ఐదేళ్ల తర్వాత బిగ్బాస్ కంటెస్టెంట్ లాస్య, రవి హోస్ట్ గా సందడి.. వీడియో వైరల్
ఒకప్పుడు యాంకర్ రవి, యాంకర్ లాస్య జోడి టీవీ షోస్లో బాగా ఆకట్టుకుంది. `సమ్థింగ్ స్పెషల్` ప్రోగ్రామ్లో వీరి మధ్య కెమిస్ట్రీ బాగా వర్కౌట్ అయ్యింది. అయితే వీరి మధ్య ఇంకా ఏదో జరుగుతుందనే వార్త ట్ టాపిక్ గా మారింది. ఆ తర్వాత షోల నుంచి లాస్య దూరమైంది. ప్రేమించిన మంజునాథ్ని ఇంట్లో ఒప్పించి పెళ్లి చేసుకుంది. ఇప్పుడు మరోసారి వీరిద్దరు కలవబోతున్నారు. ఓ వీడియో వైరల్ అవుతుంది.
ఇటీవల `బిగ్బాస్4`లో పాల్గొని పాపులర్ అయ్యింది లాస్య. స్ట్రాంగ్ కంటెస్టెంట్గా నిలిచింది. టాప్ టెన్లో నిలిచారు. ఈ పాపులారిటీని వాడుకోవాలనుకుంటుంది లాస్య. మళ్లీ టీవీ షోస్ చేయాలని నిర్ణయించుకుంది. అంతేకాదు ప్రస్తుతం ఓ షోలో మెరుస్తుంది.
ప్రస్తుతం స్టార్ మాలోనే ఓ స్పెషల్ ప్రోగ్రామ్ చేస్తుంది. ఇందులో యాంకర్ రవితో కలిసి ఆమె యాంకరింగ్ చేయడం విశేషం.
స్టార్మా సంక్రాంతి స్పెషల్గా `ఇట్స్ ఫ్యామిలీ టైమ్` పేరుతో స్పెషల్ ఈవెంట్ని ప్లాన్ చేసింది. ఇందులో యాంకర్ రవి, లాస్య హోస్ట్ లుగా కనిపిస్తున్నారు.
అయితే ఈ సందర్భంగా లాస్యకి సారీ చెప్పాడు రవి. నా వల్ల కలిగిన ఇబ్బందికి క్షమాపణాలు అని తెలిపారు. అయితే వీరిద్దరు విడిపోయే ముందు ఒకరిపై ఒకరు విమర్శలు చేసుకున్న విషయం తెలిసిందే.
ఐదేళ్ల తర్వాత రవి, లాస్య ఒకే తెరపై కనిపించబోతుండటంతో అభిమానులు ఖుషీ అవుతున్నారు. ఎంటర్టైన్మెంట్ బ్యాక్ అంటూ కామెంట్ చేస్తున్నారు. ఈ సందర్భంగా కొత్త సంవత్సరంలో నెగటివిటీని కిల్ చేసి పాజిటివిటీతో నింపాలని కోరుకుంటున్నా. మా కమ్బ్యాక్ వేరే లెవల్లో ఉంటుందని యాంకర్ రవి తెలిపారు.
మీ ఫ్రెండ్షిప్కి ఫిదా అని, మీది మరో లెవల్ స్నేహం, ఫేవరేట్ యాంకర్స్ పెయిర్ బ్యాక్, ఈ ఈవెంట్ కోసం ఈగర్గా వెయిట్ చేస్తున్నామని కామెంట్ చేస్తున్నారు.
ఇదిలా ఉంటే ఇందులో బిగ్బాస్ నాల్గో సీజన్ కంటెస్టెంట్లు ముక్కు అవినాష్, అరియానా, బిగ్బాస్4 విన్నర్ అభిజిత్, వాళ్ల మదర్ పాల్గొని సందడి చేశారు.
ముక్కు అవినాష్.. అరియానా ఎత్తుకుని డాన్స్ చేయడం హైలైట్గా నిలిచింది.
తెలుగు పండుగ సంక్రాంతి సందర్భంగా స్టార్ మాలో ప్రసారం కానున్న ఈ ప్రోగ్రామ్ రెట్టింపు ఎంటర్టైన్మెంట్ని ఇస్తుందని చెప్పొచ్చు.
మరోవైపు ఇందులో హీరో బెల్లంకొండ సాయి శ్రీనివాస్ కూడా పాల్గొన్నారు. ఆయన నటిస్తున్న `అల్లుడు అదుర్స్` చిత్రం సంక్రాంతి కానుకగా విడుదల కానుంది. చిత్ర ప్రమోషన్లో భాగంగా ఈ ఈవెంట్లో ఆయన సందడి చేశారు.