గంగవ్వ కొత్త ఇల్లు ఖర్చు ఎంతంటే.. బిగ్ బాస్ గంగవ్వకు అన్ని లక్షలు ఇచ్చాడా?
బిగ్ బాస్ సీజన్ 4 కంటెస్టెంట్స్ లో అందరినీ ఆకట్టుకున్నవారిలో గంగవ్వ ఒకరు. అరవై ఏళ్ల ప్రాయంలో హౌస్ లోకి ప్రవేశించే అవకాశం పొందిన గంగవ్వ ప్రేక్షకుల మద్దతు అందుకున్నారు. తెలంగాణా యాసలో ఇంటి సభ్యులపై గంగవ్వ పంచ్ లు సరదా పంచేవి.
అయితే గంగవ్వ ఆరోగ్య కారణాల చేత హౌస్ నుండి స్వచ్చందం గా బయటికి వచ్చారు. తనకు ఆరోగ్యం సరిగా లేదని, ఇంటిపై బెంగ అవుతుందని బిగ్ బాస్ కి గంగవ్వ విన్నవించుకోగా... ఆమెకు వైద్య పరీక్షలు చేసిన అనంతరం ఇంటికి పంపివేశారు.
హౌస్ లో ఉన్నంత కాలం చాలా కాన్ఫిడెంట్ గా కనిపించారు గంగవ్వ. ఎన్ని ఇబ్బందులు ఉన్నా, టైటిల్ గెలుచుకొని వస్తానని, మీరు ఓట్లు వేయండని గంగవ్వ చెప్పడం జరిగింది. అలాగే గెలిచిన డబ్బులతో ఇల్లు నిర్మించుకోవాలి అనేది తన కోరికగా గంగవ్వ చెప్పారు.
హౌస్ నుండి బయటికి వచ్చిన గంగవ్వను వేదికపైకి ఆహ్వానించిన నాగార్జున, ఇల్లు కట్టించి ఇచ్చే బాధ్యత నాది అన్నారు. బిగ్ బాస్ హౌస్ నుండి అర్థాంతరంగా బయటికి వచ్చినప్పటికీ హౌస్ కట్టించి ఇస్తామని, గంగవ్వకు హామీ ఇవ్వడం జరిగింది.
కాగా ఇటీవలే గంగవ్వ తన ఊరిలో కొత్త ఇల్లు నిర్మాణం చేపట్టారట. పక్క ఊరికి చెందిన ఓ కాంట్రాక్టర్ కి గంగవ్వ ఇల్లు నిర్మించే కాంట్రాక్ట్ ఇచ్చారట. గంగవ్వ తాజా ఇంటర్వ్యూలో చెప్పిన దాని ప్రకారం గంగవ్వ రూ. 18 లక్షలకు తన ఇంటి కాంట్రాక్టు ఇచ్చారట.
మరి ఆ లెక్కన బిగ్ బాస్ నిర్వాహకులు గంగవ్వకు రూ. 18లక్షలు ఇచ్చారని ప్రచారం జరుగుతుంది. హౌస్ లో గంగవ్వ ఉంది కేవలం ఐదు వరాలు మాత్రమే.
ఐదు వారాలకే గంగవ్వ రూ. 18 లక్షలు పొందారంటే మాటలు కాదు. అందరికంటే అత్యధిక పారితోషికం గంగవ్వ పొందారని అనుకోవచ్చు.
ఐతే రూ. 18 లక్షలు మొత్తం బిగ్ బాస్ నిర్వాహకులే ఇచ్చారని కూడా గంగవ్వ చెప్పలేదు. అందులో ఆమె సొంత డబ్బులు కూడా ఉండే అవకాశం కలదు.
ఏది ఏమైనా బిగ్ బాస్ షో ద్వారా గంగవ్వ ఫేమ్ పెరగడంతో పాటు, సొంతగా ఇల్లు నిర్మించుకోవాలన్న కోరిక తీరింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
