తమన్ అన్న మాస్ రిప్లై... ట్రోల్ చేయడానికి ప్రయత్నించిన నెటిజన్‌కి సూపర్ కౌంటర్...
ఎస్. తమన్... సోషల్ మీడియాలో ఈ మ్యూజిక్ డైరెక్టర్‌ను ట్రోల్ చేసినంతగా మరే తెలుగు హీరోని కానీ, నటుడిని కానీ ట్రోల్ చేసి ఉండరేమో. తమన్ సంగీత దర్శకత్వంలో ఏ పాట విడుదల అయినా వెంటనే దాన్ని కాపీ ట్యూన్ అంటూ ట్రోల్స్ వచ్చేశాయి...
అల్లుఅర్జున్ హీరోగా వచ్చిన ‘అలవైకుంఠపురంలో’, నాని 25వ సినిమా ‘వీ’తో పాటు ‘క్రాక్’మూవీ సినిమాలో పాటలు కూడా పాత సినిమాల నుంచి, వేరే భాషాల చిత్రాల నుంచి ట్యూన్ దొంగిలించి, తమన్ కాపీ చేశాడంటూ తీవ్రంగా ట్రోల్ చేశారు నెటిజన్లు...
దీంతో శ్రీనువైట్ల దర్శకత్వంలో రూపొందిన ‘కింగ్’ సినిమాలో బ్రహ్మానందం పోషించిన ‘జయసూర్య’ క్యారెక్టర్‌, తమనేనంటూ ట్రోలింగ్ వీడియోలు, మీమీలు పుట్టుకొచ్చాయి...
ఈ ట్రోల్స్‌కి కొంత కాలం కిందట స్పందించిన తమన్... ‘పక్కవాడి ట్యూన్స్ దొంగిలించి, మ్యూజిక్ చేస్తే... మా అమ్మ అన్నం పెడుతుందా’ అంటూ కామెంట్ చేశాడు. అయితే ఈ డైలాగ్‌ను ట్రోలింగ్‌కి వాడేసుకున్నారు మీమ్స్ క్రియేటర్స్...
తాజాగా మరోసారి ఓ నెటిజన్... బ్రహ్మానందం ‘జయసూర్య’ ఫోటోలతో ఉన్న ఓ ఫోటోను ట్వీట్ చేసి... నా పిల్లలకు ఇతనే ఎస్ ఎస్ తమన్ అని చెబుతారు... అంటూ తమన్‌నే ట్యాగ్ చేశాడు...
నెటిజన్ ట్వీట్‌కి స్పందించిన తమన్... ‘అలాగే దయచేసి నీ భార్యకి చెప్పండి, నేను ఈ మీమీలు చేయడంలో బిజీగా ఉన్నాను... బ్రో... తను నిన్ను చూసి గర్వపడుతుంది. ఎందుకంటే ఎందుకూ పనికిరాని మీమర్‌ని పెళ్లాడానని... జీవితంలో’ అంటూ కౌంటర్ ఇచ్చాడు...
తెలుగు సినీ ఇండస్ట్రీలోనే అత్యంత వేగంగా 100 సినిమాలు పూర్తిచేసుకున్న తమన్... ప్రస్తుతం టాలీవుడ్‌తో పాటు బాలీవుడ్, కోలీవుడ్‌లో కూడా సినిమాలు చేస్తూ యమా బిజీగా ఉన్నాడు...
ఇప్పటికే ఈ ఏడాది ‘క్రాక్’, ‘వైల్డ్ డాగ్’, ‘వకీల్ సాబ్’ సినిమాలు విడుదల చేసిన తమన్... నాని ‘టక్ జగదీశ్’, బాలకృష్ణ ‘అఖండ’, మహేష్ ‘సర్కార్ వారి పాట’, అఖిల్ ‘ఏజెంట్’ సినిమాలకు సంగీతాన్ని అందిస్తున్నాడు.
తమన్ స్పీడ్ ముందు నిలబడలేక మిగిలిన మ్యూజిక్ డైరెక్టర్లు... అవకాశాల కోసం ఆశగా ఎదురుచూస్తున్నారు. కాపీ ఆరోపణలు వస్తున్నా తమన్ మ్యూజిక్ అందించిన సినిమాల పాటలు సూపర్ హిట్‌గా నిలుస్తూ, యూట్యూబ్‌లో మిలియన్ల వ్యూస్ రాబడుతున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
