించారు. అలాగే బెస్ట్ విషెష్ తెలియజేశారు.
అమెరికాలో సెటిల్ అయిన తెలుగు అమ్మాయి షాలినిని నితిన్ గత ఏడాది ఏప్రిల్ 15న వివాహం చేసుకున్నారు. కోవిడ్ నిబంధనల నేపథ్యంలో అత్యంత సన్నిహితుల మధ్య నిరాడంబరంగా నితిన్ వివాహం జరిగింది.
కాగా నితిన్ బర్త్ డే వేడుకకు సింగర్ సునీత, రామ్ దంపతులు హాజరు కావడం విశేషం. పరిశ్రమ నుండి నితిన్ బర్త్ డే కు హాజరైన ఒకేఒక కుటుంబం వీరు. నితిన్,షాలినితో కలిసి వీరిద్దరూ ఫోటోలకు ఫోజిచ్చారు.
సునీత భర్త రామ్ కి నితిన్ కుటుంబం చాలా క్లోజ్ అని తెలుస్తుంది . రామ్, సునీతల పెళ్ళికి సంబంధించిన అన్ని వేడుకలు, పార్టీలకు నితిన్ దంపతులు హాజరై సందడి చేయడం జరిగింది. దీనితో నితిన్ బర్త్ డే కార్యక్రమానికి సునీత, రామ్ హాజరయ్యారు.
ఇక నితిన్ 30వ చిత్ర టైటిల్ అండ్ ఫస్ట్ లుక్ ఆయన బర్త్ డే కానుకగా విడుదల చేశారు. హిందీ హిట్ మూవీ అంధాదున్ తెలుగు రీమేక్ గా తెరకెక్కుతున్న ఈ చిత్రాన్ని మాస్ట్రో అనే టైటిల్ నిర్ణయించారు.
మాస్ట్రో మూవీ ప్రయోగాత్మకంగా తెరకెక్కుతున్న క్రైమ్ థ్రిల్లర్ కాగా, నితిన్ గుడ్డివాడిగా కనిపించనున్నాడు. నభా నటేష్, తమన్నా హీరోయిన్స్ గా నటిస్తున్న ఈ చిత్రాన్ని మేర్లపాక గాంధీ తెరకెక్కిస్తున్నారు.
ఇక చెక్ సినిమా రూపంలో నితిన్ మరో ప్లాప్ అందుకున్నారు. అయితే ఈ వారం విడుదలైన రంగ్ దే మాత్రం పాజిటివ్ టాక్ సొంతం చేసుకుంది. వసూళ్ల పరంగా కూడా రంగ్ దే జోరుచూపిస్తున్నట్లు వార్తలు వస్తున్నాయి.
భార్య షాలినితో నితిన్ బర్త్ డే వేడుకలు