ఎర్రగులాబీ పెదాలతో సూర్య కిరణాలను ముద్దాడుతూ సిగ్గుపడుతున్న రాశి, రెడ్ టీషర్ట్, జీన్స్ లో టాప్ లేపింది!
తెలుగు తెరపై రాశి ఖన్నాను చూసి ఏడాది దాటిపోయింది. విజయ్ దేవరకొండ హీరోగా తెరకెక్కిన వరల్డ్ ఫేమస్ లవర్ తెలుగులో ఆమె చివరి చిత్రం. 2020 ఫిబ్రవరిలో ఆ చిత్రం విడుదల కాగా ఆమె నుండి మరో చిత్రం రాలేదు.
2019 రాశికి గోల్డెన్ ఇయర్ అనాలి. ఆ ఏడాది ఆమెకు వెంకీ మామ, ప్రతిరోజూ పండగే చిత్రాల రూపంలో రెండు సూపర్ హిట్స్ కొట్టారు. ఇక రాశి కెరీర్ ఊపందుకుంది అనుకుంటున్న సమయంలో వరల్డ్ ఫేమస్ లవర్ రూపంలో బ్రేక్ పడింది.
వరల్డ్ ఫేమస్ లవర్ మూవీలో రాశి బోల్డ్ రోల్ చేశారు. తెగించి బోల్డ్ చేసినా ఫలితం లేకుండా పోయింది. పైగా ఆ పాత్ర ఆమె అవకాశాలను దెబ్బతీసింది. ఇక తెలుగులో కష్టమే అనుకుంటున్న సమయంలో దర్శకుడు మారుతి ఆమెకు మరో ఆఫర్ ఇచ్చారు.
మాచో గోపీచంద్ హీరోగా తెరకెక్కనున్న పక్కా కమర్షియల్ మూవీలో ఆమెకు హీరోయిన్ గా అవకాశం ఇచ్చారు. ఇక రాశి కెరీర్ లో అతిపెద్ద హిట్స్ లో ఒకటైన ప్రతిరోజూ పండగే చిత్ర దర్శకుడు మారుతి కావడం విశేషం.
అలాగే మరో బంపర్ ఆఫర్ రాశి కొట్టేసింది. విక్రమ్ కుమార్ దర్శకత్వంలో నాగ చైతన్య హీరోగా తెరకెక్కుతున్న థాంక్ యూ మూవీలో ఆమె హీరోయిన్ గా ఎంపికయ్యారు.
తెలుగు కంటే తమిళంలో బిజీ అయ్యారు రాశి ఖన్నా. అక్కడ టూ టైర్ హీరోలైన విజయ్ సేతుపతి, ఆర్య, కార్తీ సరసన సినిమాలు చేస్తున్నారు. కెరీర్ కి కొంచెం బ్రేక్ వచ్చినా వరుస అవకాశాలు పట్టేసి మళ్ళీ బిజీగా మారింది.
దీనితో మరో నాలుగైదేళ్ల వరకు రాశి కెరీర్ కి ఎటువంటి ఢోకా లేదన్న విషయం అర్థం అవుతుంది. తెలుగులో లేదా తమిళంలో ఆమె సెట్టిల్డ్ హీరోయిన్ గా మారతారనిపిస్తుంది.
ఇక సోషల్ మీడియా ఫ్యాన్స్ కోసం అప్పుడప్పుడు ఫోటో షూట్స్ చేస్తూ ఉంటారు రాశి ఖన్నా. తాజాగా రెడ్ టీ షర్ట్, జీన్స్ ధరించి సూర్య కిరణాలను ఆస్వాదిస్తూ ఫోటోలు దిగారు. రాశి ఖన్నా లేటెస్ట్ ఫోటోలు వైరల్ అవుతున్నాయి.