అమ్మ, అత్తమ్మ, చెల్లి.. తన జీవితంలోని బ్యాక్‌బోన్స్ వీళ్లే అంటూ కాజల్‌ ఎమోషనల్‌
స్టార్‌ హీరోయిన్‌ కాజల్‌ మదర్స్ డే సందర్భంగా తన జీవితంలోని అమ్మలకు విషెస్‌ తెలిపింది. తన అమ్మ వినయ అగర్వాల్‌, అత్తమ్మ ధీరకిచ్లు, సోదరి నిషా అగర్వాల్‌, అలాగే ఇతర మహిళలు తనకు బ్యాక్‌ బోన్‌గా ఉంటారని చెబుతూ ఎమోషనల్‌ అయ్యింది.
ఆదివారం (మే9) మదర్స్ డే సందర్భంగా కాజల్‌ తన జీవితంలోని మహిళలకు ప్రత్యేకంగా ధన్యవాదాలు తెలిపింది. తనకు ఎల్లప్పుడు వీళ్లు బ్యాక్‌ బోన్‌గా ఉంటారని, సపోర్టింగ్‌గా ఉంటారని తెలిపింది కాజల్‌.
ఈ సందర్భంగా అమ్మ వినయ అగర్వాల్‌తో ఉన్న ఫోటోని పంచుకుంది కాజల్‌. ఇందులో అమ్మని ఆమె గట్టిగా హగ్‌ చేసుకుని తనప్రేమని చాటుకుంది.
అలాగే మ్యారేజ్‌ తర్వాత తనకు అన్ని రకాలుగా అమ్మ పాత్రని పోషిస్తున్న అత్తమ(భర్త గౌతమ్‌ కిచ్లు మదర్‌) ధీర కిచ్లుని ఆమె ప్రత్యేకంగా అభినందనలు తెలియజేసింది.
ఇక చిన్నప్పట్నుంచి తనకు అండగా, సపోర్టివ్‌గా, ఎంకరేజింగ్‌గా ఉన్న చెల్లి నిషా అగర్వాల్‌కి ముద్దుతో మదర్స్ డే శుభాకాంక్షలు తెలిపింది.
తన అమ్మమ్మలు, నానమ్మలకు సైతం కాజల్‌ తన విషెస్‌ తెలిపారు. వారిని ఆలింగనం చేసుకుంటూ ఉన్న ఫోటోలను పంచుకుంది.
అలాగే తన బావగారి పిల్లలు, ఇతర బంధువులకు సంబంధించిన మహిళలకు కాజల్‌ విషెస్‌ తెలిపారు. వారితో ఉన్న ఫోటోలను పంచుకుంది.
వీళ్లంతా తన బలమైన, ప్రేమగల, రక్షణగా ఉండే, కరుణ హృదయం కలిగిన, రాక్‌ సాలిడ్‌ మదర్స్ అని తెలిపింది కాజల్‌. ప్రస్తుతం కాజల్‌ పంచుకున్న ఫోటోలు సోషల్‌ మీడియాలో వైరల్‌ అవుతున్నాయి.
ఇటీవల `మోసగాళ్లు` చిత్రంతో ఆడియెన్స్ ముందుకొచ్చింది కాజల్‌. ఇందులో మంచు విష్ణుకి అక్కగా నటించింది. పెళ్లి తర్వాత ఆమె నుంచి వచ్చిన తొలి చిత్రమిది.
ప్రస్తుతం `ఆచార్య`లో చిరంజీవి సరసన నటించింది. అలాగే ఇప్పుడు నాగార్జున సరసన మొదటిసారి ప్రవీణ్‌ సత్తారు సినిమాలో నటిస్తుంది.
తమిళంలో రెండు సినిమాలు చేస్తుంది. మ్యారేజ్‌ తర్వాత కూడా కెరీర్‌ని కొనసాగిస్తుండటం విశేషం. మరోవైపు భర్తతో కలిసి వ్యాపారంలోనూ బిజీగా ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
