జగపతిబాబు,శ్రీకాంత్,ప్రకాష్ రాజ్,సోనూ సూద్... టాలీవుడ్ టాప్ టెన్ విలన్స్ రెమ్యూనరేషన్స్ తెలుసా!
సినిమాకు హీరో ఎంత ముఖ్యమో విలన్ కూడా అంతే ముఖ్యం. హీరో హీరోయిజం ఎలివేట్ కావాలంటే గట్టి విలన్ క్యారెక్టర్ కావాల్సిందే. విలనిజం కారణంగానే అద్భుత విజయాలు సాధించిన చిత్రాలు ఎన్నో. అలాగే విలన్స్ కారణంగా స్టార్స్ అయిన హీరోలు ఎందరో ఉన్నారు. అంత ప్రాముఖ్యత కలిగిన విలన్ పాత్రలు చేసే నటుల డిమాండ్.. హీరోలకు ఏమాత్రం తీసిపోదు. అలాగే వారి రెమ్యూనరేషన్స్ కూడా అదే స్థాయిలో ఉంటాయి. టాలీవుడ్ లో విలన్స్ గా చేస్తున్న టాప్ విలన్స్ రెమ్యూనరేషన్స్ ఏమిటో తెలుసుకోండి
కెరీర్ బిగినింగ్ నుండి సోనూ సూద్ విలన్ గా చేస్తున్నారు. అతడు, సూపర్, దూకుడు వంటి చిత్రాలలో సోనూ సూద్ నటన అద్బుతం అని చెప్పాలి. సామాజిక సేవా కార్యకర్తగా దేశవ్యాప్తంగా పాప్యులర్ అయిన సోను సూద్ ప్రస్తుతం సినిమాకు మూడు కోట్ల వరకు తీసుకుంటున్నాడట.
లెజెండ్ మూవీతో విలన్ గా మారిన ఫ్యామిలీ చిత్రాల హీరో జగపతి బాబు డిమాండ్ మాములుగా లేదు. విలన్ గా క్యారెక్టర్ ఆర్టిస్ట్ గా ఆయన సౌత్ ని ఏలేస్తున్నారు. ఇక జగపతి బాబు ఒక్కో సినిమాకు కోటి నుండి కోటిన్నర తీసుకుంటున్నారట.
దశాబ్దాలుగా తిరుగులేని నటుడిగా ఉన్నారు ప్రకాష్ రాజ్. ఈ విలక్షణ నటుడు సినిమాలో ఉంటే అదో అడ్వాంటేజ్ గా దర్శక నిర్మాతలు ఫీల్ అవుతారు. కాగా ప్రకాష్ రాజ్ రోజుకు రూ. 10లక్షల రెమ్యూనరేషన్స్ తీసుకుంటున్నారని సమాచారం.
విలన్ గా మారిన మరో ఫ్యామిలీ చిత్రాల హీరో శ్రీకాంత్. సవ్యసాచి మూవీలో చైతన్యకు ఆయన విలన్ గా చేశారు. బాలయ్య అఖండ మూవీలో మరోమారు విలన్ గా నటిస్తున్న శ్రీకాంత్ సినిమాకు ఒక కోటి రూపాయలు తీసుకుంటున్నారట.
మలయాళ నటుడు సంపత్ రాజ్ మిర్చి సినిమాతో విలన్ గా సూపర్ పాపులర్ అయ్యారు. స్టార్ విలన్స్ లిస్ట్ లో ఉన్న ఈయన సినిమాకు రూ. 40లక్షల వరకు తీసుకుంటున్నారట.
సీనియర్ నటుడు సాయి కుమార్ క్యారెక్టర్ ఆర్టిస్ట్ గా విలన్ గా రాణిస్తున్న విషయం తెలిసిందే. ఒకప్పటి ఈ హీరో, విలన్ గా సినిమాకు రూ. 50 లక్షల వరకు డిమాండ్ చేస్తున్నారట.
రేసుగుర్రం సినిమాలో మద్దాల శివారెడ్డిగా నటుడు రవి కిషన్ యాక్టింగ్ సూపర్. రవి కిషన్ తెలుగులో కూడా పాప్యులర్ కాగా సినిమాకు రూ. 40లక్షలు తీసుకుంటున్నారని తెలుస్తుంది.
ఒకప్పటి బాలీవుడ్ హీరో వివేక్ ఒబెరాయ్ తెలుగులో విలన్ రోల్స్ చేస్తున్నారు. వినయ విధేయ రామ, రక్త చరిత్ర చిత్రాలలో వివేక్ విలన్ గా నటించి మెప్పించారు. ఈ స్టార్ విలన్ సినిమాకు మూడు కోట్లు తీసుకుంటున్నారట.
శ్రీమంతుడు మూవీలో ఎంపీ కొడుకుగా హరీష్ ఉత్తమన్ నటించి మెప్పించారు. ఈ తమిళ విలన్ సినిమాకు రూ. 30లక్షలు తీసుకుంటున్నారట.
సాహో మూవీలో పోలీస్ గా నటించిన నీల్ నితిన్ ముఖేష్ తెలుగు ప్రేక్షకులకు కూడా పరిచయమే. ఈ నటుడు విలన్ గా సినిమాకు రూ. 2 కోట్లు తీసుకుంటున్నారట.