ఎన్టీఆర్ సీఎం కావడం పక్కా... దానికి ఇదే లెక్కా... శ్రీరెడ్డి అనాలిసిస్ అదుర్స్!
పరిశ్రమలో చాలా మంది స్టార్ హీరోలను బండ బూతులు తిట్టే శ్రీరెడ్డి ఒక్క ఎన్టీఆర్ ని మాత్రం చాలా గౌరవిస్తుంది. అనేక సందర్భాలలో శ్రీరెడ్డి సోషల్ మీడియా వేదికగా ఎన్టీఆర్ పై తన అభిమానం చాటుకుంది.
తాజాగా ఎన్టీఆర్ పై వరుస ట్వీట్స్ తో శ్రీరెడ్డి సోషల్ మీడియాలో సందడి చేశారు. ఎవరు మీలో కోటీశ్వరుడు రియాలిటీ షో వ్యాఖ్యాతగా వ్యవహరించనున్న ఎన్టీఆర్.. నేడు మీడియాతో ముచ్చటించారు. విలేకరులు అడిగిన అనేక ప్రశ్నలకు సమాధానం చెప్పారు.
అందరూ ఊహించిన విధంగానే ఎన్టీఆర్ పొలిటికల్ ఎంట్రీపై స్పందించారు. ఓ విలేకరి మీరు రాజకీయాలోకి ఎప్పుడొస్తారని అడుగగా.. దానికి ఇది సమయం కాదు, సంధర్భం కాదు.. అని తెలివైన ఆన్సర్ చెప్పి తప్పుకున్నారు.
కాగా ఎన్టీఆర్ వీరాభిమాని శ్రీరెడ్డి మాత్రం ఆయన సీఎం కావడం పక్కా అంటూ ట్వీట్ చేశారు. ''ఎన్టీఆర్ గారు రాజకీయాల్లోకి వస్తారో రారో నాకు తెలియదు కాని వస్తే మాత్రం పక్కా CM అవుతారు, ఎందుకంటే తెలుగు ప్రజలు ఆయనను వాళ్ళ ఇంట్లో సొంత కొడుకులా, అన్నలా చూస్తారు'' అంటూ శ్రీరెడ్డి కామెంట్ చేశారు.
ప్రజలను ప్రేమించే గుణం ఉన్న ఎన్టీఆర్ రాజకీయాలోకి వస్తే ఖచ్చితంగా సక్సెస్ అవుతారని ఆమె తన అభిప్రాయంలో చెప్పారు. మరో ట్వీట్ లో ''మాస్ అయిన క్లాస్ అయినా, డైలాగ్ చెప్పటంలో అయినా, డాన్స్ చేయటం లో అయినా, నటన లో అయినా నిజ జీవితంలో అయినా ఎన్టీఆర్ గారి తర్వాతే ఎవరైనా' అంటూ ఆకాశానికి ఎత్తారు.
అలాగే ఎన్టీఆర్ ఫ్యాన్స్ చేస్తున్న సేవల గురించి కూడా శ్రీరెడ్డి ట్వీట్ చేశారు. ''టీం తారక్ ట్రస్ట్ పేరుతో సేవ చేస్తున్న ప్రతీ యంగ్ టైగర్ అభిమానికి నా కృతజ్ఞతలు'' అన్నారు.
''తన అభిమానులను తన కుటుంబం లా చూసుకునే ఒకే ఒక్క దమ్మున్న హీరో యంగ్ టైగర్ ఎన్టీఆర్'' అంటూ ఫ్యాన్స్ పట్ల ఎన్టీఆర్ తీరును పొగిడారు.
ఆడవాళ్లకు ఎన్టీఆర్ ఇచ్చే గౌరవాన్ని, మర్యాదను మరో ట్వీట్డ లో ప్రస్తావించారు. 'ఆడవారిని అమ్మా అని పిలిచే మీ సంస్కారానికి నా జీవితాంతం మీకు అభిమానిగా ఉంటాను సార్' అని ఆయన గురించి గొప్పగా ఫీలయ్యారు.
టీడీపీలోని ఎన్టీఆర్ డై హార్డ్ ఫ్యాన్స్ ఆయన రాజకీయాలలోకి రావాలని, ఆ పార్టీకి తిరిగి శోభ తీసుకురావాలని కోరుకుంటున్నారు. ఒక్క ఎన్టీఆర్ తోనే టీడీపీ భవిష్యత్తు అని నమ్మేవారు చాలా మంది ఉన్నారు.
ఈ మధ్య కుప్పం రోడ్ షోలో ప్రసంగిస్తున్న నారా చంద్రబాబు నాయుడుని కార్యకర్తలు ఎన్టీఆర్ రావాలంటూ, ఆయన్ని మున్సిపల్ ఎన్నికల ప్రచారంలో దించండి అంటూ అడిగారు.
2009లో ఎన్టీఆర్ టీడీపీ తరపున విస్తృత ప్రచారం చేశారు. ఆ ఎలక్షన్స్ లో టీడీపీ గెలవనప్పటికీ... ఎన్టీఆర్ ప్రసంగాలకు మంచి పేరు వచ్చింది. ఆ తర్వాత జరిగిన పరిణామాలతో ఎన్టీఆర్ టీడీపీకి దూరం అయ్యాడు.