బిగ్ బాస్: అఖిల్ కి ఊపిరాడట్లదట.. సోహెల్ కి పిల్ల దొరకదు..!
కరోనా కాలం కావడంతో..ఈ సీజన్ లో అది సాధ్యపడటం లేదు. అలా అని ఎంటర్ టైన్మెంట్ లేకపోతే బోర్ కొడుతుంది కదా.. అందుకే ఈ సారి కొంచెం డిఫరెంట్ గా ప్రయత్నించారు.
బిగ్ బాస్ సీజన్ 4 చివరి వారంలోకి వచ్చేసింది. వచ్చే ఆదివారం ఈ సీజన్ ఫైనల్స్ జరగనున్నాయి. ఇప్పటికే టాప్ 5 కంటెస్టెంట్స్ ఎవరూ తెలిసిపోయింది. గత వారం మోనల్ ఎలిమినేట్ కాగా.. అఖిల్, సోహెల్, అరియానా, అభిజిత్, హారికలు టాప్ 5కి చేరిపోయారు. కాగా.. చివరి వారానికి వచ్చేసరికి బిగ్ బాస్ వాళ్లకి పెద్దగా టాస్క్ లు ఏమీ ఇవ్వడం లేదు.
పాత సీజన్స్ లో చివరి వారం రాగానే.. ఎలిమినేట్ అయిన సభ్యులంతా వచ్చి సందడి చేసేవాళ్లు. అయితే.. కరోనా కాలం కావడంతో..ఈ సీజన్ లో అది సాధ్యపడటం లేదు. అలా అని ఎంటర్ టైన్మెంట్ లేకపోతే బోర్ కొడుతుంది కదా.. అందుకే ఈ సారి కొంచెం డిఫరెంట్ గా ప్రయత్నించారు.
అందుకే బిగ్ బాస్ షోలో గతంలో పాల్గొన్న శ్రీముఖి, గీతామాధురి, హరితేజ, అలీలను రంగంలోకి దింపారు. వీరితో హౌస్ లో ఉన్న సభ్యులతో ముఖాముఖి పెట్టి సందడి చేశారు. చూస్తుంటే ఈ చివరి వారం కాస్త షోపై మరింత క్రేజ్ పెంచే ఏర్పాట్లలో బిగ్ బాస్ టీమ్ ఉన్నట్లు కన్పిస్తోంది.
నీకు ఎలాంటి అమ్మాయి కావాలన్న ప్రశ్నకు సోహైల్ తన కోపాన్ని కూల్ చేయగలగాలి అని చెప్పాడు. ఇది జరగని పని అని హరితేజ కుండ బద్ధలు కొట్టింది. మోనాల్ వెళ్లాక సైలెంట్ అయ్యావేంటని అఖిల్ను కూపీ లాగేందుకు ప్రయత్నించగా సోహైల్ మధ్యలో లేచి అంత లేదంటూ, ఇక్కడ ఇద్దరికి సోపులేస్తున్నాడని పంచ్ వేశాడు.
అయితే మోనాల్ వెళ్లిపోయాక కాసేపటివరకు ఊపిరి ఆడలేదని అఖిల్ చెప్పుకొచ్చాడు. తర్వాత సీనియర్లు అరియానాను లౌడ్ స్పీకర్గా అభివర్ణిస్తూ ఇమిటేట్ చేయడంతో ఇంటి సభ్యులు పడీపడీ నవ్వారు.
అయితే కొన్నిసార్లు ఆమె లీడ్ తీసుకుని మాట్లాడటాన్ని శ్రీముఖి మెచ్చుకుంది. దీనిపై అరియానా స్పందిస్తూ.. గత సీజన్లో శ్రీముఖికే సపోర్ట్ చేశాను, ఆమె ఆడిన విధానం నచ్చిందంటూ చెప్పుకొచ్చింది. హౌస్ అంతా రివర్స్ అయినప్పుడు కూడా పాజిటివ్గా మాట్లాడటం గ్రేట్ అని హరితేజ సైతం మెచ్చుకుంది.
కావాలని తప్పులు చేయండి, ఎందుకంటే వారంలో బిగ్బాస్ గొంతు మిస్సవుతారు అని సీనియర్లు ఉచిత సలహా ఇచ్చారు. తర్వాత అందరితో డ్యాన్స్ చేయించారు.
గర్ల్ ఫ్యాన్స్ కోసం అభిజిత్తో పాట పాడించారు. అయితే లిరిక్స్ రాకపోయినా 'నీ ఎదలో నాకు చోటే వద్దు.. అంటూ బాగానే పాడాడు.
తర్వాత అలీ రెజా మాట్లాడుతూ..నన్ను అర్జున్రెడ్డి అనేవారు, కానీ నువ్వు నన్ను మించిపోయావని, గొడవయ్యాక నువ్వే వెళ్లి కలిసిపోవడం బాగుందని సోహైల్ను మెచ్చుకున్నాడు.