24కాదు, 23వ బర్త్ డే చేసుకుంటా.. జాన్వీ కపూర్‌ షాకింగ్‌ డెసిషన్‌.. ట్రెండ్‌అవుతోన్న మాస్‌ సాంగ్‌

First Published Mar 4, 2021, 10:55 AM IST

జాన్వీ కపూర్‌ తన జీవితంలో లాస్ట్ ఇయర్‌ని తీసేస్తుందట. అసలు 2020 అనేదాన్ని కౌంట్‌ కూడా చేయను అంటోంది. అంతటితో ఆగడం లేదు. బర్త్ డే ని కూడా కౌంట్‌ చేయనని అంటోంది జాన్వీ కపూర్‌. తాజాగా ఈ పలు షాకింగ్‌ విషయాలను వెల్లడించింది. సెక్సీ ఫోటోలను పంచుకుని దుమ్మురేపుతుంది.

ఇదిలా ఉంటే ఇందులోని `నాదియాన్‌ పార్‌` అంటూ సాగే మాస్‌ సాంగ్‌ ఇటీవల విడుదలై దుమ్మురేపుతుంది. ఇందులో జాన్వీ వేసిన స్టెప్పులు మంత్రముగ్ధుల్ని చేస్తున్నాయి. యూట్యూబ్‌లో ట్రెండ్‌ అవుతుంది.

ఈ నెల 6న జాన్వీ కపూర్‌ బర్త్ డే. ఆమె 24ఏళ్లలోకి అడుగుపెడుతుంది. గతేడాది ఎలాగూ సరిగా బర్త్ డే చేసుకోలేదు. ఈ సారి కూడా సింపుల్‌గానే చేసుకోబోతుందట.

ఈ విషయంపై జాన్వీ మాట్లాడుతూ, `ప్రస్తుతం `గుడ్‌లక్‌ జెర్రీ` చిత్ర షూటింగ్‌లో పాల్గొంటున్నాను. ఈ లొకేషన్‌లోనే నా బర్త్ డే జరుగుతుంది. ఈ వేడుకలో పాల్గొనడానికి మా నాన్న(బోనీ కపూర్‌) లొకేషన్‌కే వస్తారనుకుంటున్నా` అని చెప్పింది.

`ఇలా షూటింగ్‌ స్పాట్‌లోనే బర్త్ డే చేసుకునే అవకాశం రావడం నాకు మంచి ఫీల్‌ని ఇస్తోంది. పని మధ్యలో వేడుక జరుపుకోవడం అంటే ఆ థ్రిల్లే వేరు` అని చెప్పుకొచ్చింది.

ఇంకా చెబుతూ, `గతేడాది నా జీవితంలో నంఉచి తీసేశాను. గతేడాది కరోనా మనల్ని ఏ వేడుకా చేసుకోనివ్వలేదు. అందుకే నేను 24లోకి అడుగుపెడుతున్నప్పటికీ 23వ బర్త్ డేని చేసుకుంటాను` అని తెలిపింది.

`కరోనా వల్ల ఓ ఏడాదంతా వేస్ట్ అయిపోయింది. ఆరేడు నెలలు ఖాళీగా ఉండాల్సిన పరిస్థితి. లాక్‌డౌన్‌ తర్వాత సెప్టెంబర్‌ నుంచి షూటింగ్స్ లో పాల్గొంటున్నాను` అని చెప్పింది.