ప్రియుడు విగ్నేష్ని సర్ప్రైజ్ చేసిన నయనతార.. బర్త్ డేని అలా బెస్ట్ గా మార్చేసింది.. ఫోటోలు వైరల్
లేడీ సూపర్ స్టార్ నయనతార, దర్శకుడు విగ్నేష్ శివన్ ఘాటు ప్రేమలో మునిగి తేలుతున్న విషయం తెలిసిందే. తాజాగా ప్రియుడు, కాబోయే భర్తని సర్ప్రైజ్ చేసింది నయనతార. బర్త్ డే సందర్భంగా విగ్నేష్ని ఆశ్చర్యంలో ముచ్చెత్తింది.
శనివారం(సెప్టెంబర్ 18) విగ్నేష్ తన 36వ పుట్టిన రోజుని జరుపుకుంటున్నారు. ప్రియుడి బర్త్ డే అంటే ఏమైనా ఉంటుందా, ప్రియురాలికి పండగే. ఇష్టమైన వాడిని ఆశ్చర్యంలో ముంచెత్తాలని ఉవ్విళ్లూరుతుంటారు. నయనతార అదే చేసింది.
విగ్నేష్ శివన్ బర్త్ డే సందర్భంగా ఆయన్ని ఊహించిన గిఫ్ట్ లతో సర్ప్రైజ్ చేసింది. గిఫ్ట్ లు, బర్త్ డే సెలబ్రేషన్తో విగ్నేష్కిది చాలా స్పెషల్ డేగా మార్చేసింది. కనువిందుగా అలంకరణ, లైటింగ్స్ తో అబ్బురపరిచేలా ఉంది బ్యాక్ డెకరేషన్. అంతేకాదు ఇష్ట సకుడికి గిఫ్ట్ లు ఇచ్చింది.
ఈ విషయాన్ని విగ్నేష్ సోషల్ మీడియా ద్వారా వెల్లడించారు. ఆమె ధన్యవాదాలు తెలిపారు. `నీ ఉనికి నా జీవితంలో ఏ బహుమతితో పోల్చలేనిది..థ్యాంక్యూ థంగమే(నయన్ని ఉద్దేశించి). నా బర్త్డేను మరింత స్పెషల్గా మార్చినందుకు` అంటూ నయన్పై ప్రేమ కురిపించాడు విగ్నేష్.
గత నాలుగేళ్లుగా ఘాటు ప్రేమలో మునిగితేలుతున్నారు నయనతార, విగ్నేష్ శివన్. ఈ మధ్య ఎంగేజ్మెంట్ కూడా చేసుకున్నారు. ఈ విషయాన్ని నయనతార ఓ ఇంటర్వ్యూలో వెల్లడించింది. ఎంగేజ్మెంట్ సీక్రెట్గా చేసుకున్నా.. పెళ్లి మాత్రం అందరికి చెప్పే గ్రాండ్గా చేసుకుంటామని తెలిపింది. త్వరలోనే మ్యారేజ్ చేసుకోబోతున్నామనే హింట్ ఇచ్చింది. ఎప్పుడనే విషయాన్ని వెల్లడించలేదు.
విగ్నేష్, నయనతార కంటే వయసులో చిన్నవాడు. అయినా ప్రేమకి వయసుతో సంబంధం లేదనే విషయాన్ని చాటి చెబుతున్నారు. తమ ప్రేమలో నిజాయితీని చాటుకుంటున్నారు.
ఇదిలా ఉంటే ప్రస్తుతం విగ్నేష్ దర్శకత్వంలో రూపొందుతున్న `కాతు వాకుల రెండు కాదల్` చిత్రంలో నయనతార ప్రధాన పాత్ర పోషిస్తుంది. ఆమెతోపాటు విజయ్ సేతుపతి, సమంత కీలక పాత్రలు పోషిస్తున్నారు. ఇది విడుదలకు సిద్ధమవుతుంది.