బర్త్ డే పార్టీలో కంగనా రనౌత్‌.. సెలబ్రిటీలతో ఎంజాయ్‌.. ఫోటోలు వైరల్‌
కంగనా రనౌత్‌ ఇప్పుడు `తలైవి`గా మారిపోయింది. తన బర్త్ డే రోజు(మంగళవారం) విడుదల చేసిన `తలైవి` ట్రైలర్‌ విశేషంగా ఆకట్టుకుంటోంది. మరోవైపు ఆమె బర్త్ డే ఫోటోలు చక్కర్లుకొడుతున్నాయి. పలువురు సినీ ప్రముఖుల సమక్షంలో కంగనా బర్త్ డే జరిగింది. బర్త్ డే పార్టీ పిక్స్ వైరల్‌ అవుతున్నాయి.
కంగనా రనౌత్‌ మంగళవారంతో 34ఏళ్లు పూర్తి చేసుకుంది. ఈ సందర్భంగా ఆమె నటించిన `తలైవి` చిత్ర ట్రైలర్‌ని విడుదల చేశారు. ఇందులో కంగనా `తలైవి` పాత్రలో ఒదిగిన తీరుకి ప్రశంసలు దక్కుతున్నాయి.
బర్త్ డేకి ఒక్క రోజు ముందు తనకి ఉత్తమ నటిగా జాతీయ అవార్డు రావడం, బర్త్ డే రోజు `తలైవి` ట్రైలర్‌ విడుదల చేయడంతో కంగనా ఉబ్బితబ్బిబ్బవుతుంది.
మంగళవారం బర్త్ డే పార్టీ ఇచ్చింది కంగనా. ఇందులో అనుపమ్‌ ఖేర్‌, రాణి ముఖర్జీ, శేఖర్‌ కపూర్‌, ఏక్తా కపూర్‌, `తలైవి` నిర్మాత విష్ణు ఇందూరి పాల్గొని సందడి చేశారు.
ప్రస్తుతం ఈ బర్త్ డే పార్టీకి చెందిన ఫోటోలు వైరల్‌ అవుతున్నాయి. సోషల్‌ మీడియాలో ఫ్యాన్స్ ని ఖుషీ చేస్తున్నాయి.
అయితే ఇందులో కంగనాకి ఆరు కేక్‌లతో బర్త్ డే చేయడం విశేషం. ప్రముఖులు తలా ఓ కేక్‌ని తీసుకొచ్చినట్టు తెలుస్తుంది. వీరంతా కంగనా బర్త్ డే చేసినట్టు సమాచారం.
వీరంతా కంగనా బర్త్డ్‌ డే పార్టీలో మునిగితేలారు. బాగా ఎంజాయ్‌ చేశారు. తాజాగా కంగనా పంచుకున్న ఫోటోలు చూస్తుంటే అర్థమవుతుంది. ముంబయిలో రాత్రి ఈ బర్త్ డే వేడుక జరిగింది.
చీరకట్టులో కంగనా లుక్స్ అదరిపోయేలా ఉంది.
ఇదిలా ఉంటే కంగనా తన ఇంటి వద్ద లేదు. దీంతో వారి పేరెంట్స్ కంగనా పేరుతో అర్చన చేయిస్తున్నారు. పూజా కార్యక్రమాలు నిర్వహించారు.
ఈ ఫోటోలను కంగనా పంచుకుంటూ తమ ఇంటిని బాగా మిస్‌ అవుతున్నట్టు తెలిపింది.
తన బాగు కోసం, తాను బాగుండాలని అమ్మ ప్రతి ఏడాది ఇలా పూజ చేయిస్తుందని పేర్కొంది కంగనా రనౌత్‌.
ప్రస్తుతం కంగనా ఫోటోలు ఆకట్టుకుంటున్నాయి.
మరోవైపు `తలైవి`లోని కంగనా లుక్స్ సైతం అదరగొడుతున్నాయి. పాత్ర కోసం ఆమె తన బాడీని ఎలా మౌల్డ్ చేసుకుందనే విషయాలను ఇది రిఫ్లెక్ట్ చేస్తుంది.
ఇక కంగనాకి `మణికర్ణిక`, `పంగా` చిత్రాలకు గానూ తాజాగా ఉత్తమ నటిగా జాతీయ అవార్డు వరించింది.
గతంలో `ఫ్యాషన్‌` చిత్రానికి సహాయ నటిగా, `క్వీన్‌`, `తను వెడ్స్ మను రిటర్న్స్` చిత్రాలకు ఉత్తమ నటిగా జాతీయ అవార్డులు వరించిన విషయ తెలిసిందే.
మొత్తంగా నాలుగు జాతీయ అవార్డులు కంగనా ఖాతాలో చేరాయి.
ప్రస్తుతం కంగనా `తలైవి`తోపాటు `దాఖడ్‌`, అలాగే మరో సినిమాలో నటిస్తూ బిజీగా ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
