రొమాంటిక్ డైరెక్టర్ ఆఫ్ ది సెంచురీ.. దర్శకేంద్రుడికి టాలీవుడ్ విషెస్
తెలుగు సినిమాను కమర్షియల్ బాట పట్టించిన దిగ్దర్శకుల్లో రాఘవేంద్ర రావు ఒకడు. అప్పటి వరకు రొటీన్ ఫార్ములాతో వెలుతున్న సినిమాకు గ్లామర్ టచ్ ఇచ్చిన దర్శకేంద్రుడు తెలుగు సినిమాకు ఎన్నో అపురూప విజయాలను అంధించాడు. కమర్షియల్ సినిమాలు, ఫ్యామిలీ డ్రామాలు, లవ్ స్టోరీలు, యాక్షన్ సినిమాలు, భక్తి రస చిత్రాలు ఇలా వెండితెర మీద ఆయన చేయని ప్రయోగం లేదు. ముఖ్యంగా హీరోయిన్లను గ్లామరస్గా చూపించటంలో దర్శకేంద్రుడి స్టైలే వేరు. శనివారం దర్శకేంద్రుడి పుట్టిన రోజు సందర్భంగా టాలీవుడ్ తరుపున ఆయనకు శుభాకాంక్షలు వెళ్లువెత్తాయి.