తల తీసేస్తారు అని కత్తి మహేష్ అనేవాడు.. డ్రైవర్ ఎందుకు అలా..: పృథ్వీ
కత్తి మహేష్ చాలా మంచి వ్యక్తి. కత్తి మహేష్ పెద్దగా సంపాదించుకున్నది ఏమీ లేదు. కత్తి మహేష్ చనిపోయిన తర్వాత కూడా ట్రోలింగ్ చేయడం బాధగా అనిపించింది.
నటుడు పృథ్వీ టాలీవుడ్ లో స్టార్ కమెడియన్. 30 ఇయర్స్ ఇండస్ట్రీగా బాగా పాపులర్ అయ్యాడు. వరుస అవకాశాలతో దూసుకుపోతున్న తరుణంలో పాలిటిక్స్ లోకి ఎంటర్ అయ్యాడు. పాలిటిక్స్, సినిమాల పరంగా పృథ్వీ వివాదాలలో చిక్కుకున్నాడు. ఫలితంగా ఎస్వీబిసి చైర్మన్ పదవి కోల్పోవాల్సి వచ్చింది.
ప్రస్తుతం పృథ్వీ తిరిగి సినిమాల్లో బిజీ అయ్యేందుకు ప్రయత్నిస్తున్నాడు. ఇటీవల పృథ్వీ ఓ యూట్యూబ్ చానల్ వేదికగా కత్తి మహేష్ గురించి చేసిన కామెంట్స్ చర్చనీయాంశంగా మారాయి.
కత్తి మహేష్, కమెడియన్ పృథ్వీ ఇద్దరూ వైసిపి తరుపున గత సార్వత్రిక ఎన్నికల్లో ప్రచారం చేశారు. ఈ సందర్భంగా కత్తి మహేష్ తో తన ఫ్రెండ్ షిప్ ని పృథ్వీ రివీల్ చేశాడు.నన్ను కత్తి మహేష్ అన్నా అని పిలిచేవాడు. ప్రచారంలో చాలా బాగా హెల్ప్ చేశాడు. మంచి పాయింట్లు చెప్పేవాడు.
క్యాజువల్ గా మాట్లాడుకుంటున్న టైంలో.. కత్తిగారు మీపై అంత ట్రోలింగ్, వివాదాలు ఎందుకు జరుగుతున్నాయి అని అడిగాను. దీనికి కత్తి మహేష్ ఇచ్చిన సమాధానం.. పృథ్వీ అన్నా మనం యుద్ధం చేస్తున్నాం.. సైలెంట్ గా చెట్టుకింద కూర్చుంటే అవతలివారు మన తల తీసేస్తారు. అందుకే సైలెంట్ గా ఉండకూడదు అని చెప్పాడు.
కత్తి మహేష్ చాలా మంచి వ్యక్తి. కత్తి మహేష్ పెద్దగా సంపాదించుకున్నది ఏమీ లేదు. కత్తి మహేష్ చనిపోయిన తర్వాత కూడా ట్రోలింగ్ చేయడం బాధగా అనిపించింది. వైసిపి ప్రభుత్వం తరుపున రూ 17 లక్షలు ఇచ్చారని వివాదం చేశారు. వారు ఆ డబ్బు మానవతా దృక్పథంతో ఇచ్చారు.
ఇక కత్తి మహేష్ మృతిలో ఏదో మతలబు జరిగింది అనే అనుమానం కలగక మానదు అంటూ పృథ్వి కీలక వ్యాఖ్యలు చేశాడు. కారు ప్రయాణిస్తుండగా ముందు ఆగివున్న లారీని ఢీకొట్టారని అంటున్నారు. డ్రైవర్ సీట్ బెల్ట్ పెట్టుకున్నాడు. అందుకే అతడికి ఏమీ కాలేదు అని అంటున్నారు.
అంత పెద్ద యాక్సిడెంట్ జరిగితే చిన్న దెబ్బ కూడా తగలకుండా ఎలా ఉంటుంది. కానీ ప్రమాదం జరిగిన తర్వాత డ్రైవర్ చాలా ఫ్రెష్ గా కనిపించాడు. అదేంటి అంటూ పృథ్వీ అనుమానం వ్యక్తం చేశారు.
కత్తి మహేష్ రెండు మూడు పార్టీలకు టార్గెట్ కూడా అంటూ సంచలన కామెంట్స్ చేశాడు పృథ్వీ. కత్తి మహేష్ మృతిపై ఇప్పటికే చాలా మంది అనుమానం వ్యక్తం చేశారు. దీనిపై విచారణ అయితే జరగాల్సి ఉంది అని అన్నారు.