ఎన్టీఆర్‌పై మనసు పడ్డ సంచలన నటి వనితా విజయ్‌కుమార్.. ఆయనతో ఒక్క షాట్‌లోనైనా అంటూ ఆ కోరికని బయటపెట్టింది..

సీనియర్‌ నటీనటులు విజయ్‌ కుమార్‌, మంజుల గార్ల తనయ వనితా విజయ్‌ కుమార్‌ `దేవి` చిత్రంతో తెలుగులో మెప్పించారు. బాగా ఆకట్టుకున్నారు. ఆ తర్వాత కొన్ని తెలుగు సినిమాల్లో మెరిసిన ఆమె పూర్తిగా తమిళంలోకి షిఫ్ట్ అయ్యారు. అప్పటి నుంచి తెలుగుకి దూరమయ్యారు. 
 

ఇక వరుసగా ప్రేమలో పడటం, మూడు పెళ్లిళ్లు చేసుకోవడం, ముగ్గురుకి విడాకులివ్వడం వంటి వాటితో ఇటీవల సంచలనంగా మారింది వనితా విజయ్‌ కుమార్‌. ఆమె పెళ్లి వివాదంగా మారడంతో సర్వత్రా చర్చనీయాంశంగా మారింది. అనేక గాసిప్‌లకు నెలవైంది. ఇటీవల తమిళ పవర్‌ స్టార్‌తో శ్రీనివాసన్‌తో ఓ సినిమా చేస్తూ ఇచ్చిన ఫోటో షూట్‌ సైతం వైరల్‌ అయ్యింది. వనితా నాలుగో పెళ్లి చేసుకోబోతుందనే వార్తలు గుప్పుమన్నాయి. నాలుగు పెళ్లిళ్లు కాదు నాలభై పెళ్ళిళ్లు చేసుకుంటా.. మీకైనా ప్రాబ్లమా? అంటూ ఘాటు వ్యాఖ్యలు చేసింది. 

తాజాగా కమెడీయన్‌ ఆలీ హోస్ట్ గా రన్‌ అయ్యే `ఆలీతో సరదాగా` షోలో పాల్గొంది వనితా విజయ్‌ కుమార్. ఈ షోలోనూ నాలభై పెళ్లిళ్లు చేసుకుంటా అంటూ మరోసారి రిపీట్‌ చేసింది. అదే సమయంలో తెలుగులోకి రీఎంట్రీ ఇవ్వాలనుకుంటున్నట్టు తెలిపింది. దీంతోపాటు అనేక ఆసక్తికర విషయాలను పంచుకుంది. తాజాగా విడుదలైన ఈ ప్రోమో ఆద్యంతం ఆకట్టుకుంటూ వైరల్‌ అవుతుంది.

ఆమె చెబుతూ, `నేను మంజుల హౌజ్‌లో పుట్టాను. అందుకే నాకు నాగదేవత అంటే చాలా ఇష్టం. ఎన్నో సూపర్‌హిట్‌ సినిమాలు ఆ హౌజ్‌లో షూటింగ్‌ జరిగాయి. ఆ తర్వాత మెగాస్టార్‌ చిరంజీవి ఆ హౌజ్‌ను కొన్నారు. నాకు నాగదేవత అంటే చాలా ఇష్టం.. ఆ క్రమంలోనే `దేవి` సినిమాలో అవకాశం వచ్చింది. 

ఆ సినిమా తర్వాత కూడా తెలుగులో అవకాశాలు వచ్చాయి.  అయితే.. నేను ప్రేమలో పడటం వల్ల ఆ సినిమాలు చేయలేకపోయాను. తెలుగు సినిమాల్లోకి రావాలని నాకూ ఉంది. ఇప్పుడు అవకాశం వస్తే కచ్చితంగా టాలీవుడ్‌లో చేస్తాన`ని తెలిపింది. 
 

ఈ క్రమంలో తెలుగు హీరోలపై తన ఇష్టాన్ని ప్రకటించింది. నాగార్జున అంటే ఇష్టమని తెలిపింది. అదే సమయంలో `ఆర్‌ఆర్‌ఆర్‌` స్టార్‌ ఎన్టీఆర్ పై మనసు పారేసుకుంది. ఎన్టీఆర్‌కి తాను పెద్ద అభిమానని అని చెప్పింది. అంతేకాదు, ఆయనతో జీవితంలో ఒక్క షాట్‌ అయినా చేయాలనేదే నా డ్రీమ్‌` అని చెప్పి ఆశ్చర్యానికి గురి చేసింది. తెలుగులోకి రీఎంట్రీ ఇచ్చేందుకు గట్టి ప్లాన్సే వేసిందని కామెంట్‌ చేస్తున్నారు నెటిజన్లు. 
 

ఇంకా `దేవి` సినిమాలో పాము బొట్టు పెట్టే సన్నివేశం గురించి చెబుతూ, ఆ సినిమా క్లైమాక్స్ లో పాము బొట్టు పెట్టే సన్నివేశం గ్రాఫిక్స్ కాదని, నిజంగానే నాగుపాము బొట్టు పెట్టిందని తెలిపింది. అయితే బొట్టుపెట్టి పుట్టలోకి వెళ్లే క్రమంలో నా చేతివేలిని నోటితో పట్టుకుంది. దాంతో రక్తం వచ్చింది. అప్పుడు మా అమ్మ ఒక్కమాటే అన్నారు. `తన(పాము) వల్ల చెయ్యి పోయినా కూడా ఫరవాలేదు` అని చెప్పిందని తెలిపింది. 
 

తన ఫ్యామిలీ గొడవల గురించి చెబుతూ, తమ కుటుంబంలో కొన్ని విబేధాల వల్ల పోలీస్‌ స్టేషన్‌ వరకూ వెళ్లాల్సి వచ్చింది. అప్పుడు అది పెద్ద ఇష్యూ అయింది. అందులో నా తప్పేమీ లేదు. నేను కష్టపడుతున్నప్పుడు నా చుట్టూ అందరు ఉన్నారు. ఇక నేను సెట్‌ అవుతున్నాను, అంతా పాజిటివ్‌గా జరుగుతుందని అనుకున్నప్పుడు ఎవరూ లేరు. అందరు దూరమయ్యారని చెబుతూ ఎమోషనల్‌ అయ్యింది వనితా విజయ్‌ కుమార్. ఈ షో ఈనెల 16న ఈ టీవీలో ప్రసారం కానుంది.