ఏ వయసైనా తోడు కోరుకోవడంలో తప్పేంటీ... రజినీ, చిరంజీవి కూడా అలా చేశారు, కానీ మా పేరెంట్స్!

మానసికంగా, శారీరకంగా నేను ఒత్తిడికి గురయ్యాను. ఎంతగా నేను భర్త వద్దనుకున్నా పేరెంట్స్ పరువు కోసం, భర్త వద్దకు పంపేవారు. ఇలా అనేక మార్లు విడిపోవడం, కలవడం జరిగాయి అన్నారు వనిత. 

నన్ను పేరెంట్స్ అర్థం చేసుకోకుండా కాపురం చేయాలని పరువు కోసం బలవంతం చేశారని ఆమె చెప్పుకొచ్చారు.రజినీకాంత్, చిరంజీవి లాంటి స్టార్స్ కూడా పిల్లలను అర్థం చేసుకొని వాళ్లకు మంచి లైఫ్ ఇచ్చారని వనితా విజయ్ కుమార్ అన్నారు.

చిరంజీవి చిన్న కూతురు శ్రీజా ప్రేమ వివాహం చేసుకొని విడిపోగా.. మరలా ఆమెకు పెళ్లి చేశారు. అలాగే రజిని చిన్న కుమార్తె సౌందర్య కూడా మొదటి భర్తతో విడిపోయిన అనంతరం 2019లో రెండో వివాహం చేయడం జరిగింది. వాళ్ళను పేరెంట్స్ అక్కున చేర్చుకుంటే.... నా తల్లిదండ్రులు మాత్రం ఇంటిలో నుండి బయటికి పంపివేశారని ఆమె తెలియజేశారు. 

తన కొడుకు సంరక్షణ విషయంలో కూడా తల్లిదండ్రులు ఇబ్బంది పెట్టారని వనిత విజయ్ కుమార్ ఆరోపించారు. రజనీకాంత్ చేత నాన్న విజయ్ కుమార్ నాకు నచ్చ జెప్పాలని చూశారని, అయితే తల్లి దగ్గరే కొడుకు పెరగడం న్యాయం అని రజినీ తనకు మద్దతు తెలిపాడని ఆమె అన్నారు. 

తల్లిదండ్రుల నుండి తనకు ఇంత వరకు రావాల్సిన డబ్బులు కూడా రాలేదని, దేవుడు దయవల్ల స్వశక్తితో నేను నిలబడ్డానని ఆమె అన్నారు. ఇక మూడో పెళ్లి కేవలం నిశ్చితార్ధం లాంటిదే... పరస్పర అవగాహనతో విడిపోయామని ఆమె తెలియజేశారు. పిల్లల కోసం, మన కోసం ఏ వయసైనా తోడు కోరుకోవడంలో తప్పులేదని ఆమె అన్నారు.