నైట్ పార్టీలో ఆమిర్ ఖాన్ ముందు ఎమోషనలైన నాగార్జున.. రీజన్ హాట్ టాపిక్
నాగార్జున(nagarjuna) ఎమోషనల్ అయ్యాడట. అది కూడా ఆమిర్ ఖాన్ (aamira khan) ముందు ఆయన ఎమోషనల్(nag emotional) అయ్యారట. అయితే నాగార్జున ఎమోషనల్ అవడానికి కారణాలు ఇప్పుడు హాట్ టాపిక్గా మారాయి. అభిమానులు కూపీ లాగే ప్రయత్నం చేస్తున్నారు.
బాలీవుడ్ మిస్టర్ పర్ఫెక్ట్ ఆమిర్ ఖాన్ ఇటీవల హైదరాబాద్లో సందడి చేశారు. నాగచైతన్య హీరోగా నటించిన `లవ్స్టోరి` ఈవెంట్కి గెస్ట్ గా హాజరై మెరిశారు. అంతేకాదు ఆమిర్కి స్పెషల్గా పార్టీ ఇచ్చాడు నాగార్జున. ఇందులో `లవ్ స్టోరి` టీమ్, సాయిపల్లవి, శేఖర్ కమ్ముల, నాగచైతన్య కూడా పాల్గొన్నారు.
ఈ సందర్భంగా నాగార్జున, ఆమిర్ ఖాన్ ల మధ్య చాలా విషయాలు చర్చకు వచ్చాయట. ముఖ్యంగా నాగచైతన్య గురించి చాలా విషయాలు చర్చించారట. ఇందులో భాగంగా చైతూ గురించి ఓ విషయాన్ని తలచుకుని ఎమోషనల్ అయ్యారట నాగ్.
నాగచైతన్య హిందీలోకి ఎంట్రీ ఇస్తూ ఆమిర్ ఖాన్ `లాల్సింగ్ చద్దా` చిత్రంలో నటిస్తున్నారు. తెలుగుకి చెందిన ఆర్మీ అధికారిగా చైతూ కనిపిస్తారట. ఆయన ఇందులో `బాలరాజు` అనే పాత్రలో కనిపించబోతున్నట్టు ఇటీవల యూనిట్ వెల్లడించింది. ఆర్మీ అధికారిగా చైతూ లుక్కి మంచి స్పందన లభించింది.
అయితే డెబ్బై ఏళ్ల క్రితం తండ్రి ఏఎన్నార్ `బాలరాజు` చిత్రంలో నటించారు. అది ఏఎన్నార్ కెరీర్లో బిగ్గెస్ట్ బ్లాక్బస్టర్ చిత్రాల్లో ఒకటి. అలాంటి పాత్రలో ఇప్పుడు చైతూ నటించడాన్ని తలచుకుని, ఆ విషయాన్ని ఆమిర్తో చెబుతూ ఎమోషనల్ అయ్యారట నాగ్.
అంతేకాదు ఏఎన్నార్ నటించిన `ప్రేమనగర్` చిత్రం కూడా ఇదే డేట్కి యాభై ఏళ్ల క్రితం విడుదలైంది. అదే డేట్ కి `లవ్ స్టోరి` రిలీజ్ కావడం కూడా తమకి ఎంతో ఎమోషనల్ అండ్ గర్వపడే మూవ్మెంట్ అని తెలిపారు నాగార్జున.
love story movie
నాగచైతన్య,సాయిపల్లవి జంటగా, శేఖర్ కమ్ముల దర్శకత్వంలో రూపొందిన `లవ్ స్టోరి` నేడు విడుదలై పాజిటివ్ టాక్ని తెచ్చుకుంటోంది. మరోవైపు చైతూ `లాల్సింగ్ చద్దా`తోపాటు `థ్యాంక్యూ` చిత్రంలో నటిస్తున్నారు. మరోవైపు నాగార్జున ప్రస్తుతం `ఘోస్ట్`, `బంగార్రాజు` చిత్రంలో నటిస్తున్నారు.
మరోవైపు నాగచైతన్య, సమంత ల మధ్య విడాకులకు సంబంధించిన వార్త ప్రస్తుతం సోషల్ మీడియాలో వైరల్ అవుతుంది. దీనిపై తాజాగా ఓ ఇంటర్వ్యూలో చైతూ స్పందిస్తూ ఈ వార్తలు తనని చాలా బాధించాయని, వార్తకి వార్తే సమాధానం చెబుతుందన్నారు.