బాలకృష్ణ కోసం తరలి వచ్చిన రజనీ, కమల్‌, నాగార్జున..రేర్‌ ఫోటోస్‌ వైరల్‌
బాలకృష్ణకి సంబంధించిన అరుదైన ఫోటోలు ఇప్పుడు సోషల్‌ మీడియాలో సందడి చేస్తున్నాయి. ఆయన సినిమాలకు ప్రముఖ స్టార్స్ వచ్చి అభినందనలు తెలుపుతుండగా, ఏకంగా తమ మధ్య విభేదాలున్నాయనే టాక్‌ వినిపిస్తున్న నాగార్జున సినిమాకి, బాలయ్య క్లాప్‌ కొట్టడం విశేషం. ఇక రజనీకాంత్‌, కమల్‌ హాసన్‌ సైతం బాలయ్య కోసం తరలి వచ్చారు.
బాలకృష్ణకి సోషల్‌ మీడియాలో విశేషమైన ఫ్యాన్‌ ఫాలోయింగ్‌ ఉంది. ఇక బయట అభిమానుల గురించి ఎంత చెప్పినా తక్కువే. ఆయన సినిమాల కోసం కొట్టుకుంటారు అభిమానులు. తాజాగా ఆయనకు సంబంధించిన పలు అరుదైన ఫోటోలను పంచుకున్నారు అభిమానులు. ప్రస్తుతం అవి సోషల్‌ మీడియాలో హల్‌చల్‌ చేస్తున్నాయి.
టాలీవుడ్‌ ఇండస్ట్రీలో బాలకృష్ణకి, నాగార్జునకి పడదనేది టాక్‌ వినిపిస్తుంది. ఆ మధ్య వీరిద్దరు ఒకే వేదికపై సందడి చేశారు. తమ మధ్య ఎలాంటి విభేదాలు లేవని చెప్పారు. కానీ వీరి మధ్య సమ్‌థింగ్‌ ఉందనేది వాస్తవమని అంటున్నారు. అయితే 1987 అక్టోబర్‌ 12న నాగార్జున కోసం వచ్చాడు బాలకృష్ణ. నాగార్జున హీరోగా రూపొందిన `మురళీకృష్ణుడు` చిత్ర ఓపెనింగ్‌ కార్యక్రమంలో బాలయ్య గెస్ట్ గా విచ్చేసి సందడి చేయడంతోపాటు క్లాప్‌ కొట్టాడు.
బాలయ్య కోసం కమల్‌ వచ్చారు. అవును.. 26 ఏళ్ల క్రితం బాలయ్య కోసం యూనివర్సల్‌ యాక్టర్‌ కమల్‌ హాసన్‌ వచ్చారు. బాలకృష్ణ నటించిన `భైరవద్వీపం` చిత్ర విజయోత్సవానికి అతిథిగా కమల్‌ విచ్చేసి బాలయ్యకి షీల్డ్ ని అందించారు.
అదే ఏడాది రజనీకాంత్‌ కూడా బాలయ్య కోసం వచ్చాడు. అయితే బాలయ్య, మీనా జంటగా నటించిన `బొబ్బిలిసింహాం` కోసం ముహూర్తం కార్యక్రమంలో అతిథిగా సూపర్ స్టార్‌ రజనీకాంత్‌ పాల్గొన్నారు.
దీంతోపాటు `అశ్వమేథం` చిత్రంలోని బాలయ్య రేర్‌ ఫోటో సైతం ట్విట్టర్‌లో వైరల్‌ అవుతుంది. ఇది `ఓ ప్రేమా నాలో నువ్వే ప్రేమ నవ్వే ప్రేమ.. పువ్వైతేనె పొంగె ప్రేమ తెలుసా.. `పాటలోని స్టిల్‌ ఇది. కె.రాఘవేంద్రరావు దర్శకత్వం వహించిన ఈ చిత్రంలో శోభన్‌బాబు, బాలకృష్ణ, మీనా, నగ్మ హీరోహీరోయిన్లుగా నటించారు.
అలాగే ఎన్టీఆర్‌ రూపొందించి, నటించిన `విశ్వామిత్ర` షూటింగ్‌ సమయంలో బాలకృష్ణ కాలి వద్ద టపాసు పేలాలి, కానీ అది పేలలేదు. అంతలో మరొకటి విసరమని ఎన్టీఆర్‌ చెప్పాడు. దీంతోపాటు అంతకు ముందు వేసినది కూడా పేలింది. ఓ వైపు కాలికి గాయమై రక్తం కారుతున్నా.. షాట్‌ పూర్తయ్యే వరకు బాలకృష్ణ కదల్లేదు. ఆ సీన్‌కి ప్రత్యక్ష నిదర్శనం, దానికి ప్రతిబింబం ఈ చిత్రం. ఈ రేర్‌ ఫోటోస్‌ బాలయ్య అభిమానులు పంచుకుని వైరల్‌ చేస్తున్నారు. దీంతో ఇవి విశేషంగా అలరిస్తున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
