అనసూయ ప్రెగ్నెన్సీపై చర్చ.. మూడో సంతానం, ఈసారి పాప కోసమే ?

టాలీవుడ్ బ్యూటిఫుల్ యాంకర్ అనసూయ గురించి ఎప్పుడూ సోషల్ మీడియాలో ఏదో ఒక చర్చ జరుగుతూనే ఉంటుంది. గ్లామర్ పరంగా అనసూయ కుర్రాళ్లకు ఫేవరేట్ యాంకర్. జబర్దస్త్, టీవీ కార్యక్రమాలు, సినిమాలతో అనసూయ నిత్యం బిజీగా ఉంటుంది. 

అనసూయ పర్సనల్ లైఫ్ గురించి ఎదో ఒక రూమర్ వైరల్ అవుతూనే ఉంటుంది. కొన్నిసార్లు జబర్దస్త్ షోలో ఆమెపై వేసే పంచ్ డైలాగ్స్ కారణంగా కూడా కొన్ని ఊహాగానాలు మొదలవుతూ ఉంటాయి. 

తాజాగా అనసూయ ప్రెగ్నెన్సీ గురించి చర్చ మొదలయింది. అనసూయ ప్రస్తుతం తన భర్త, పిల్లలతో సంతోషంగా లైఫ్ లీడ్ చేస్తోంది. ఈ రోజుల్లో ఇద్దరు పిల్లలతో చాలా మంది సరిపెట్టుకుంటున్నారు. అనసూయ ప్రస్తుతం ఇద్దరు కొడుకులకు తల్లి. తనకు మూడో సంతానం కూడా కావాలని.. అది పాప అయితే బావుంటుందని గతంలో అనసూయ మనసులో కోరిక బయట పెట్టింది. 

అనసూయ ప్రస్తుతం వయసు 36 ఏళ్ళు. 40 ఏళ్ళు వచ్చాకే మూడో సంతానంపై ప్లానింగ్ ఉంటుందని కూడా అనసూయ గతంలో తెలిపింది. మాతృత్వం అనేది మధురమైన అనుభూతి. దానిగురించి మాట్లాడేందుకు నాకు ఎలాంటి మొహమాటం లేదు. టైం కుదిరినప్పుడు అమ్మాయిని కనాలని ఉంది అని అనసూయ తెలిపింది. 

తాజాగా అనసూయ యాంకర్ గా చేస్తున్న జబర్దస్త్ ప్రోమో విడుదలయింది. ఈ ప్రోమోలో అదిరే అభి.. అనసూయ గర్భవతి అయినట్లు బిల్డప్ ఇస్తూ కామెడీ డైలాగ్స్ పేల్చాడు. 'టైంకి తిను.. జాగ్రత్తగా ఉండు.. పులుపు తినాలనిపిస్తే నేను మామిడి కాయలు పంపిస్తా' అని అంటాడు. దానికింకా టైం ఉందిలే అని అనసూయ సమాధానం ఇస్తుంది. 

ఏంటి అనసూయ మళ్ళీ నెల తప్పిందా అని పక్కనే ఉన్న అమ్మాయి అడుగుతుంది.. దీనికి అభి సెప్టెంబర్ నెల అందరికీ 9వ నెలే కదా అని ఫన్నీగా బదులిస్తాడు.