Boyapati: ఫస్ట్ టైం జోనర్ మార్చబోతున్న బోయపాటి.. రామ్ మూవీ స్టోరీ లీక్, హృతిక్ రోషన్ లాగా చూపిస్తాడా ?

బోయపాటి, రామ్ కాంబినేషన్ లో ఇటీవల చిత్రం ప్రారంభం అయింది. ఈ చిత్రం త్వరలోనే రెగ్యులర్ షూటింగ్ జరుపుకోనుంది.

హీరో రామ్ పోతినేనికి టాలీవుడ్ లో బలమైన మాస్ ఫాలోయింగ్ ఉంది. ఇస్మార్ట్ శంకర్ చిత్రంతో రామ్ క్రేజ్ పెరిగింది. అందుకు తగ్గట్లుగా మాస్ కథలని ఈ యువ హారో ఎంచుకుంటున్నాడు. రామ్ చివరగా నటించిన ది వారియర్ చిత్రం బాక్సాఫీస్ వద్ద బెడిసి కొట్టింది. లింగుస్వామి దర్శకత్వంలో వచ్చిన ఈ చిత్రం ఆశించిన ఫలితాన్ని ఇవ్వలేదు. 

ఇక రామ్ ఆశలన్నీ బోయపాటి సినిమాపైనే. బోయపాటి, రామ్ కాంబినేషన్ లో ఇటీవల చిత్రం ప్రారంభం అయింది. ఈ చిత్రం త్వరలోనే రెగ్యులర్ షూటింగ్ జరుపుకోనుంది. బోయపాటి సినిమాలన్నీ దాదాపుగా ఒకే ఫార్మాట్ లో ఉంటాయి. మాస్ ప్రేక్షకులే టార్గెట్ గా బోయపాటి అదిరిపోయే యాక్షన్ బ్లాక్స్ క్రియేట్ చేశారు. అవే సినిమా విజయానికి కీలకంగా ఉంటాయి. 

బోయపాటి చివరి చిత్రం అఖండ కూడా మాస్ యాక్షన్ మూవీనే. బాలయ్య పవర్ ఫుల్ గా ద్విపాత్రాభినయం చేయడం.. ప్రగ్యా జైస్వాల్ గ్లామర్ ఇలా పలు అంశాలు ఈ చిత్ర విజయానికి కారణం అయ్యాయి. అయితే బోయపాటి ఇదే తరహా చిత్రాలు చేస్తున్నారనే విమర్శ ఉంది. దీనిని రామ్ మూవీతో బోయపాటి బ్రేక్ చేసేందుకు రెడీ అయ్యారట. 

రామ్ సినిమాని తానెప్పుడూ టచ్ చేయని జోనర్ లో తెరకెక్కించబోతున్నట్లు తెలుస్తోంది. ఈమేరకు కథ లీకై సోషల్ మీడియాలో వైరల్ గా మారింది. రామ్ కోసం బోయపాటి రాబరీ థ్రిల్లర్ కథని రెడీ చేశారట. విలువైన వస్తువులు, డబ్బు కాజేసే దొంగ పాత్రలో రామ్ కనిపించబోతున్నట్లు తెలుస్తోంది. కాటికి తగ్గట్లుగా స్టైలిష్ యాక్షన్ ఎపిసోడ్స్ ఉంటాయట. 

దీనితో హిందీ సక్సెస్ ఫుల్ ప్రాంజైజీ ధూమ్ 2ని ఫ్యాన్స్ ఊహించుకుంటున్నారు. ఆ చిత్రంలో హృతిక్ కూడా ఇదే తరహా రోల్ చేశారు. రాబరీ థ్రిల్లర్ కథలు గతంలో చాలానే వచ్చాయి. రవితేజ కిక్ కూడా అలాంటి చిత్రమే. బోయపాటి మూవీ కథ గురించి జరుగుతున్న ఈ ప్రచారం నిజమైతే.. రామ్ ఒక డిఫెరెంట్ అటెంప్ట్ చేస్తున్నాడనే చెప్పాలి. 

శ్రీనివాస సిల్వర్ స్క్రీన్ సంస్థ ఈ చిత్రాన్ని నిర్మిస్తోంది. థమన్ సంగీత దర్శకుడు. త్వరలో నటీనటుల గురించి సమాచారం తెలియనుంది. అఖండ తర్వాత బోయపాటి అల్లు అర్జున్ తో సినిమా చేయాలనుకున్నారు. కానీ బన్నీ బిజీగా ఉండడంతో ఈ ప్రాజెక్టు సెట్ అయింది.