సెక్స్ బాడీకి ఎక్సర్సైజ్ లాంటిది.. బోల్డ్ కామెంట్స్ చేసిన ఇలియానా
ఒకప్పుడు టాలీవుడ్లో స్టార్ హీరోయిన్గా ఓ వెలుగు వెలిగిన అందాల భామ ఇలియానా. అయితే ఇక్కడ కెరీర్ మంచి ఫాంలో ఉండగానే బాలీవుడ్ బాట పట్టిన ఈ బ్యూటీ అక్కడ కూడా అవకాశాలు లేకపోవటంతో ఖాళీగా ఉంటున్న ఈ బ్యూటీ ఓ చాట్లో సెక్స్ గురించి ఆసక్తికర వ్యాఖ్యలు చేసింది.
ఇలియానా ఇండియాన్ ఫిలిం ఇండస్ట్రీలోనే హాటెస్ట్ యాక్టర్గా పేరు తెచ్చుకుంది. ఇటీకల కాలంలో సినిమాల్లో పెద్దగా నటించకపోయినా గత ఏడాది తన బాయ్ ఫ్రెండ్తో బ్రేకప్ కారణంగా వార్తల్లో నిలిచింది. ఆస్ట్రేలియన్ ఫోటోగ్రాఫర్ ఆండ్రూ నీబోన్ తో సుధీర్ఘ కాలం రిలేషన్లో ఉన్న ఇలియానా ఇటీవల బ్రేకప్ చెప్పేసింది.
రిలేషన్లో ఉన్న సమయంలో ఇలియానాతో పాటు ఆండ్రూ కూడా తమ రొమాంటిక్ ఫోటోలను సోషల్ మీడియాలో షేర్ చేశారు.
కానీ బ్రేకప్ తరువాత ఇద్దరు సోషల్ మీడియాలో ఒకరిని ఒకరు అన్ఫాలో చేసుకున్నారు. ఇలియానా కూడా గతంలో ఆండ్రూతో కలిసి దిగిన ఫోటోలన్నింటినీ సోషల్ మీడియా నుంచి డిలీట్ చేసింది.
బ్రేకప్ తరువాత శిబానీ దండేకర్ షోలో పాల్గొన్న ఇలియానా ఆసక్తికర వ్యాఖ్యలు చేసింది. తన పర్సనల్ లైఫ్తో పాటు ఇతర విషయాలను కూడా వెల్లడించింది.
ఈ షోలో భాగంగా శిబానీ.. గతంలో ఇలియానా చేసిన కామెంట్స్ను ప్రస్థావించింది. గతంలో ఇలియానా సెక్స్కు ప్రేమతో పనిలేదు అంటూ చేసిన కామెంట్స్ను ప్రస్థావించింది.
అయితే ఆ కామెంట్స్పై స్పందించిన ఇలియానా `ఆ వ్యాఖ్యలు అప్పట్లో ఆ సందర్భాన్ని బట్టి చెప్పి ఉంటాను. గతంలో ఎప్పుడు చదివిన కొటేషన్ను ఆ సందర్భంగా ప్రస్థావించి ఉంటాను. నేను సెక్స్ ను ఎంజాయ్ చేస్తాను. అదే సమయంలో అది బాడీ వర్క్ అవుట్ గా భావిస్తాను. నేను అలాగే ఉంటాను. మీరు తప్పుగా అనిపించవచ్చు. మీరు కూడా సెక్స్ ను ఎంజాయ్ చేయాలి. కానీ అందులో కొంత ఎమోషన్ కూడా ఉండాలి.ప్రేమతో చేసే సెక్స్ ఇంకా అద్భుతంగా ఉంటుంది` అంటూ చెప్పింది ఇలియానా.
అంతేకాదు గతంలో తాను చేసిన వ్యాఖ్యల గురించి తాను సిగ్గుపడుతున్నానని చెప్పింది ఇలియానా.. అలాంటి మాటలు చెప్పినందుకు నేను బాధపడుతున్నానని కామెంట్ చేసింది. భవిష్యత్తులో ఇలాంటి వ్యాఖ్యలు ఎప్పుడూ చేయనని చెప్పింది.
ఈ షోలో బ్రేకప్ సందర్భంగా తనకు ఎదురైన ఇబ్బందికర పరిస్థితులను కూడా చెప్పింది ఇలియానా. కొంత కాలం డిప్రెషన్లో ఉండిపోయిన ఇలియానా కోలుకొని తన ఫిజిక్ మీద దృష్టి పెట్టానని చెప్పింది. అప్పటి నుంచి హెల్దీ లైఫ్ స్టైల్ను మెయిన్టైన్చేస్తున్నానని చెప్పింది గోవా బ్యూటీ.