కొత్త గెటప్‌తో అదరగొడుతున్న బాలయ్య.. ఈద్‌ విషెస్‌..భానుమతి, మీనాలతో రేర్‌ పిక్స్ వైరల్
మాస్‌ కా బాప్‌ నందమూరి బాలకృష్ణ కొత్త గెటప్‌లో అదరగొడుతున్నారు. తాజాగా ఆయన `ఈద్‌` శుభాకాంక్షలు చెబుతూ, నయా లుక్‌లో ఫ్యాన్స్ ని ఫిదా చేస్తున్నాడు. అంతేకాదు ఈ సందర్భంగా భానుమతి, మీనాలతో అరుదైన ఫోటోలు వైరల్‌గా మారాయి.
నేడు రంజాన్‌ పండుగని పురస్కరించుకుని బాలయ్య శుభాకాంక్షలు తెలిపారు. `ముస్లిం సోదర, సోదరీమణులకు రంజాన్‌ పవిత్ర పర్వదిన శుభాకాంక్షలు. త్యాగానికి, సేవానిరతి మారుపేరు రంజాన్‌ పవిత్ర మాసం. ఎంతో భక్తి శ్రద్దలతో కఠిన ఉపవాస దీక్ష ఉంటూ దైవాన్ని కొలవడం ఆదర్శప్రాయం. అల్లా కృపాకటాక్షాలతో ఈ రంజాన్‌ పర్వదినం మీ అందరి జీవితాల్లో కొత్త వెలుగులు నింపాలని, అందరు సుఖ సంతోషాలతో, ఆయురారోగ్యాలతో వర్థిల్లాలని కోరుకుంటున్నా` అని తెలిపారు బాలయ్య.
ఈసందర్బంగా బాలయ్య లుక్ అదరగొడుతుంది. నిజానికి ఇది `అఖండ` సినిమాలోని లుక్. ఆయన అందులో అఘోరగా కనిపించబోతున్నారు. ఇప్పటికే విడుదల చేసిన టీజర్‌ వైరల్ అవుతుంది. ఇందులో ఆయన గెటప్‌ ఇంట్రెస్టింగ్‌గానూ మారింది.
కానీ సినిమాల్లో కంటే రియల్‌గానే బాలయ్య లుక్ గూస్‌బమ్స్ వచ్చేలా చేస్తుంది. కొదమ సింహాంలా ఉన్నాడు బాలకృష్ణ. ఈ లుక్ ఆద్యంతం ఆకట్టుకుంటుంది.
ఇదేకాదు బాలకృష్ణ ఇటీవల ప్రతి సినిమాకి వేరియేషన్‌ చూపిస్తున్నారు. మిగిలిన ఏ హీరో చూపించనంతగా బాలకృష్ణ మాత్రం గెటప్‌లో మార్పులు చూపిస్తూ తన ప్రత్యేకతని చాటుకుంటున్నారు.
`సింహా`, `లెజెండ్‌`, `లయన్‌`, `గౌతమిపుత్ర శాతకర్ణి`, `జై సింహా`, `రూలర్‌` వంటి సినిమాల్లో ఆయన గెటప్పులు దేనికదే డిఫరెంట్‌గా ఉంటాయి. అలా తన నటనతోనే కాదు, లుక్ వైజ్‌గానూ ఎప్పటికప్పుడు కొత్త గెటప్‌లో సర్‌ప్రైజ్‌ చేస్తున్నారు. అలా `అఖండ`లోనే డిఫరెంట్‌గా కనిపిస్తున్నారు బాలకృష్ణ.
బోయపాటి శ్రీను దర్శకత్వంలో రూపొందుతున్న ఈ సినిమాలో ఆయన ద్విపాత్రాభినయం చేస్తున్నారని తెలుస్తుంది. ఇప్పటికే రెండు పాత్రల లుక్‌లను విడుదల చేశారు. ఒకటి ఊరు పెద్ద తరహా పాత్రలో కనిపించగా, ఇటీవల విడుదల చేసిన టీజర్‌లో అఘోర పాత్రలో మెరిశారు. ఊహించని కథాంశంతో బోయపాటి శ్రీను ఈ సినిమాని రూపొందిస్తున్నారని, బాలయ్య ఫ్యాన్స్ కే కాదు, సాధారణ ఆడియెన్స్ కి కూడా ఇది సర్‌ప్రైజింగ్‌గా ఉంటుందని అంటున్నారు. ఇందులో ప్రగ్యా జైశ్వాల్‌ హీరోయిన్‌గా నటిస్తుంది.
ఆ తర్వాత బాలయ్య.. గోపీచంద్‌ మలినేని దర్శకత్వంలో ఓ సినిమా చేస్తున్నారు. ఇందులో మీనా కథానాయికగా కనిపించబోతుందని, ఆమె కీలక పాత్రలో కనిపిస్తుందని టాక్‌.
మీనాతో బాలయ్య ఉన్న ఫోటోని సైతం తెగ వైరల్ చేస్తున్నాయి. ఇది సామాజిక మాధ్యమాల్లో చక్కర్లు కొడుతుంది.
ఈ సందర్భంగా బాలయ్యకి సంబంధించి పలు అరుదైన ఫోటోలు సోషల్‌ మీడియాలో సందడి చేస్తున్నారు. `మంగమ్మగారి మనవడు` చిత్రంలో భానుమతితో కలిసి ఆయన నటిస్తున్న సీన్‌, రేర్‌ ఫోటోని అభిమానులు పంచుకుంటూ వైరల్ చేస్తున్నారు.
వీటితోపాటు `భైరవ ద్వీపం`లోనూ సంకేళ్లు వేసే సీన్‌ ఫోటో సైతం హల్‌చల్‌ అవుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
