బిగ్ బాస్ సీజన్ 5:ట్రాన్స్ జెండర్ ప్రియాంక వెనుక మెగా పవర్, ఆమెకు నాగబాబు ఇచ్చిన హామీ ఏమిటో తెలుసా...?
జబర్దస్త్ వేదికగా ప్రేక్షకులకు పరిచయమైన ప్రియాంక సింగ్, ప్రస్తుతం బిగ్ బాస్ సీజన్ 5 కంటెస్టెంట్ గా హౌస్లోకి వెళ్లారు.
పెళ్లి సంబంధాలు చూస్తున్నారని తెలిసి ఇంట్లో నుండి పారిపోయి, ఆపరేషన్ చేయించుకొని అమ్మాయిగా మారారు ప్రియాంక.
జబర్దస్త్ కామెడీ షోలో లేడీ గెటప్స్ చేస్తూ గుర్తింపు తెచ్చుకున్న ప్రియాంక, సోషల్ మీడియా యాప్ టిక్ టాక్ ద్వారా మరింత పాప్యులర్ అయ్యారు. ప్రియాంక అసలు పేరు సాయి తేజ. శ్రీకాకుళం ప్రియాంక సొంత ఊరు.
ఇంట్లో వాళ్ళు ప్రియాంకను తేజా అని పిలిచేవారు. బిగ్ బాస్ హౌస్లోకి ఎంట్రీ ఇచ్చిన రెండవ ట్రాన్స్ జెండర్ ప్రియాంక సింగ్. బిగ్ బాస్ సీజన్ 3లో ట్రాన్స్ జెండర్ తమన్నా సింహాద్రి పాల్గొనడం జరిగింది.
వైల్డ్ కార్డు ఎంట్రీతో తమన్నా సింహాద్రి ఎంట్రీ ఇవ్వగా, ప్రియాంక మొదటిరోజే హౌస్లోకి ప్రవేశించారు. మేల్ కంటెస్టెంట్స్ ని అన్నయ్య అని పిలిచి షాక్ ఇచ్చారు.
టిక్ టాక్ లో భారీ ఫాలోయింగ్ రాబట్టిన ప్రియాంకకు ఫాల్లోవర్స్ ఆమెకు జెండర్ మార్చుకోవడానికి అవసరమైన దైర్యం ఇచ్చారు. వాళ్ళ సప్పోర్ట్ తో ప్రియాంక అంత పెద్ద కార్యక్రమానికి పూనుకున్నారు.
లైంగిక మార్పిడి ఆపరేషన్ తరువాత ప్రియాంక కొన్నాళ్ళు బ్రేక్ తీసుకున్నారు. ఆరోగ్య సమస్యలు కారణంగా కార్యక్రమాలకు దూరం అయ్యారు.
హార్మోన్ల అసమతుల్యత వలన అనేక ఆరోగ్య సమస్యలు ఎదుర్కొన్నట్లు ప్రియాంక తెలిపారు. ప్రియాంక జెండర్ మార్చుకున్న విషయం ఫాదర్ కి తెలియదు.
కాలేజ్ లో ల్యాబ్ అసిస్టెంట్ గా చేసిన ప్రియాంక తండ్రి రెండు కళ్ళు పోగొట్టుకున్నారు. తల్లి మాత్రం తన అభీష్టాన్ని గౌరవించారని, ఆమెకు అన్నీ తెలుసు ని ప్రియాంక బిగ్ బాస్ వేదికగా తెలియజేశారు.
ఇక ఒకప్పటి జబర్దస్త్ జడ్జ్, నాగబాబు ఆర్థికంగా తనకు అండగా నిలిచినట్లు ప్రియాంక ఇటీవల ఓ ఇంటర్వ్యూలో వెల్లడించారు. అలాగే తాను లైఫ్ లో సెటిల్ అయ్యేవరకు అండగా ఉంటానని హామీ ఇచ్చారని ప్రియాంక వెల్లడించారు.