హైదరాబాద్ సంస్థాన రాజహంస అదితిరావు హైదరీ.. రాజకుమారిలా పరువాలు
హైదరాబాదీ బ్యూటీ అదితిరావు హైదరీ రాజహంసలా మారింది. హైదరాబాద్ సంస్థానంలోని రాజకుటుంబానికి చెందిన ఈ అందాల రాజకుమారి చీరకట్టులో వయ్యారాలు ఒలకబోసింది. రాజకుటుంబంలోని ఠీవి ఉట్టిపడేలా ముస్తాబై ఫోటోలకు పోజిచ్చింది. తాజాగా ఆయా ఫోటోలు చక్కర్లు కొడుతున్నాయి. ఫ్యాన్స్ ని ఫిదా చేస్తున్నాయి.
హైదరాబాద్ రాజకుటుంబానికి చెందిన అదితిరావు హైదరీ ఫ్యామిలీ ముంబయిలో సెటిల్ అయ్యింది. దీంతో అదితిరావు కూడా అక్కడే హీరోయిన్గా రాణిస్తున్నారు.
తాజాగా రాజహంసలా ముస్తాబైంది అదితి. గ్రీన్ శారీలో స్లీవ్ లెస్ బ్లౌజ్ ధరించి హోయలు పోయింది.
అచ్చు హైదరాబాద్ దర్భార్కి చెందిన రాజకుమారిలా కనువిందు చేస్తుంది అదితి రావు హైదరీ. తాజాగా పంచుకున్న ఫోటోలు విశేషంగా ఆకట్టుకుంటున్నాయి.
అస్సాంకి చెందిన మహ్మద్ సలేహ్ అక్బర్ హైదరీ, హైదరాబాద్కి చెందిన జానంపల్లి రామేశ్వరరావు కుటుంబంలో అదితి జన్మించింది. ఓ రకంగా వీరిద్దరి తల్లిదండ్రులది రాజకుటుంబాలే. అదితి అక్బర్ హైదరికి అదితి ముని మనవరాలు.
కార్తితో `చెలియా` చిత్రంలో నటించి తెలుగు ఆడియెన్స్ కి పరిచయమైన అదితి ఇప్పుడు టాలీవుడ్లో పాగా వేసింది.
సుధీర్బాబుతో కలిసి `సమ్మోహనం` చిత్రంలో నటించి మెస్మరైజ్ చేసింది. ఆ తర్వాత `అంతరిక్షం`, `వి` చిత్రంలో ఆకట్టుకుంది.
ప్రస్తుతం `మహాసముద్రం` చిత్రంలో హీరోయిన్గా నటిస్తుంది. దీంతోపాటు హిందీ, తమిళం, మలయాళ చిత్రాల్లో నటిస్తూ బిజీగా ఉంది.
ఇదిలా ఉంటే నెపోటిజంపై అదితి స్పందించారు. `నా దృష్టిలో నెపోటిజటమ్ అనేది చెడ్డ పదం. అసలు ప్రపంచంలో `నెపోటిజమ్` లేనిది ఎక్కడ? అయితే దీన్ని నేను విమర్శించడంలేదు. ఎలాంటి బ్యాక్గ్రౌండ్ లేని నాకు ఎవరి గురించీ ఆలోచించకుండా సొంత నిర్ణయాలు తీసుకునే ఛాన్స్ దక్కింది. బ్యాక్గ్రౌండ్ ఉన్నవారికి అవకాశాలు సులువుగా వస్తాయి. కానీ ఈ విషయంలో నాకెలాంటి కోపం లేదు.
నా ఎదుగుదల నా శక్తిని తెలియజేస్తుంది. నేను కలలు కనడానికి ఇష్టపడతాను. వాటిని నెరవేర్చుకోవడానికి ప్రయత్నిస్తాను. అంతేకానీ ఇతరుల గురించి చెడుగా ఆలోచించను. నా ప్రతి నిర్ణయం నాకు శక్తినివ్వడంతో పాటు, నిర్భయంగా ముందుకు సాగేలా చేస్తోంది` అని చెప్పింది.