సిరి, షణ్ముఖ్ల అసలు గుట్టు బయట పెట్టిన ఎలిమినేటైన సరయు.. సన్నీ, లహరిలను ఓ రేంజ్లో ఆడుకుందిగా
బిగ్బాస్ ఐదో సీజన్ ఫస్ట్ వీక్ ఫస్ట్ ఎలిమినేషన్ జరిగింది. సెవర్ ఆర్ట్స్ సరయు ఎలిమినేట్ అయ్యారు. పోతూ పోతూ ఓ ఐదుగురు సభ్యులను ఓ రేంజ్లో ఆడుకుంది. దుమ్ముదులిపి పోయింది సరయు. హౌజ్లో కంటే ఎలిమినేట్ అయ్యాక తన తఢాఖా ఏంటో చూపించింది.
బిగ్బాస్ 5 సీజన్ ఫస్ట్ ఎలిమినేషన్ స్టార్ట్ అయ్యింది. ఐదో సీజన్లో మొదటి వీక్ ఎలిమినేషన్కి ఆరుగురు మానస్, కాజల్, జెస్సీ, హమీద, యాంకర్ రవి నామినేట్ కాగా, శనివారం రవి, హమీద సేవ్ అయ్యారు. ఆదివారం కాజల్, మానస్ సేవ్ అయ్యారు. ఉక్కంఠభరితంగా సాగిన ఎలిమినేషన్ చివరి ప్రాసెస్లో జెస్సీ సేవ్ కాగా, సరయు ఎలిమినేట్ అయ్యింది.
అందరు ఊహించినట్టే, నిన్నటి నుంచి సోషల్ మీడియాలో చక్కర్లు కొడుతున్నట్టుగానే ఫైర్ బ్రాండ్ సరయు ఎలిమినేట్ అయ్యింది. ఆమె ఎలిమినేషన్తో విశ్వ, హమీద కన్నీళ్లు పెట్టుకున్నారు. విశ్వ అయితే బాగా ఎమోషనల్ అయ్యారు. ఇక నాగార్జున వద్దకి వెళ్లిన సరయు ఐదుగురు బెస్ట్, ఐదుగురు వరస్ట్ సభ్యులను సెలెక్ట్ చేసింది.
ఇందులో శ్వేత, మానస్, ప్రియాంక, విశ్వన, హమీద బెస్ట్ హౌజ్మేట్ అని చెప్పింది. వీరంతా తనతోగానే కాదు హౌజ్లోనూ బాగుంటారని తెలిపింది. శ్వేత నిజాయితీగా ఉంటుందని, మానస్ గుడ్, మంచి కమ్ బ్యాక్ అయ్యాడని తెలిపింది. ప్రియాంక ఇష్టం అని, విశ్వ అన్ని పనులు తనే చేస్తాడని తెలిపింది. హమీద మన అనే ఫీలింగ్ ఇచ్చింది.
ఇక వరస్ట్ సభ్యుల గురించి చెబుతూ రెచ్చిపోయింది సరయు. సిరి, షణ్ముఖ్, సన్నీ, లహరి, కాజల్ వరస్ట్ అని తెలిపింది. కాజల్ అందరి కళ్లల్లో పడాలని చూడటం సరికాదని తెలిపింది. కానీ సిరి, షణ్ముఖ్, లహరిలను ఓ రేంజ్లో ఆడుకుంది. సిరి, షణ్ముఖ్ ముందే ప్లాన్ చేసుకుని వచ్చారని, ఒకరిని ఒకరు లేపుకుంటూ వెళ్లాలని డిసైడ్ అయ్యారని తెలిపింది. వీరిద్దరు చాలా క్లెవర్స్ అని చెప్పింది. సిరిని లేపుతూ తాను లేవాలనుకుంటున్నాడు షణ్ముఖ్ తాను లేవాలనుకుంటున్నాడని, ఒరిజినల్ గేమ్ ఆడటం లేడని తెలిపింది. ఇకపైనా సొంతంగా గేమ్ ఆడాలని తెలిపింది.
మరోవైపు సన్నీపై కూడా ఫైర్ అయ్యింది సరయు. హౌజ్లోకి రావడానికి ముందు వీరిద్దరు కలిసి ఓ సినిమా చేశారని, ఆ సమయంలో ఏర్పడ్డ భేదాభిప్రాయాలను ఇందులో సన్నీ చూపిస్తున్నాడని, అందుకే తాను `రా.. `అనే విషయాన్ని తీసుకోవడం లేదని తెలిపింది. బయటి విషయాలను ఇందులో చూపిస్తున్నాడని తెలిపింది.
అలాగే లహరిని గట్టిగా ఏసుకుంది సరయు. నీ టోన్ కంట్రోల్ చేసుకో అని, ఏం లేని వారే ఎగిసి పడుతుంటారని, లహరి అలా చాలా మందిపై ఎగిరి పడుతుందని, హై టోన్లో వాగుతుందని, అది తగ్గించుకో అని తెలిపింది. ఎదగడానికి మరొకరిని తొక్కడం సరికాదని తెలిపింది. నీది ఏదైనా ఉంటే నీ దగ్గర పెట్టుకో అని, ఇలా హౌజ్లో చూపించొద్దని గట్టిగా వాయించింది సరయు. మొత్తంగా ఫస్ట్ వీక్లోనే సరయు ఇవ్వాల్సిన వారికి గట్టిగానే ఇచ్చింది.