సతీసమేతంగా కొత్తింట్లోకి అడుగుపెట్టిన `కేజీఎఫ్` స్టార్ యశ్.. అది చాలా కాస్ట్లీ గురూ!
`కేజీఎఫ్` స్టార్, కన్నడ రాక్స్టార్ యశ్ దంపతులు కొత్తింట్లోకి అడుగుపెట్టారు. శుక్రవారం సతీసమేతంగా గృహ ప్రవేశం నిర్వహించారు. ఈ సందర్భంగా దిగిన ఫోటోలు ఇప్పుడు నెట్టింట్లో వైరల్ అవుతున్నాయి.
`కేజీఎఫ్` చిత్రంతో దేశ వ్యాప్తంగా గుర్తింపు తెచ్చుకున్నారు కన్నడ నటుడు యశ్. ఈ సినిమాలో స్టయిలీష్ యాక్షన్తో వాహ్ అనిపించింది. కలెక్షన్ల రికార్డులను తిరగరాశాడు. ముఖ్యంగా కన్నడ చిత్ర పరిశ్రమ సత్తాని ఇండియన్ సినిమాకి రుచి చూపించాడు.
ఈ సినిమాతో పాన్ఇండియా స్టార్ గుర్తింపు తెచ్చుకున్న యశ్ ఇప్పుడు కొత్తింట్లోకి అడుగుపెట్టాడు. బెంగుళూరులోని ఖరీదైన ప్రెస్టీజ్ గోల్ఫ్ అపార్ట్ మెంట్లో ఓ ఇంటిని కొనుగోలు చేశాడు యశ్. తాజాగా శుక్రవారం భార్య రాధికా పండిత్తో కలిసి గృహ ప్రవేశం చేశాడు. పూజా కార్యక్రమాలు నిర్వహించారు.
దీనికి సంబంధించిన ఫోటోలు ఇప్పుడు సోషల్ మీడియాలో వైరల్ అవుతున్నాయి. ఇందులో యశ్ దంపతులతోపాటు కుటుంబ సభ్యులు, ఇతర కొద్ది మంది అత్యంత సమీప బంధువులు హాజరైనట్టు తెలుస్తుంది.
యశ్ ఇటీవల కర్నాటక శివారు ప్రాంతంలో ఫామ్ హౌజ్ని నిర్మించారు. ఇప్పుడు కొత్తింట్లోకి ప్రవేశం చేశారు. ఇదంతా `కేజీఎఫ్` మ్యాజిక్ వల్లే సాధ్యమైందని చెప్పొచ్చు. ప్రస్తుతం ఆయన `కేజీఎఫ్`కి పార్ట్ 2 `కేజీఎఫ్ః ఛాప్టర్ 2`లో నటించగా, అది విడుదలకు సిద్ధంగా ఉంది.
ఇందులో బాలీవుడ్ నటులు సంజయ్ దత్, రవీనా టండన్, రావు రమేష్, ప్రకాష్ రాజ్ వంటి వారు కీలక పాత్రలు పోషిస్తున్నారు. ఈసినిమాని కన్నడ, తెలుగుతోపాటు తమిళం, హిందీలోనూ విడుదలకు ప్లాన్ చేస్తున్నారు.
ఇదిలా ఉంటే ఇటీవల కరోనా సెకండ్ వేవ్ సమయంలో సినీ కార్మికులను ఆదుకునేందుకు యశ్ ముందుకొచ్చారు. దాదాపు మూడు వేల మంది కార్మికుడికి రూ.ఐదు వేల చొప్పున వారి అకౌంట్లలో జమ చేశారు. ఈ లెక్కన ఆయన కోటీ యాభై లక్షల సహాయాన్ని అందించారు.
యశ్ గృశ ప్రవేశ దృశ్యాలు.
యశ్ గృశ ప్రవేశ దృశ్యాలు.
యశ్ గృశ ప్రవేశ దృశ్యాలు.
యశ్ గృశ ప్రవేశ దృశ్యాలు.
యశ్, రాధికా పండిట్లకు కుమారుడు, కూతురు ఉన్నారు.