Sadaa: అబ్బా ఏం అందంరా బాబు!... పూల ఫ్రాక్ లో మల్లెపూవులా మెరిసిన సదా! 

వయసు పెరుగుతున్నా వన్నె తరగని అందం సదా సొంతం. లేటెస్ట్ సోషల్ మీడియా ఎంట్రీ ఇచ్చిన ఈ సీనియర్ హీరోయిన్ కుర్రాళ్ల ఊపిరి ఆపేస్తునారు. నాన్ స్టాప్ ఫోటో షూట్స్ తో మతులు  పోగొడుతున్నారు. సదా గ్లామరస్ ఫోటో షూట్స్ సోషల్ మీడియాలో హాట్ టాపిక్ గా మారుతున్నాయి. 

Sadaa

ఒకప్పుడు తెలుగులో స్టార్ హీరోయిన్ గా వెలిగిపోయింది సదా. ఎన్టీఆర్ (NTR) వంటి స్టార్ హీరోతో నాగ చిత్రంలో జతకట్టిన సదా, విక్రమ్ తో అపరిచితుడు లాంటి బ్లాక్ బస్టర్ లో నటించారు. అయితే ఆమె కెరీర్ చాలా త్వరగా ఫాల్ అయ్యింది.

2002లో విడుదలైన జయం ఓ సంచలనం. నితిన్, సదా లను వెండితెరకు పరిచయం చేస్తూ దర్శకుడు తేజ తెరకెక్కించిన జయం బ్లాక్ బస్టర్ విజయం నమోదు చేసింది. వెళ్ళవయ్యా వెళ్లూ... అంటూ సదా చెప్పిన డైలాగ్ అప్పట్లో ఫుల్ ఫేమస్. 

జయం సినిమాతో ఓవర్ నైట్ స్టార్ అయిన సదా.. సౌత్ లో బిజీ హీరోయిన్ అయ్యారు. తెలుగు, తమిళ్, కన్నడ బాషలలో ఏడాదికి నాలుగైదు సినిమాలు చేసే స్థాయికి వెళ్లారు. ఎన్టీఆర్, బాలకృష్ణ, విక్రమ్ వంటి స్టార్స్ సరసన సదా నటించడం జరిగింది.

ఆరంభంలో స్టార్ గా మెరుపులు మెరిపించిన సదా కెరీర్ చాలా త్వరగానే డౌన్ అయ్యింది. వరుస పరాజయాల కారణంగా స్టార్స్ నుండి చిన్న హీరోల రేంజ్ కి పడిపోయారు.విక్రమ్ కి జంటగా ఆమె చేసిన అపరిచితుడు ఆమె కెరీర్ లో అతిపెద్ద హిట్. స్టార్ డైరెక్టర్ శంకర్ అన్నియన్ పేరుతో తమిళంలో తెరకెక్కించిన ఆ చిత్రం తెలుగులో అపరిచితుడు టైటిల్ తో విడుదలైంది.

అపరిచితుడు తర్వాత ఆ రేంజ్ హిట్ ఆమెకు తగల్లేదు. బాలయ్య వంటి స్టార్స్ తో అవకాశం వచ్చినా... హిట్ కాకపోవడంతో బ్రేక్ రాలేదు. మెల్లగా టూ టైర్ హీరోలకు పడిపోయిన సదా, అడపాదడపా చిత్రాలు చేసుకుంటూ వస్తున్నారు.

ప్రస్తుతం ఆమె సెకండ్ ఇన్నింగ్స్ స్టార్ట్ చేశారు. బుల్లితెరపై సందడి చేస్తున్నారు. కొన్ని ప్రోగ్రామ్స్ లో జడ్జిగా కూడా కనిపిస్తున్నారు. అలాగే వెండితెరపై వయసుకు తగ్గ పాత్రలు చేయాలని ఆశపడుతున్నారు. మరి చూడాలి సదా సెకండ్ ఇన్నింగ్స్ ఎలా సాగుతుందో.. 

నటిగా సెకండ్ ఇన్నింగ్స్ కి సిద్దమైన సదా (Sadaa) సోషల్ మీడియా వేదికగా తన గ్లామర్ పవర్ చూపిస్తున్నారు. ట్రెండీ, ట్రెడిషనల్ అనే తేడా లేకుండా స్కిన్ షోకి తెరలేపుతున్నారు. ఒకప్పటి స్టార్ లేడీ అందాల తాకిడికి కుర్రాళ్ళు కుదేలవుతున్నారు.