గుర్తు పట్టలేని స్థితిలో హీరోయిన్.. ఆమె జీవితం నాశనం చేసిన వైద్యుడు

సినిమా అనేది రంగుల ప్రపంచం. వర్తమాన నటీమణులు ఎందరో ఈ రంగుల ప్రపంచంలో రాణించాలని బయలుదేరుతుంటారు. కానీ విజయం సాధించేది అతి  మంది మాత్రమే. సక్సెస్ వస్తుంటేనే కెరీర్.. లేదా గ్లామర్ తో కొంత కాలం రాణించవచ్చు. 

Swathi Satish

అందుకే నటీమణులు అందంగా కనిపించేందుకు ప్రాధాన్యత ఇస్తుంటారు. అందంగా కనిపించడం కోసం జిమ్ కసరత్తులు, డైట్ లు పాటించే హీరోయిన్ల కష్టం వర్ణనాతీతం. పోటీని తట్టుకునేందుకు మరింత అందంగా.. ట్రెండీగా కనిపించేందుకు హీరోయిన్లు సర్జరీ చేయించుకొవడం కూడా చూస్తున్నాం. ఈ సర్జరీలు అంత సులువు కాదు. ఏమాత్రం తేడా జరిగిన కెరీర్ మొత్తం పాడవుతుంది. అలాంటి సంఘటనలు కూడా జరిగాయి. 

తాజాగా ఇలాంటి సంఘటనే జరిగింది. ఓ యుంగ్ హీరోయిన్ కెరీర్ నాశనం అయింది. వివరాల్లోకి వెళితే.. స్వాతి సతీష్ కన్నడలో హీరోయిన్ గా రాణిస్తోంది.ఎఫ్‌ఐఆర్, 6 టు 6 చిత్రాల్లో నటించి గుర్తింపు పొందింది. సహజంగానే అందంగా కనిపించే ఈ నటి మరింత అందం కోసం పోయి జీవితం పాడు చేసుకుంది. 

గ్లామర్ లుక్ కోసం ఈ యువ నటి బెంగళూరు లోని ఓ ప్రయివేట్ ఆసుపత్రిలో రూట్ కెనాల్ థెరపీ చేయించుకుంది. కానీ వైద్యం వికటించడంతో స్వాతి గుర్తు పట్టలేని విధంగా మారిపోయింది. ఆమె ముఖం మొత్తం వాచిపోయింది.. నెటిజన్లు ఆమెని చూసి షాక్ కి గురవుతున్నారు. 

ముఖం పూర్తిగా వాచిపోయి గుర్తు పట్టలేని విధంగా ఉండడంతో మీకు వచ్చిన అవకాశాలు కూడా వెనక్కి వెళుతున్నాయి. వైద్యులు వాపు రెండు రోజుల్లో తగ్గిపోతుంది అని చెప్పారట. కానీ మూడు వారాలు గడిచినా ఆమె వాపు తగ్గడం లేదు . దీనితో ఆమె మరో ఆసుపత్రికి వెళ్ళింది. 

ఆ వైద్యులు ఆమె చేయించుకున్న రూట్ కెనాల్ థెరపీ వికటించిందని తేల్చారు. అయితే ఈ చికిత్స చేసిన వైద్యుడి తప్పిదం వల్లే వికటించినట్లు తెలిపారు. వైద్యుడి తప్పుడు ట్రీట్మెంట్ వల్లే ఇలా జరిగిందని తేల్చారు. అనస్తీషియా కి బదులు సాలిసిలిక్ యాసిడ్ ఇవ్వడం వల్ల ఆమె ముఖం ఇలా వాచిపోయిది. 

తన  జీవితం నాశనం చేసిన వైద్యుడు, ఆసుపత్రిపై స్వాతి కోపంతో రగిలిపోతోంది. తాను కోలుకున్నాక వారిపై కేసు నమోదు చేయనున్నట్లు స్వాతి పేర్కొంది. వాపు తగ్గేందుకు స్వాతి మరో ఆసుత్రిలో చికిత్స తీసుకుంటోంది. మరి స్వాతి మునుపటిలా అందగా కనిపిస్తుందా లేదా అనేది అనుమానమే.